1 Yohanis 5:18 - Suri Latin

¹⁸ Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:18 ပူးပေါင်းရင်းမြစ်များ

Matiyos 5:37

Na hunde yoktoo lɔgɔ na seyo, ‘Eeye,’ any kete, ‘Ee’ chi! Oo hunde seyo, ‘Ngayoye,’ any kete, ‘Ngayo’ chi! Nɔng hunde gamsiyo ba na tɔrtɛo genaye, ngangaye dhaa ngalɔktonu agga Moldoyny.

Matiyos 6:13

Ngaɔddagiy lɔkte illobbiyɛ. Bhɛgiy na Moldoy ngatiranyɛiy [ke ngaya komorumo ko barartin ko diram anɛ ga gunyu kali kaliye. Ee!]

Yohanis 1:13

Na yɔk a erroa bhɛllana :Tumu damiya bere sennanɛa :nɛa. Erroa hudhukkonɛa :zugu damiya ɛsɛdhdhanɛa na hinnonɛa :yɔkku ngayo.

Yohanis 14:30

Na mɛa lɔkte kɛ̀mɛzzɛɛ ko igge dirr ninggɛ, ke ngaya komoruya allinɛnɛa ngabaya se kugoye. Na chɔɔ nɔng anye ngaallinɛnɛanyo.

Yohanis 15:4

Na mɛa kɛ̀tɛldi kari ko anye na ngakègennɛ. Nɔng kɛyɔ lɛway ko banggurra hunde ɛl bhiy bhiyye, lɛway bhee dhungnganɛ kawarɛ bhichang ninggɛ. Na ko igge hunde dhɔttanyu na kari ngani ngakɛlloye, bhee dhungnganɛo kawarɛ bhichang ninggɛ.

Yohanis 15:7

Na nɔng igge hunde kɛ̀tɛldi ko anye kari na tɔlɔmɔ lɔga ganyu hinisichinne, anda lɔkte hinnono na ogollo Tumuye kumulɔng, ajjunggɔ.

Yohanis 15:9

“Na damiya bere ibhbhagɛanyi :Babaa nanu hini, ko anye annaa bere kibhagungngɔ hini. Na mɛa kìbhtɛ hinisi na kɛ̀tɛldi kari ke dhɔnɛ.

Zuga Kèkko 11:23

Na nɔng hunaa kɔa na dokkono na orro lɔga bo challa chirbhisiyɛa ꞉Tumu zugoye, dɛlu goore na iriyu na kɛmɛtta na kɛyɛbhɛ Komoru hinisichinne kumulɔng.

Yaykob 1:18

Nɔng anna bere bɛrraniy na yokkogiy lɔga gɛnyɛ ku dhere na kàbayɛyɔ. Na agge bhɛa ahaa bere ghendono kumulɔng kète ga ku sabba.

Yaykob 1:27

Yɔk lɔkte chal hinnogiy :Babaa na Tumu na kɛ̀bhɛgɛ na ridhing ngakɔ̀lɔmiye a ɛnɛnggeo, kèe kɛ̀ya erroa ku bhoyoga ko tɛrroa ku bhoyoga chɔllanɛna na kɛ̀bhɛgɛ rɛhiya ga bhɛa lɔga gɛrsa lɔmmɛa ridhing messɛa :zugu.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 3:3

Na gee ibhɛsɛnɛ ngalɔkta hinisiye kumulɔng onynyonɛ ridhingɛa gɛ na a zuga hɔla ridhing ningginɛna ngadamita Kirisosiye.

1 Yohanis 3:9

Nɔng hira yɛbhbha Tumu na tewa eriya nɛnɛ, lɔga gɛrsa dirr ngamesso ke ngaya lɔmɛ hinisa Tumuye. Na bhee mesɛ lɔga gɛrsa dirr ninggɛ, ke ngaya anɛ eriya Tumuye.

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:15

Na hunde agge kan ngagiya kàgga bhɛa shikkɛiyiye, ko yɔk lɔga kògollo bhɛa nɛnɛ hunde dha bɔɔ urruknyɛsɛ na ayiyɔye, kàggayɔ.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:21

Na mɛa ngaerroya ganyde, bhɛa ngaahaya ibhbhɛ :zugu ke barariye, rɛhiya gu bhɛgɛtɔ!

1 Yohanis 5:4

ke ngaya erroa gɛnyɛ kumulɔng anɛ ɔnnɛ na marɛ lɔga ku kuhu messɛa :zugu bay ngaya na dhɔyɛye. Nɔng agge bhee kàmarɛ ngalɔkta ku kuhu na kɔ̀dhɔyɛye a ngaya kɛ̀yɛbhɛ Yesuse.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.

Yihudha 1:24

Nɔng Tumu Komoruya Na dhɔnɛna ɔana lɔgɔ kumulɔng bere ibhbhana Yesus Kirisos na ibbayseiy agge, anna lɔmmungu na lɔga gɛrsa ngadokkono, na ale kɔyɛungu bhɛa nɛnɛ diramuny ke zuga ridhing ningginɛna na dɛllo goore. Na mɛa any kɔtɔlɔ diram ko barartin ko ɔnney ko buyn kali kali dhul ko kingi damiya bere lɔmmanɛa huna chɔɔ ba ko tumu ngani kètegenydoyɛayo! Amen.