Lɔgɔ Sabba 3:23 - Suri Latin

²³ Na Komoru Tumu taganyɛ Adam dara bo challa iho Ɛdɛnɔ na chugu na kok na kɔɔs baa bere kèghendonɛa nɔng.

Lɔgɔ Sabba 3:23 ပူးပေါင်းရင်းမြစ်များ

Lɔgɔ Sabba 2:5

kɛnɔ ko lanya ko ahaa kàmma ko ahaa chillanɛa ba toye dha bere ninggɛ ke ngaya bere Komoru Tumu guyɔ ngani kemessoiysho na chɔɔ hirre kɔhinɛ ninggɛye.

Lɔgɔ Sabba 2:7

Na Komoru Tumu koo dhamuyo ba na lashiu na tegenyo ke hiri na hɔngɛsɛ hɔngay girɔngichinne na hiri tɔlɔmu bassey.

Lɔgɔ Sabba 2:8

Na koo bhɛlɛsɛ hiri dara bo mɔdhɔsa Ɛdɛnɔ gɔra yaluny na kabhaktɔ.

Lɔgɔ Sabba 3:19

Na amissɛa ami, ale kachan dheriya nunu ko bhee rɛsɛ na wogɛ na anɛ ba ke ngaya bere kèghendonɛiny baye. Nɔng inye ani ba, na ale wogi na ani ba.”

Lɔgɔ Sabba 3:22

Na seu, “Nɔng mɛa Adam dhaa tagu bhɛa ngɛrɛa lɔga challa ko ga gɛrsa hunde naye. Na mɛa ga kàtaganydɛ bhɛa kɔyɛa na dhushshanɛa kɛya basseyny kawarɛ na ammɛa na ihɛa basseyɔ dhul.”

Lɔgɔ Sabba 3:24

Na hunaa chukka na tewa ushaye, koo ibha zuga ekko ꞉nɛa bo ɔnnɛna kèleo Kurubel ko mashaa bo bhadhdha na bhɔdhinɛna til til huna talanguny, na ojju dara iho Ɛdɛnɔ gɔra yaluny na kɛbhɛgɛ ganggua kɔa bhɛa ihɛa kɛya ajjiy bassey.

Lɔgɔ Sabba 4:12

Na baye ale kɔhiye any ke bhɔlɔ na liwa ngaeggissonɛ. Na inye ale chɔllanɛn na tɔlinɛn goore ko bhee rɛsɛ.”

Lɔgɔ Sabba 4:2

Na koo kɔbhay gɔynɛa kèe Abel. Na Abel te hira iwoo mɛdɛrni, na nɔng Kayel te hira kɔhinɛna.

Lɔgɔ Sabba 9:20

Nɔng Nɔa dha bere a hira kɔhinɛna na dukkana woyn sabbɔ.