Lɔgɔ Sabba 26:24 - Suri Latin

²⁴ Na jhaynɔ dhulɛsɛ :Tumu dɛk na sɛɛsɛ, “Anye kani Tumua bere chogonu Awurahami na bho ngaɛngɛrsi, ke ngaya kɛlɛ kari ko inyeye. Ale kutuheny damiya bere kibhiiginɛnɛo ko nɔng hira bere kachanyi na ashaa gunyu kɛbhɛli na a mɛri.”

Lɔgɔ Sabba 26:24 ပူးပေါင်းရင်းမြစ်များ

Lɔgɔ Sabba 13:16

Na kɛbhɛlliny na ashaa gunyu hɛ ko kassaya bany. Na damiya kòtoyiyɛa kassay na ngakɔ̀anɛayo, ko yɔk ale ashaa gunyu a mɛri na toyi rɛkkiytɔ.

Lɔgɔ Sabba 15:1

Na hunaa ngalɔktonu tewa ushaye, Awuram kunau na sɛɛsɛ ꞉Tumu, “Awurame, bho ngaɛngɛrsi. Anye kani goshua nunu na kɛɛnginy lɔga gɛrsa kumulɔng na kutuheny goore.”

Lɔgɔ Sabba 17:7

Na bhɛa nunu ko ashaa gunyu ko tenyiye ale ngani chillanɛye, lɔga bere kìbhiikko ko inye ale kɔlɔmi dhul ko kingi na kani Komoruya nunu ko na ashaa gunyu.

Lɔgɔ Sabba 17:8

Na mɛa ngabaya kèe Kanan bhagi kɔmɔnimoye ale kajjiny inye ko ashaa gunyu na kani Tumua nɛ dhul ko kingi.

Lɔgɔ Sabba 21:17

Na Tumu shigu eri hunde ruye. Na hira ekkono ꞉Komoruyɔ Tumu eliu Agar surr tumɔ na sɛɛsɛ, “Agare, aminy ɔnɔng? Bho ngaɛngɛrsi. Tumu wa shikka eri hunde ru bhɛaa dhɔyɛiye.

Lɔgɔ Sabba 22:17

Na anye ale kutuheny na kɛbhɛlliny na ashaa gunyu hɛt ko munyunya tumony ko kassaya yirisiny. Na dhakkanɛ oriya mirɔga gɛ na sɛrɛɛ ke gɛ.

Lɔgɔ Sabba 22:19

Na koo Awuraham wagu bhɛa gaymanyaa gɛnyɛ na banda na dhi Bersabagiye kari na tɛu ngonu.

Lɔgɔ Sabba 24:12

Na nɔng alliyɛ ko Tumu na seu, “Tumu, Komoruya gulsaa nanu Awurahamiye, mɛa ga dhuguno bhɛa yelɛi gulsaa nanu na tuhony anye na kɔ̀jɔɛsɛ eriya nɛnɛ tɛri.

Lɔgɔ Sabba 28:13

Nɔng Tumu dha bere chil bhɛa nɛnɛ jaa na senɛsɛn, “Anye kani Tumu, Komoruya babaa nunu Awurahami ko na Isaki. Na ngabaya ungusɛye ale kajjiny inye ko ashaye guny ale chillanɛye.

Lɔgɔ Sabba 28:15

Anye kɛ̀l kari ko inye gɔrre kɔɛye kumulɔng na kɛbhɛkkiny na ale kayakkaniny ngabaya. Na ko bhee kurrugɛsɛn ngalɔkta wa kibhiikkaginyde kumulɔng, anye ngakɔdhɔttinyo.”

Lɔgɔ Sabba 28:3

Na any kutuheny :Tumu, Komoruya Ɔana Lɔgɔ Kumulɔng na kɛbhɛliny na kainy ashaye mɛri na te hira bo gettoa mɛra.

Lɔgɔ Sabba 30:27

Na Lawa nɔng sɛɛsɛ, “Hunde gunyony ke hira challa na hini aniny hɔliye, ga ngakɔ. Wa kɛlɛhɛnna lɔgɔ dami konnɔ na katagga hunde tuhony :Tumu ke ngaya kɛlɛ ko inye kariye.

Lɔgɔ Sabba 31:5

Na koo sɛɛsɛ, “Baba nu dhaa mumɔ bhɔdhɛ na damiya bere sabbune ngani ngashikkonynyo. Na nɔng ko hunde katamaranyɔ, Tumu Komoruya bere babaa nanu ngani kɔdhɔyanyo.

Lɔgɔ Sabba 39:2

Na Yoseb bhagu doraa gulsaa nɛnɛ ku hira bhora Gibsi. Na dha bere ɛl ko Tumu kari na ɛana lɔkke kumulɔng.

Lɔgɔ Sabba 39:3

Na hunaa gulsaa nɛnɛ orro bhɛa Tumu lɔmɛa Yoseb na mesɛa lɔgɔ kumulɔng shɛɛye,

Lɔgɔ Sabba 46:1

Na Isirayel dhuma aha kumulɔng na zɛgu. Na hunaa dokko Bersabaye, uddulɛsɛ Tumu, Komoruya babaa nɛnɛ Isaki go.

Matiyos 22:32

Yɔk ngalɔktonu sennɛ, ‘Anye kani Tumu Komoruya Awurahami ko na Isaki ko na Yaykobi.’ Na nɔng a Komoruya zuga ɛlla basseyɔ. Komoruya zuga rɛssɛa ngayo.”

Zuga Kèkko 7:32

‘Anye kani Tumu, komoruya bere eterrisananyɛa ꞉kokonginyaa gunyu Awurahami ko Isaki ko Yaykobi.’ Na Muse dɛɛbu na bhariyu tik tik. Na kawarɛ tamartɛ na ngani ngagunyo.