Lɔgɔ Sabba 22:3 - Suri Latin

³ Na bhorroyɔ shaw Awuraham bana na tɛngɛdha kɛna senno kuddulɛsɛ Tumu go. Na dhuma aha na chɔdhɛsɛ sigirɔ. Na eliu Isak ko gaymanyaa gɛnyɛ gee ku ramman na banda na ago gɔra bare senɛsɛna ꞉Tumu.

Lɔgɔ Sabba 22:3 ပူးပေါင်းရင်းမြစ်များ

Lɔgɔ Sabba 17:23

Na ngakaldonu Awuraham ibha eriya nɛnɛ Ismayel ko gaymanyaa maya kàtallana bhokkonnɔ ko ga kìrrittono ɛrchɛnne doraa nɛnɛ ko zuga maya ɛlla doraa nɛnɛ kumulɔng na kedhdhu rɛhiya gɛ maya damiyaa yogɛsɛna ꞉Tumu. Na Awuraham huna kègedhdho rɛa nɛnɛ maya, oynyaa gɛnyɛ dha bere a 99. Na eriya nɛnɛ Ismayel oynyaa gɛnyɛ a tɔmmɔn ko sizzi. Yɔk dha bere Awuraham ko eriya nɛnɛ ko ngazuktonu kumulɔng rɛhiya maya kègen kala dhɔnɛna.

Lɔgɔ Sabba 21:14

Na nɔng bhelleyɔ Awuraham bana na ibha tila ko saya kùtuldushshana na kìshiggo ke kamma na ɛrɛsɛ ma dhik na aynɛ Agar na tadhɛ ngo. Na kendɛ ko yɔk na ago. Na banda ngoonu na koo tɔliyɛ korua kèe Bersaba.

Lɔgɔ Sabba 22:18

Na bhorinyaa bany kumulɔng ale tuhinɛnɛ hoyaa gunyu ke ngaya shigɛ lɔga ganyuye.

Lɔgɔ Sabba 22:2

Na sɛɛsɛ ꞉Tumu, “Ga dhuma ngaerita nun ku dhɔnɛ yeli goore kèe Isakte na dhigan baa Moriya. Na ngonu ale kɔdhɔllaginy kutul kona na ibha nɔng na uddulogony anye.”

Lɔgɔ Sabba 22:4

Na hunaa tɔya ungo sizzi gɔrɔye, Awuraham gɔnyu ba na dharɛsɛ bhɛa bortɔ yogɛsɛna ꞉Tumu ko rɛna.

Matiyos 10:37

“Nɔng inde ibhɛsɛn chɔgɔnɛ oo jɔnɛ hini na jorrono bhɛa ibhbhagɛanyi anyeye, bhee anɛ hira kɔbhbhanyi anye ninggɛ. Na inde ibhɛsɛn liya nɛnɛ oo sedhdheya nɛnɛ hini na jorrono bhɛa ibhbhagɛanyi anyeye, ko nɔng bhee anɛ hira kɔbhbhanyi anye ninggɛ.