2 Tɛsɛlongke 1:10 - Suri Latin

¹⁰ Yɔk ngalɔkta ale bhugnyɛsɛnɛ kolea ale lɔmɛa :Komoruyɔ diram bhɛa zuga gɛnyɛ ridhing ningginɛna. Na ngakoleonu zuga bere yɛbhbhɛa nɔng kumulɔng ale iwachiyɛ nɔng. Na ko igge ale ɛllo ko yɔk kari ke ngaya bere yɛbhɛo lɔga kòyokkogungu :aggeuye.

2 Tɛsɛlongke 1:10 ပူးပေါင်းရင်းမြစ်များ

Matiyos 16:27

Anye bhee kesenɛ ngangaye, a ngaya Hiri Hoynɛ ale lɔmmanɛ dirama Babaa nɛnɛ na dhɛanɛ ko zuga ekko :nɛa, na ɛdhdhɛttanɛ zugo bhiy bhiy damite lɔkte bere messɛ :yɔkkuye.

Matiyos 16:28

Ga shigitɔ! Bhɛa ngazukta chillɛ ngayaye, ga ale shaw ngarɛssɛayo na ɛlla ko bhee orɛ Hiri Hoynɛ hunde kun na allinɛnɛ zugoye, ɛllɛ.”

Matiyos 24:36

“Nɔng kolea ale kunɛa :Hiriyɔ Hoynɛ, inde gaye a :Baba na Tumu sɔng. Kona ninggɛ dhul. Chɔɔ zuga ekko ꞉Tumu tumɔ ko Eriya Nɛnɛ, ngakoleonu imaggɛyɔ.

Matiyos 25:31

“Nɔng Hiri Hoynɛ hunde ale kunde, kun ke na bo lɔmmana diram na dhɛanɛ ko zuga ekko :Tumu kumulɔng. Na i alleya nɛnɛ komorumo bo lɔmma diram.

Matiyos 7:22

Nɔng kala ale kedhdhɛa :Tumu lɔga zugony, zugo ga mɛra ale sennaganyɛ, ‘Komoru, Komoru, na kèe agge kanno zuga bere kudhugunɛsɛno zugo lɔga Tumu sara gunyu, na kobhoniseono mɛnɛnga sara gunyu, na chɔɔ kemesso lɔga bo mɛra dhandala sara gunyu?’

Yohanis 11:4

Na Yesus hunaa shikko ngalɔktaye, seu, “Nɔng mɛa ngahirra ilaga hung na ngarɛsso ke ngaya Tumu se kɔdhɔlay dirama nɛnɛ na ko nɔng Eriya nɛnɛ kɔdhɔnggɛ :zugu na kɔtɔlɔmɛ dirambe.”

Yohanis 17:10

Yɔk zuga kɔlɔmi :anyo kumulɔng ko yɔk agga gunyu. Na ko yɔk ga lɔmi :inyo kumulɔng agga ganyu. Na chɔɔ lɔga messɛa :yɔkku dhugunɛsɛnɛ zugo dirama nanu.

1 Tɛsɛlongke 1:5

Bhee kaggayɛoye, a ngaya bere ɛanɛiy :Kuloya Tumu ko barartina nɛnɛ na kàmadhdhagɛung kamannaa challa kɛyɛbhbho hurr hinisichinne toyeye. Lɔga bere kàmadhdhagungu tugichinne sɔng ngayo. Chɔɔ kala bere kàbhagɛa kari hunde bere kɛanung ɛnɛngge, igge gaoyɔ.

1 Tɛsɛlongke 2:1

Gochonginyaye, huna bere kàssanungngu na kɛ̀lla kari, igge gaoyɔ hunde hɔlɔng hung ngani kòbottogungngo na kedheshshano lɔga bere kènno kèmesso shɛɛye.

1 Tɛsɛlongke 2:12

Nɔng annaa kali kali kìrishongngu na kìlalungngu na kɔ̀tɔllɔhagungngu na mesigi lɔga hinno :Tumu, Komoruya bere hinnongu na senno kɔtɔlɔmung :nɛa na tɛldi bhɛa nɛnɛ lɔmma diram.

1 Tɛsɛlongke 2:13

Na ko agge keterrisanno Tumu kali kali ke ngaya bere shigɛo lɔga gɛnyɛ bhɛa nayo na yɛbhɛoye. Na igge ngani yɛbhɛto huna lɔga yokkono :hiriyɔ. Na annaa bere kàmadhtagungɔ na yɛbhto ke ngaya anɛ lɔga ajjiy :Tumu ku dhereye. Na a ngagiya ko mɛa toye ɛyanungɛ ga yɛbhbho na kɔbhɔ shɛɛye.

2 Tɛsɛlongke 1:12

Na kògollogung Tumu na sara Komoruya na Yesusi kete ga bo lɔmmɛa diram bhɛa nu na ko igge tɔlɔmɔ diram bhɛa nɛnɛ ngadamita chirbhisiyɛung :Tumu ko Komoruyɔ Yesus Kirisosiye.

2 Tɛsɛlongke 2:13

Ngagochonginyaa yellung :Komoruyɔye, agge maya keterrisanno Tumu tii tii ke ngaya bere bɛrranɛung :nɛa sabbɔ na ibbaysiyɛung Kuloya nɛnɛ bere onyonɛungu ridhing ko ngaya yɛbhɛo lɔga Yesusi ku dhereye.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

2 Timotiyos 1:18

Na kolea ale kedhdhɛa :Komoruyɔ Tumu lɔga zugony kumulɔng, nɔng any kichirbhisi :Tumu. Nɔng ngahirra huna bere kihi Ebhesonɔ, hunde bere kachchany ɛnɛngge, chɔɔ inye ga goore.

2 Timotiyos 4:8

Na chɔɔ mɛa garchua bo challa ale kɛ̀dhdhɛttanɛanyi ke bhɛa kanɛi hira ridhing ningginɛna, bɔɔ kòytogonyɔ kɔk. Na ale ajjany :Komoruyɔ kala ale kedhdhɛa lɔga zugony kumulɔng. Nɔng a hira ridhing ningginɛna kedhdho lɔgɔ dib. Na chɔɔ ale anye sɔng ngaajjanyo. Ale ajjɛ chɔɔ zukte reyɛ kolea wokkonɛa :nɛaye kumulɔng.