Lɔgɔ Sabba 32:4 - Suri Latin

⁴ na keseyɛsɛ, “Ago seyɛsɛ gulsaa nanu Esau, ‘Hira bere kachinyi kèe Yaykob se kèseyaginy ɛnɛnggeo, ‘Anye ko mɛa toye bɔɔ kabhakto ko Lawa kɛr.

Lɔgɔ Sabba 32:4 ပူးပေါင်းရင်းမြစ်များ

Lɔgɔ Sabba 23:6

“Gulsae, ga chirariytɔ. Inye bhɛa nayo ani gulsaa bo ɔnnɛni kàgainyi. Na mɛa ga ok na gɔny bolkɛna gayo gee chalde na bɛra inde hiniye na ojjɛ tɛriya nunu. Hirre ushubhbheny bolkɛna zuga gɛnyɛ bhɛa nayo ninggɛ dhul.”

Lɔgɔ Sabba 25:30

Na sɛɛsɛ Yaykob, “Wa dhaganyɔ :hozzo gɛrrɛng. Ga any ngahotuya gɔlɔnyde bhee chinyi.” Na ngaya ogolɛ hotuye, a bhee ale koo kelɛɛ nɔng Edombe.

Lɔgɔ Sabba 27:29

Na bhorinya gen any katagaytiny inye na alliyɛy :inyo. Na te komoruya allinɛnɛi gochonginyaa gunyu na te hira kɔdhdhaginyɛa :erroa junu kɔmma. Na zukte chɔrrinynyɛye ko yɔk any kete chɔrnɛ, na gee tuhenynyɛye ko yɔk any kete tuhinɛ.”

Lɔgɔ Sabba 27:37

Na Isak yagɛsɛ na sɛɛsɛ, “Anye wa kutuha nɔng na ale kete gulsaa nunu na kalliyɛiny inye ko bhɛnɛna gɛnyɛ kumulɔng. Na chɔɔ wa kutuha na woyn ko liwaa ɛlla gua nɛnɛ keggeo kawarte mɛri. Na mɛa eriya nanuye, inye kalda kemesiny ɛnɛng?”

Lɔgɔ Sabba 31:41

“Ngaoynyaya ku hirkon bere kabhagɛ ko inyeye, lɔga ganyu bere kɔchɔllanɛnɛi a ngagiya. Oynya tɔmmɔn ko wush agga bere kagachɛinyi na kàgam sedhdhea gunyu ku ramman. Na ngaoynyaya ku illɛyte agga bere tɔrrɛanyi na kiwosoginyi ahaa gunyu na kɔ̀jɔyayɛy ahaa kìwoo gena na ke ganyu. Na inye annaa chirbhisiu ahaa gunyu na bhɔdhu lɔga ganyu kɛngi tɔmmɔn kari na gadheonyi ahaa chicho muchuga.

Lɔgɔ Sabba 32:18

sɛɛsɛ, ‘Ngabea agga gaymaya nunu Yaykobi. Na kèe kɔ̀tɔgɛsɛ gulsaa nɛnɛ Esau. Nɔng Yaykob aynde kɔbhinya wurtɔye.’”

Lɔgɔ Sabba 32:5

Na mɛa bɔɔ kɔtɔlɔmma beo ko sigiriya ko tenɔ ko mɛdɛrni ko gaymanyaa maya ko ga ngaha. Na ngaya kegerissogɛiny ngazuktaye, a bhɛa keni hinisa nunu keteɛ hɔli na chirbhisɛanydɔ.’”

Lɔgɔ Sabba 33:14

Na mɛa gulsae, anye kani hira kagachinyi inye na ga jɛm sabbɔ. Na anye kiyo erroa ganyu halɛ halɛ ko ngaahaya na ale koo kuturbhaniny Seherɔ.”

Lɔgɔ Sabba 33:8

Na Esau ghinu na seu, “Na ngabea bu mɛr hɛ sabbɔye aggee kunɛnɛng?” Na Yaykob sɛɛsɛ, “Gulsae! Agga kɔtɔkkaginyi inye na hinisa nunu kete hɔli.”

Lɔgɔ Sabba 36:8

Na Esau (oo Edom) nɔng zɛgu Seherɔ baa lɔmma kutulo na bhagu ngonu.

Lɔgɔ Sabba 36:9

Na hunaa zɛgga ngonuye, ashaa gɛnyɛ bhɛldɛ na te mɛri na te bhorre kèe Edom. Na mɛa te lɔga bere ashaa gɛnyɛ.

Lɔgɔ Sabba 4:7

Hunde mesi lɔga challaye, anda kamariny ɛnɛng? Na nɔng hunde ɛddɛi lɔgɔye, lɔga gɛrsa tu kɛngɔa nunu ngagarsɛo. Yɔk ngalɔkta se kɔrrɔktinydɔ na nɔng maya rɔgi :inyo.”