Lɔgɔ Sabba 32:10 - Suri Latin

¹⁰ Na anye kani hira chinynyo tɔlgɔnya kagachinyi inye na chɔɔ bhee chirbhisiyɛanyi na yelɛanyi ninggɛ dhul. Anye huna bere kerressani kidhoa kèe Yordanos, annaa kɔgɔmbinynyani bhirɛgiye sɔng. Na nɔng mɛa ketewa hira bo zugo mɛra. Na chɔɔ ngaahaya keninya gaminya rammande agga ganyu.

Lɔgɔ Sabba 32:10 ပူးပေါင်းရင်းမြစ်များ

Lɔgɔ Sabba 18:27

Na ko nɔng Awuraham yagɛsɛ na sɛɛsɛ, “Anye nɔng kani hiri hung na ngaya kighinɛiny inye Komoruya nanu bo dirrte, lɔgɔ ngalɔmmaganyi wo!

Lɔgɔ Sabba 24:12

Na nɔng alliyɛ ko Tumu na seu, “Tumu, Komoruya gulsaa nanu Awurahamiye, mɛa ga dhuguno bhɛa yelɛi gulsaa nanu na tuhony anye na kɔ̀jɔɛsɛ eriya nɛnɛ tɛri.

Lɔgɔ Sabba 24:27

na seu, “Tumu, Komoruya gulsaa nanu Awurahamiye, keterrisaninydɔ. Inye wa chirbhisiu gulsaa nanu na teyelu na ngani ngadhɔyiyo dhul. Na inye a nganda dhigananany chɔɔ doraa bhɛnɛna gulsaa nanu shɛɛye.”

Lɔgɔ Sabba 28:13

Nɔng Tumu dha bere chil bhɛa nɛnɛ jaa na senɛsɛn, “Anye kani Tumu, Komoruya babaa nunu Awurahami ko na Isaki. Na ngabaya ungusɛye ale kajjiny inye ko ashaye guny ale chillanɛye.

Lɔgɔ Sabba 28:15

Anye kɛ̀l kari ko inye gɔrre kɔɛye kumulɔng na kɛbhɛkkiny na ale kayakkaniny ngabaya. Na ko bhee kurrugɛsɛn ngalɔkta wa kibhiikkaginyde kumulɔng, anye ngakɔdhɔttinyo.”

Lɔgɔ Sabba 30:43

Na Yaykob nɔng te hira bo aha mɛra ke ngaya mesɛ ngangaye. Na mɛdɛrniya gɛnyɛ ko tenɔ ko galisenya ko sigiriya ko zuga ku gaymanyaa gɛnyɛ ago na te ga bo mɛra.

Lɔgɔ Sabba 31:3

Na koo sɛɛsɛ :Tumu, “Bana zɛg baa bere chogungguny ko bhɛnɛna gunyu. Nɔng ngabaonu zigɛye ale kɛ̀l kari ko inye.”

Lɔgɔ Sabba 32:5

Na mɛa bɔɔ kɔtɔlɔmma beo ko sigiriya ko tenɔ ko mɛdɛrni ko gaymanyaa maya ko ga ngaha. Na ngaya kegerissogɛiny ngazuktaye, a bhɛa keni hinisa nunu keteɛ hɔli na chirbhisɛanydɔ.’”

Lɔgɔ Sabba 32:7

Na Yaykob dɛɛbu na shurɛ. Na koo ngɛru zuga gɛnyɛ na kedhdhu beo ko mɛdɛrni ko tenɔ ko galisenya na te gaminya ramman.