2 Tɛsɛlongke 2:16 - Suri Latin

¹⁶ Nɔng Komoruya na Yesus Kirisos sabbaa nɛnɛ ko Baba Tumu na bere yelliy na chirbhisiey na irishshey kali kali na kɛ̀yɛbhɛ lɔga ale kɔ̀jɔanɛa basseya iho dhul ko kingi,

2 Tɛsɛlongke 2:16 ပူးပေါင်းရင်းမြစ်များ

Yohanis 13:1

Na huna bere unga Gibiriya Basika dhɔynɛna dhɔnɛɔ, nɔng Yesus bere ɛlla ko zuga kɔbhbhɛa nɔng kari. Na dha bere nɔng gayɔ hunde kolea senno kɔdhɔyɛ ngabaya na kɔgɛ bhɛa Babaa nɛnɛ i jaaye. Na a bhee bere ibhɛsɛn zuga gɛnyɛ kɔbhbhɛa nɔng bhakkɛa ba hini na yelɛ gooreye.

Yohanis 15:13

Nɔng hirre ibhbhana rɛa nɛnɛ na rɛsɛ dehunyɛa gɛnyɛye, dhaa a hira ibhɛsɛna yɔk hini dhere. Na chɔɔ hirre ibhɛsɛn zugo hini na jorrono ngahirra, ninggɛ dhul.

Yohanis 15:9

“Na damiya bere ibhbhagɛanyi :Babaa nanu hini, ko anye annaa bere kibhagungngɔ hini. Na mɛa kìbhtɛ hinisi na kɛ̀tɛldi kari ke dhɔnɛ.

Yohanis 16:22

Na ko igge mɛa lɔga gu a nganga. Nɔng mɛa munyussoyɔ. Na nɔng ale kòrnɛ sɛgɛn na dɛllo goore. Na chɔɔ hirre ale kedhdhung hinisi na ajjung munyusey, ninggɛ dhul.

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Zuga Kèkko 15:11

Nganga challi ngayo! Lɔkte kɛyɛbhte a ngaya ko agge kàbasɛ chirbhisiya Komoru Yesusi hunde nɛye.”

Zuga Kèkko 18:27

Na hunaa Abholos tɛhɛnna bhɛa senno kɔgɛ Akayagiyeye, gochonginya iriyi na tɔgɔndɛsɛ zuga yɛbhbhɛa Yesus ɛlla Akayagiye dadab, na kɔtɔlɔmɔ shɛɛ. Na hunaa kɔa na dokko ngonuye, ɛa zuga bere chirbhiseo ꞉Tumu na yɛbhbhɛa lɔga Yesusi goore.

1 Tɛsɛlongke 1:3

Na kali kali hunde kògollogung Baba na Tumuye, kagadhdhano bhɛa bere yɛbhɛo Yesus na messɛo zinggo shɛɛ, ko bhɛa bere hinisi annɛungu bibi na yelɛo zugo na ɛanɛo, ko ngaya yɛbhɛo bhɛa ale kunɛa :Komoru Yesus Kirisosi na mɛdhdhanɛo lɔga gɛnyɛye.

1 Tɛsɛlongke 3:11

Na mɛa Baba na Tumu ko Komoruya na Yesus any koytogiy ganggu kɔk bhɛa kɛhɛyɛo bhɛa nu.

2 Tɛsɛlongke 2:13

Ngagochonginyaa yellung :Komoruyɔye, agge maya keterrisanno Tumu tii tii ke ngaya bere bɛrranɛung :nɛa sabbɔ na ibbaysiyɛung Kuloya nɛnɛ bere onyonɛungu ridhing ko ngaya yɛbhɛo lɔga Yesusi ku dhereye.

Tito 1:2

Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.

Tito 2:13

Na ko bhee ale wokkonɛ :Komoruya na bo tuhinɛna lɔmma diram bere ibbayseiy kènno Yesus Kirisos, agge maya kɛ̀l kɔk na kère nɔng.

1 Yohanis 3:16

Nɔng Yesus Kirisos annaa bere ibhaa rɛa nɛnɛ na errɛiyɔ agge. Na ngaya mesɛ :nɛa ngangaye, dhugunnogiy bhɛa kìbhɛsɛna zugo hinisi. Na ko agge maya kɛ̀rɛsɛ zuga kɛ̀yɛbhbha Yesus kari.