Na gonggul tegenyɛsɛ kura. Na bhɛa itinynyanɛnɛa gɔmɔ ko kuraɔ, makkeo siyɔ kalde dhɔnɛ na oy ke tolu. Na toye kedhdha kete gɔminya sizzi na tutuk ojjɛsɛ kaanyiyɔ.
Na seu, “Anye bhɛa bɔɔ keghendonɛi zugo ko kɛginya ko ahaa silolnɛna bay bay ko ga chicho chicho gen ko shɔa wa kumunyuwa goore. Na mɛa keni kìdhiytɔ.”
Na ale ihi na hunde ungo a issabbayte, anye ale kughurton guyɔ na dhak ungo zugo ramman bar ko kali. Na ahaa bere keghendoni ɛlla bay lɔmmɛa bassey kumulɔng ale kuhukkan rang.”
“Mɛa keni kìbhiigi lɔgɔ ko inye ko ashaa gunyu ale bhɛllinynyana ko ngaahaya lɔmmɛ bassey ɛl bay bhonsanɛ gonggulɔye kumulɔng, shɔa ko ahaa kìwoo ko kɛginyaa dusuny.
Na chɔɔ bɛrgua bere kinginye, huna bere zugo Tumu ngaɛngɛrsɛayo, nɔng Tumu annaa ngani kichirbhisiwao na koo kunɛa maa dhittɛa ba na hukkana ko aha rang. Na chirbhiseo Nɔa, hira bere madhɛsɛna zugo lɔga ridhing ningginɛna, ko zuga bere ku issabbay sɔng.