Lɔgɔ Sabba 24:12 - Suri Latin

¹² Na nɔng alliyɛ ko Tumu na seu, “Tumu, Komoruya gulsaa nanu Awurahamiye, mɛa ga dhuguno bhɛa yelɛi gulsaa nanu na tuhony anye na kɔ̀jɔɛsɛ eriya nɛnɛ tɛri.

Lɔgɔ Sabba 24:12 ပူးပေါင်းရင်းမြစ်များ

Lɔgɔ Sabba 15:1

Na hunaa ngalɔktonu tewa ushaye, Awuram kunau na sɛɛsɛ ꞉Tumu, “Awurame, bho ngaɛngɛrsi. Anye kani goshua nunu na kɛɛnginy lɔga gɛrsa kumulɔng na kutuheny goore.”

Lɔgɔ Sabba 24:21

Nɔng dha bere gaymay dhiynɛ rib na guny laay ke ngaya se katagɛ bhɛa anda Tumu urrugɛsɛna ngalɔkta oo hunde kako ngaurrugɛsɛnnoye.

Lɔgɔ Sabba 24:27

na seu, “Tumu, Komoruya gulsaa nanu Awurahamiye, keterrisaninydɔ. Inye wa chirbhisiu gulsaa nanu na teyelu na ngani ngadhɔyiyo dhul. Na inye a nganda dhigananany chɔɔ doraa bhɛnɛna gulsaa nanu shɛɛye.”

Lɔgɔ Sabba 24:42

“Na hunaa kuguni ngaya bolkua manyde, kalliyɛo ko Tumu na kesebha, ‘Tumu, Komoruya gulsaa nanu Awurahamiye! Tuhony na lɔgaa kugunɛi kème shɛɛ na kubhugnyɛsɛyɔ.

Lɔgɔ Sabba 24:48

“Na koo kɔ̀tɔgɔdhɛsɛu Tumu, Komoruya gulsaa nanu Awurahami, kɔmma na keterrisanna ke ngaya wa dhigananɛany shɛɛ na dhɔllagɛany sedhdheya ku ashaya gochonga Awurahami na kagamɛsɛ eriya nɛnɛye.

Lɔgɔ Sabba 26:24

Na jhaynɔ dhulɛsɛ :Tumu dɛk na sɛɛsɛ, “Anye kani Tumua bere chogonu Awurahami na bho ngaɛngɛrsi, ke ngaya kɛlɛ kari ko inyeye. Ale kutuheny damiya bere kibhiiginɛnɛo ko nɔng hira bere kachanyi na ashaa gunyu kɛbhɛli na a mɛri.”

Lɔgɔ Sabba 27:10

Na ɔgɛ na ayɛsɛ na kus na kutuheny hunde ngani i basseyɔye.”

Lɔgɔ Sabba 27:20

Na nɔng Isak sɛɛsɛ, “Na shaw hung wa jɔyau minang?” Na sɛɛsɛ :Yaykobi, “Wa ɛyaanyɔ :Komoruya nunu Tumu na kɔjɔyau shaw hung.”

Lɔgɔ Sabba 28:13

Nɔng Tumu dha bere chil bhɛa nɛnɛ jaa na senɛsɛn, “Anye kani Tumu, Komoruya babaa nunu Awurahami ko na Isaki. Na ngabaya ungusɛye ale kajjiny inye ko ashaye guny ale chillanɛye.

Lɔgɔ Sabba 31:42

Na mɛa hunde Tumu, Komoruya bere ɛngɛrsa :Awurahami ko :babaa nanu, ko anye kari ngakɛllo, anda mɛa hangany aha ninggɛn. Na nɔng Tumu aru ngalɔkta kemesinɛnɛ na kɔchɔllanɛnɛ :anyo gooreye na a nganda wa barɔ kedhdhɛ lɔgɔ na ujjukkanɛiny inyeye.”

Lɔgɔ Sabba 32:10

Na anye kani hira chinynyo tɔlgɔnya kagachinyi inye na chɔɔ bhee chirbhisiyɛanyi na yelɛanyi ninggɛ dhul. Anye huna bere kerressani kidhoa kèe Yordanos, annaa kɔgɔmbinynyani bhirɛgiye sɔng. Na nɔng mɛa ketewa hira bo zugo mɛra. Na chɔɔ ngaahaya keninya gaminya rammande agga ganyu.

Lɔgɔ Sabba 32:9

Na koo alliyɛ ko Tumu na seu, “Tumu, Komoruya babachina ganyu Awurahami ko Isakiye, inye annaa bere sennaganyi, ‘Bana zɛg baa bere bhɛnɛna gunyu hudhukkinyanɛi.’

Lɔgɔ Sabba 43:14

Na Tumu, Komoruya Ɔana Lɔgɔ Kumulɔng any kichirbhiseong igge na ngagulsaonu kɔgagung Simon na dhiganda ko Biniyam kari. Nɔng anye mɛa kegedhdha hini. Hunde erroa ganyu garayɛye, any kagarayɛ.”

Matiyos 22:32

Yɔk ngalɔktonu sennɛ, ‘Anye kani Tumu Komoruya Awurahami ko na Isaki ko na Yaykobi.’ Na nɔng a Komoruya zuga ɛlla basseyɔ. Komoruya zuga rɛssɛa ngayo.”