Lɔgɔ Sabba 1:1 - Suri Latin

¹ Bere sabbɔ Tumu ghendono ba ko tumu.

Lɔgɔ Sabba 1:1 ပူးပေါင်းရင်းမြစ်များ

Matiyos 11:25

Na koo Yesus seu, “Babaa nanu, Komoruya tumony ko bany, kɔdhɔnginy ke ngaya litanɛ zuga gayɛa bho ko ga kàmadhdha ngalɔkta na dhugunɛsɛn erroa chichoye.

Markos 13:19

ke ngaya ngakoleonu ale anɛ na chɔllanɛna :zugu gooreye. Nɔng ngachɔllaonu ale kunde anna bere sabbɔ chɔɔ bɛrgua bere ghendonɛa :Tumu aha kumulɔng ko mɛa toye, ngani kàrtao dhul. Na chɔɔ bɛrgunyaye ale ngani andanɛye, chɔllaye ku nganga sɛgɛn ale ngakunno dhul.

Zuga Kèkko 14:15

na seyɛsɛ, “Ngazukta nganga messo kɛ ɔng? Agge kanno zugo hung hunde nuye. Na kohonynyo na kòyoktogung kamannaa challa. Na bhɛa ngalɔkta hologun ninggɛye kumulɔng kènno tɛldi rɛna na wakta gɔra Komoruya iho basseyɔ bere bhɛllana tumu ko ba ko yirisi ko ngaahaya ɛl bayte kumulɔng.

Zuga Kèkko 17:24

“Nɔng a Tumua bere ghendono ba ko ngaahaya ɛl bayte kumulɔng. Na a Komoruya tumony ko bany. Na nɔng doraa barara ghendonɛa ꞉zugu, toye ngabhakko.

Zuga Kèkko 4:24

Na yɔk hunaa shikkɛa ngalɔktaye, alliyɛ ko Tumu ke dhɔnɛ na se, “Komoruya nayo Tumu, inye ani na bere ghendoni ba ko tumu ko yirisi ko ahaa bhakkɛa toye kumulɔng.

2 Betiros 3:5

Na yɔk ngaya senɛ ngangaye, dhugunnono bhɛa malɛa bhɛa bere ghendonɛa :Tumu ngatumuya chakte lɔkke, ko lɔga bere ghendonɛa ba kumulɔng ma, na mɛa ba ihɛa ma kɛrghɛnɔ.

1 Yohanis 1:1

Ngalɔkta kenno kòyoktogung :aggeuye agga ajjɛa zugo bassey. Na ngalɔkta rɛ a hiri. Na ngahirra bere ihono kingi huna chɔɔ tumu ko ba ngani kètegenydoayo. Na agge chɔɔ bere karto kawarre, na hunde mɛzziye, kishikto na kamarakto shɛɛ na kugumbo chɔɔ sɛnɛ.