Lɔgɔ Sabba 37:4 - Suri Latin

⁴ Na hunaa gɔynggɛ orrɛa baba nɛ hunde bhɛa nɛ yel Yoseb gooreye, hinisi ngɔ na tamara Yoseb na chɔɔ ngani ngaurrukkannɛo dhul.

Lɔgɔ Sabba 37:4 ပူးပေါင်းရင်းမြစ်များ

Lɔgɔ Sabba 27:41

Na Esau tɔlɔmɛsɛ Yaykob lɔgɔ hinisɔ ke ngaya wa kùtuhɛ sabbɔye. Na ɛsɛdhu lɔgɔ na seu, “Nɔng baba kolea senno kerɛ, mɛa te ja. Na ale hunde rɛsse, Yaykob kɔgɔdhdhiyɔ.”

Lɔgɔ Sabba 37:11

Na Yoseb gɔynggɛ hinisi kɔchiyɛ. Nɔng chɔgɔnɛ dha bere ɛsɛdh ngalɔkta wa kunasɛ :hoynɛye na lɔ hinisɔ.

Lɔgɔ Sabba 37:5

Na kali kona barɔ Yoseb kunau. Na koo yogɛsɛ gɔynggɛ na sɛɛsɛ, “Ga kòyogogung lɔga bare kugunasɛi! Agge se kùsuni liwa. Na hunde kìchib tadhugoye, tadhugoya nanu chilu dib na ga gu oytɛsɛ na nanu kɛrghɛn na tɔgɔndɛsɛ kɔmma.” Na yɔk hunaa shikkɛaye, kɛ nɔng goore.

Lɔgɔ Sabba 4:5

Na Kayel ko ahaa gɛnyɛ tamaru na bhɔdhɛsɛ bhuguy. Na Kayel dɛbu goore na hini te kɔrrɔ.

Lɔgɔ Sabba 49:23

Annaa bere bansaginyɛa :mirɔga bo lɔmmɛa torongɛa na kɔrraninyɛa na irrɔgɛayɔ.

Markos 3:25

Na ko yɔk zuga doraa dhɔnɛna hunde kendɛ kɛngɔ na ngani ngashiginɛoye, bhee bhagɛ ba kari dirr ninggɛ.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

1 Yohanis 2:11

Nɔng inde mar zuga yɛbhbhɛa kamannaa Yesusi konaye, bhak ba kɔrrɔynɔ na dhaa ngani yiri ngonu. Na chɔɔ gɔrre kɔɛye imag ke ngaya kawarɛ dhiyɛ :kɔrrɔynɔye.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?