1 Yohanis 5:20 - Suri Latin

²⁰ Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:20 ပူးပေါင်းရင်းမြစ်များ

Matiyos 13:11

Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

Yohanis 10:30

Anye ko Baba nanu Tumu kanno dhɔnɛ.”

Yohanis 14:20

Na ngakaldonu hunde ale kòrnɛ sɛgɛnde, ale gaoyɔ hunde dhaa anye ko Baba nanu kanno dhɔnɛ, na kɛ̀l ko anye kari na kan dhɔnɛye.

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 14:9

Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 15:4

Na mɛa kɛ̀tɛldi kari ko anye na ngakègennɛ. Nɔng kɛyɔ lɛway ko banggurra hunde ɛl bhiy bhiyye, lɛway bhee dhungnganɛ kawarɛ bhichang ninggɛ. Na ko igge hunde dhɔttanyu na kari ngani ngakɛlloye, bhee dhungnganɛo kawarɛ bhichang ninggɛ.

Yohanis 17:14

Yɔk annaa bɔɔ kaynɛu lɔga gunyu na yɔk zuga marrinyɛa tamarta yɔk ke ngaya anye ko zuga ganyu kanɛo dhɔnɛ na zuga kamarrinyi ngakanɛoyoye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 20:28

Na nɔng Tomas sɛɛsɛ, “Inye ani Tumu Komoruya nanu!”

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Zuga Kèkko 20:28

Na igge bhɛgɛ rɛhiya gu. Na zuga bere ajjungu ꞉Kuloya Tumu iwo shɛɛ huna bea gu ikɔlnɛna ke ngaya bere udhuyɛ ꞉eriya Tumu nyawa na yakkanɛ ke zuga gɛnyɛye.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

Tito 2:13

Na ko bhee ale wokkonɛ :Komoruya na bo tuhinɛna lɔmma diram bere ibbayseiy kènno Yesus Kirisos, agge maya kɛ̀l kɔk na kère nɔng.

1 Yohanis 2:23

Yɔk zukte imaggɛ Eriya Tumu tɔllɔngge kumulɔng, bhee ɛlɛ ko Baba Na Tumu kari ke dhɔnɛ ninggɛ. Na yɔk gee yɛbhbhɛ Eriya Nɛnɛye ɛl ko Baba Na Tumu kari ke dhɔnɛ.

1 Yohanis 2:24

Na mɛa igge lɔga bere shikkano sabbɔ bɛrgua bere ngani yɛbhbhanɛo Yesus tɔlɔmɔ hinisichinne dhul! Hunde lɔmmo ngangaye anno zuga ɛllo ko Baba Na Tumu ko Eriya Nɛnɛ kari ke dhɔnɛ.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

1 Yohanis 4:2

Nɔng gangguye maya maragɛo lɔgɔ na gayɛo bhɛa anɛa ga dhugunono :Kuloya Tumuye a ɛnɛnggeo, hunde shikto lɔkte yokkono :hiriyɔ kuloyɔ na sennɛ, “Yesus Kirisos huna bere kunno ba, bere hudhukkinyana ke hiriye,” ngangaye ngalɔktonu dhaa agga dhugunono :Kuloya Tumu dhere.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:15

Na hunde agge kan ngagiya kàgga bhɛa shikkɛiyiye, ko yɔk lɔga kògollo bhɛa nɛnɛ hunde dha bɔɔ urruknyɛsɛ na ayiyɔye, kàggayɔ.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:5

Na hirre mar ngalɔkta ku kuhu na dhɔtte a nɛng? Ngayo hirre yɛbh bhɛa Yesus anɛa Eriya Tumuye sɔng!