Lɔgɔ Sabba 28:3 - Suri Latin

³ Na any kutuheny :Tumu, Komoruya Ɔana Lɔgɔ Kumulɔng na kɛbhɛliny na kainy ashaye mɛri na te hira bo gettoa mɛra.

Lɔgɔ Sabba 28:3 ပူးပေါင်းရင်းမြစ်များ

Lɔgɔ Sabba 1:28

Na tuhu na sɛɛsɛ, “Bhɛldɛ na tɛhɛtɛy ko ba. Na ba any kete na nu. Na ahaa ɛlla bay kumulɔng alliyɛy ꞉iggeu.

Lɔgɔ Sabba 13:16

Na kɛbhɛlliny na ashaa gunyu hɛ ko kassaya bany. Na damiya kòtoyiyɛa kassay na ngakɔ̀anɛayo, ko yɔk ale ashaa gunyu a mɛri na toyi rɛkkiytɔ.

Lɔgɔ Sabba 17:20

Na yɔk lɔgaa ghinɛanyi na seni kàynɛ Ismayel wa kishikka. Nɔng ale kutuhi na kɛbhɛli na ashaa gɛnyɛ a mɛri. Na ale a babaa bhora bo lɔmma komortɛnde ku tɔmmɔn ko ramman.

Lɔgɔ Sabba 24:60

Na yɔk tuhu Ngaribika na seyɛsɛ, “Ngɔnaa nayoye, bhɛlɛ na tɛhɛyɛ ko kinyinya. Na hoyaa gunyu karakta oriya mirɔga gɛ na kɛsɛrɛtɔ.”

Lɔgɔ Sabba 26:24

Na jhaynɔ dhulɛsɛ :Tumu dɛk na sɛɛsɛ, “Anye kani Tumua bere chogonu Awurahami na bho ngaɛngɛrsi, ke ngaya kɛlɛ kari ko inyeye. Ale kutuheny damiya bere kibhiiginɛnɛo ko nɔng hira bere kachanyi na ashaa gunyu kɛbhɛli na a mɛri.”

Lɔgɔ Sabba 26:4

Na ashaa gunyu ale kɛbhɛli na heo ko munyunyaa tumony na sɛrɛɛ ngabaya. Na bhorinyaa bany kumulɔng ale tuhinɛnɛ hoyaa gunyu

Lɔgɔ Sabba 27:33

Na Isak dɛɛbu goore na bhariyu tik tik na seu, “Na inde wa kɔn kɛginya na ajjagany ayukte dhaa a nɛng? Yee! Anye wa kussa amissɛa ajjaganyi :nɛa na kutuha ni. Na mɛa nɔng ale bhagu ba ke na bo tuhinɛna dhul!”

Lɔgɔ Sabba 35:11

“Komoruya Kɔani Lɔgɔ Kumulɔng, kani anye. Na inye bhɛlɛ na hoyaa gunyu kete mɛri. Na bhorre ale lɔ komortɛnde mɛrte ko getto bhiy bhiyye, ale irritton :inyo.

Lɔgɔ Sabba 41:52

Na eriya kɔbhbhana Minase tɔgɔdhɛsɛ sarre kèe Ebhiron na seu, “Tumu wa aanyɔ erro baa bere kɔchɔllanɛnɛi.”

Lɔgɔ Sabba 43:14

Na Tumu, Komoruya Ɔana Lɔgɔ Kumulɔng any kichirbhiseong igge na ngagulsaonu kɔgagung Simon na dhiganda ko Biniyam kari. Nɔng anye mɛa kegedhdha hini. Hunde erroa ganyu garayɛye, any kagarayɛ.”

Lɔgɔ Sabba 48:3

Na sɛɛsɛ Yoseb, “Tumu Komoruya Ɔana Lɔgɔ Kumulɔng annaa bere dhɔllaganyi rɛ Kananɔ ɔra kèe Loza na tuhonyi

Lɔgɔ Sabba 48:4

na sennaganyi, ‘Ale kɛbhɛlliny na ashaa gunyu a gettoye mɛri. Na ngabaya ale kajjɛ na sɛrɛɛ :yɔkku ko kingi.’

Lɔgɔ Sabba 49:25

Na ale ɛaniny :Komoruya babaa nunu, Ɔana Lɔgɔ Kumulɔng. Nɔng ale tuheny na ajjiny guyɔ ko maa dhudhuttanɛa ba toye, ko beo ko erroa bo mɛra.

Lɔgɔ Sabba 9:1

Na Nɔa ko erroa gɛnyɛ tuhu ꞉Tumu na sɛɛsɛ, “Bhɛldɛ na te mɛri na tɛhɛtɛy ko ba.