2 Yohanis 1:9 - Suri Latin

⁹ Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.

2 Yohanis 1:9 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 15:6

Nɔng hirre ko anye kari ngakɛllooye, heo lɛwaya kùjjukko na dhɔrɔgɔsa. Yɔk lɛwanyaye ku ngangaye, kùmukkana na kujjugɛsɛn go toye na ambɔ.

Yohanis 5:23

na zugo kumulɔng kayɛ Eriya Nɛnɛ diram ngadamita ajjɛ chɔɔ Chɔgɔnɛye. Na nɔng inde Eriya Tumu diram ngaajjɛoye, ko nɔng Baba Tumu, hira bere ekkono Eriya Nɛnɛ, ngahirronu diram ngaajjɛo.

Yohanis 8:31

Na nɔng yogɛsɛ zugaa Ayhudhi wa ngani yɛbhbhanɛa nɔng lɔgɔ na sɛɛsɛ, “Igge hunde ibhbho lɔga ganyu tiiye, ngangaye, teyo zuga kɔbhbhanyu anye dhere.

Zuga Kèkko 2:42

Na yɔk muktiyaa na muldɛ na alliyɛ ko Tumu hinise dhɔnɛ na chirara lɔga madhɛsɛnɛa ꞉zuga ekko ꞉Yesusi na mɛdhta kali kali.

Tito 2:10

Na ahaa gulsachina gɛ ngaogorrɛ na kete ga ibhɛsɛnɛa :gulsachina gɛ hinisi. Na hunde messɛ ngangaye, zugo ale orrɛ lɔga messɛa :yɔkku kumulɔng na hinnɛ lɔga Komoruya na Tumu bere ibbayseiy agge.

1 Yohanis 1:3

Na ngalɔkta bere korrono kawarre na kishikkano nyabhaye kɔ̀ɔbhbhagung na ko igge yɛbhɛ na kète zuga dhɔnɛna ke ngaya kɛ̀lɛ ko Baba Na Tumu ko Eriya Nɛnɛ Yesus Kirisos kariye.

3 Yohanis 1:9

Nɔng anye bɔɔ kɔgɔdhdhani dadab na kittonɛsɛni zuga doraa Tumu ɛlla ngonu. Na nɔng Diyotirabhe tamariy ke ngaya hinɛ buynde.