1 Yohanis 5:19 - Suri Latin

¹⁹ Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

1 Yohanis 5:19 ပူးပေါင်းရင်းမြစ်များ

Yohanis 12:31

Nɔng kolea kedhdhɛa :Tumu lɔga zuga bhakkɛa ba kumulɔng a mɛa toye rɛ. Na mɛa ko nɔng te kolea ale kàhangngɛa komoruya allinɛnɛa yɔk.

Yohanis 14:30

Na mɛa lɔkte kɛ̀mɛzzɛɛ ko igge dirr ninggɛ, ke ngaya komoruya allinɛnɛa ngabaya se kugoye. Na chɔɔ nɔng anye ngaallinɛnɛanyo.

Yohanis 16:11

Na sɛgɛn bhee ale dhugunɛsɛn bhɛa imagɛa lɔga ale kedhdhɛa :Tumu lɔga zugonyde, a ngaya Tumu bere kedhdhɛ lɔga komoruya allinɛnɛa ngabaya kumulɔng na ujjukkanɛ dhulde.

Yohanis 17:15

Nɔng anye bhee kogollɛiny na kɛngai yɔk bhɛa zuga marrinyɛa na ɔgɛ bhokkonnɔ ngayo. Kogolliny na bhɛk bhɛa keni ngakitiranyɛ :Moldoyɔ.

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

Yaykob 4:4

Ngazukta sabbi dhittinɛ hɛtto ko tɛrroa messɛa lollumoye, ngaya ganɛnɛo ko lɔga banyde, hunde a bhɛa marnɛnɛo ko Tumuye, imaggoyɔ dha? Hirre se kete dehunya zuga marrɛa Tumu nɔng a mirogiya Tumu.

1 Yohanis 3:14

Nɔng agge kan zuga kìbhɛsɛna zuga kɛ̀yɛbhbha Yesus kari hinisi. Na ngaya kèmesɛ ngangaye, dhugunnogiy bhɛa kèteyɛa zuga bere kàjarta rɛsɛ na kàyta gɔra basseya iho dhul. Na nɔng inde hira yɛbhbha Yesus hini ngaibhɛsɛnnoye, ngani a hira ɛlla ko rɛsɛ kari ke dhɔnɛ.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.

1 Yohanis 5:13

Ngazukta yɛbhbho sara Eriya Tumuye, anye bhee kɔgɔdhdhagɛung ngalɔktaye a ngaya kèni taktɛ bhɛa lɔmɛo basseya iho dhulde.

1 Yohanis 5:15

Na hunde agge kan ngagiya kàgga bhɛa shikkɛiyiye, ko yɔk lɔga kògollo bhɛa nɛnɛ hunde dha bɔɔ urruknyɛsɛ na ayiyɔye, kàggayɔ.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.