2 Tɛsɛlongke 3:1 - Suri Latin

¹ Mɛa gochonginyaye, lɔkte kennɛnɛ ba na kenno kòyoktogungge a ɛnɛnggeo, ogoldogiy Tumu na kàmadhtɛsɛo zugo lɔga Komoru Yesusi na kɛtɛhɛtɛy ko ba ke tiri na kɔtɔlɔmɔ diram bhɛa zugony na kɛbhɛgɛ :zugu damiya bere bhɛgɛo :iggeu.

2 Tɛsɛlongke 3:1 ပူးပေါင်းရင်းမြစ်များ

Matiyos 9:38

Na mɛa ga ghini Komoru, ɛnaa senno kusunɛɛ, na kittono zuga suninɛna gena na kusuni liwaa gɛnyɛ.”

Zuga Kèkko 12:24

Na yɔk lɔga Tumu tɛhɛtɛy ko ba.

Zuga Kèkko 19:20

Na nɔng Tumu dhɔlɛsɛ zugo barartina nɛnɛ na lɔga gɛnyɛ tɛhɛtɛy ko ba na yɛbhɛ ꞉zukte mɛri.

Zuga Kèkko 6:7

Na lɔga Tumu tɛhɛtɛy ko ba. Na zuga yɛbhbhanɛa lɔga Yesusi Yerusalemɔ ago na te mɛri. Na gɔldangɛa doraa Tumu barara ga bo mɛra ko yɔk yɛbhɛ kamannaa Yesusi.

1 Tɛsɛlongke 1:5

Bhee kaggayɛoye, a ngaya bere ɛanɛiy :Kuloya Tumu ko barartina nɛnɛ na kàmadhdhagɛung kamannaa challa kɛyɛbhbho hurr hinisichinne toyeye. Lɔga bere kàmadhdhagungu tugichinne sɔng ngayo. Chɔɔ kala bere kàbhagɛa kari hunde bere kɛanung ɛnɛngge, igge gaoyɔ.

1 Tɛsɛlongke 1:8

Na zuga bere yogɛsɛno kamannaa Komoru Yesusi, zuga Mekedoniya ko ga Akaya sɔng ngaanno. Annaa bere yoktɛsɛo zugo kumulɔng na tɛhɛtiyɛyɛa ko ba huna turumbaya kɛ̀bbɛkka na shikkɛa :zugu bhoy. Na chɔɔ hunde bere Tumu yɛbhbhano ɛnɛngge, zugo kumulɔng gaɛyɔ. Na lɔkte kɔtɔrɛo :aggeu, gena ninggɛ.

1 Tɛsɛlongke 2:1

Gochonginyaye, huna bere kàssanungngu na kɛ̀lla kari, igge gaoyɔ hunde hɔlɔng hung ngani kòbottogungngo na kedheshshano lɔga bere kènno kèmesso shɛɛye.

1 Tɛsɛlongke 2:13

Na ko agge keterrisanno Tumu kali kali ke ngaya bere shigɛo lɔga gɛnyɛ bhɛa nayo na yɛbhɛoye. Na igge ngani yɛbhɛto huna lɔga yokkono :hiriyɔ. Na annaa bere kàmadhtagungɔ na yɛbhto ke ngaya anɛ lɔga ajjiy :Tumu ku dhereye. Na a ngagiya ko mɛa toye ɛyanungɛ ga yɛbhbho na kɔbhɔ shɛɛye.

1 Tɛsɛlongke 4:1

Na mɛa gochonginyaye, annaa bere sabbɔ kàmadhtagungɔ bhɛa bhagɛo ba na hinisa Tumu keteɛ hɔli. Na ko mɛa toye igge ngani bhakko ngadamitonu chi. Na nɔng mɛa kògollung na kɔ̀tɔllɔhagung sara Komoru Yesusi na kalda chɔɔ jarta kolea bɔɔ bhagɛo ba sabbɔ.

1 Tɛsɛlongke 5:17

Tii tii alliyɛ ko Tumu na ngadhɔtto.

1 Tɛsɛlongke 5:25

Gochonginyaye, ogoldogiy Tumu.

2 Timotiyos 2:9

na kɔ̀chɔllayɛany na kìchibbɛany gɔrgɔriyaye huna hira kɛddɛi lɔgɔye. Na yɔk lɔga Tumu, bhee kìchibɛ gɔrgɔriyaye ninggɛ.