2 Tɛsɛlongke 1:3 - Suri Latin

³ Gochonginyaye! Agge maya keterrisanno Tumu tii tii ke ngaya yɛbhɛo Yesus na yelnɛnɛo kɛngɔ goore na chɔɔ mɛdhdhanɛo na jorronɛo lɔga bere messo sabbɔye. Na nɔng hunde keterrisanno Tumu ngalɔktaye, a challi.

2 Tɛsɛlongke 1:3 ပူးပေါင်းရင်းမြစ်များ

Yohanis 15:2

Na kedhdhana lɛwanyaye ujjonɛ bhɛa nanu na kawarɛ ngadhungnganɛoye bhoy na ujjuktɔ. Na yɔk gee dhungnganɛ kawarɛye, me shɛɛ na kedhdhana na kɔshɔyay :lɛwanya genne na keggiyo kawarte mɛri jorronɛ ga bɔɔ sabbune.

1 Tɛsɛlongke 3:12

Na ngaya yelnɛnɛo kɛngɔye Komoru Yesus any kɔtɔrɛung yela na teyeldɛ goore na teyele chɔɔ zug gena ngadamita kèyelɛung :aggeuye.

1 Tɛsɛlongke 3:6

Na nɔng mɛa hunaa Timotiyos wokkono baa nu na assaniyye, yogogiy sabhana nu bo challa ngani yɛbhɛo Yesus na yelɛo zugo. Na yogogiy hunde chɔɔ dhaa kadhdhaniy hinisiya bo challa na ɛsɛdhdho damiya kɛsɛdhɛo :aggeu na senno kìtinyandɛ sɛgɛnde.

1 Tɛsɛlongke 3:9

Na hunde kallinɛno ko Tumu na kɛllo ko nɔngge, kɛdɛllung igge hinisiya bo hɔla na keterrisanno Tumu goore!

1 Tɛsɛlongke 4:1

Na mɛa gochonginyaye, annaa bere sabbɔ kàmadhtagungɔ bhɛa bhagɛo ba na hinisa Tumu keteɛ hɔli. Na ko mɛa toye igge ngani bhakko ngadamitonu chi. Na nɔng mɛa kògollung na kɔ̀tɔllɔhagung sara Komoru Yesusi na kalda chɔɔ jarta kolea bɔɔ bhagɛo ba sabbɔ.

2 Tɛsɛlongke 2:1

Gochonginyaye, yɔk ngalɔkta ale wokkonɛ :Komoruya na Yesus Kirisosiye ko ga ale kùmukinynyanɛa bhɛa nɛnɛ, agge kɔ̀tɔllɔhagung na kèsennagung ɛnɛnggeo,

2 Tɛsɛlongke 2:13

Ngagochonginyaa yellung :Komoruyɔye, agge maya keterrisanno Tumu tii tii ke ngaya bere bɛrranɛung :nɛa sabbɔ na ibbaysiyɛung Kuloya nɛnɛ bere onyonɛungu ridhing ko ngaya yɛbhɛo lɔga Yesusi ku dhereye.

2 Betiros 1:13

Na chɔɔ wa kamarakka lɔgɔ, na hunde ngani kihi tunɔ bay ngayaye, bhɛa nanu chali hunde kɛbhɛseung sabbi jajaye.

2 Betiros 3:18

Na igge mɛdhta na iriytɛ lɔga bere ɛdhɛttanɛiy :Komoruya na Ibbayseiy agge Yesus Kirisosi, ko lɔga gayɛo nɔng. Na mɛa diram any kete na nɛnɛ, na kɔtɔlɔ dhul ko kingi, Amen.