1 Yohanis 5:13 - Suri Latin

¹³ Ngazukta yɛbhbho sara Eriya Tumuye, anye bhee kɔgɔdhdhagɛung ngalɔktaye a ngaya kèni taktɛ bhɛa lɔmɛo basseya iho dhulde.

1 Yohanis 5:13 ပူးပေါင်းရင်းမြစ်များ

Yohanis 1:12

Na yɔk ga bere lammanɛa na yɛbhbhɛa nɔng, annaa aynɛa bhɛa anɛa erroa Tumu.

Yohanis 2:23

Na nɔng huna bere iho Yerusalemɔ kolea Gibiriya Basika, yɔk zuga bo mɛra annaa bere arta lɔga bo barara messo :nɛa na yɛbhta nɔng.

Yohanis 20:31

Na yɔk ngalɔkta bere kɔ̀gɔdhdhɛsɛn ngadadabta toyeye, agga bere kɔ̀gɔdhdhɛsɛna na kènno yɛbhtɛ :iggeu bhɛa Yesus anɛa Kirisos ko bhɛa anɛa Eriya Tumu. Na hunde yɛbhbho nɔngge, aynde jɔanɛo basseya iho dhulde.

Yohanis 21:24

Nɔng ngahirronu kɔbh Yesuse rɛ a hira bere orrono ngalɔkta kumulɔng kawariyɔ na dhugunɛsɛna zugo na chɔɔ kɔdhdhɛsɛna dadab. Na yɔk lɔga bere orrono :nɛa kawarre na dhugunnono, agge kaggaoyɔ hunde a dhereye.

Yohanis 3:18

Na hirre yɛbh eriya nɛnɛye nɔng ngakujjukkanao. Na nɔng inde ngayɛbhbhoye bere kùjjuktaa, ke ngaya eriya Tumu dhɔnɛna ngani kɛyɛbhɛoye.

Yohanis 5:24

“A challi, ga shigitɔ! Inde shik lɔga ganyu na yɛbh hira bere ekkononyiye, ngangaye, tɔlɔmu basseya iho dhul na jaru rɛsɛ na ogo bhɛa basseyny na ale ngani ngakujjukkanao.

Zuga Kèkko 3:16

Na ngahirra ku anyakuwanday orro na gao kumulɔngge, wa bawa ke ngaya yɛbhɛ sara Yesusiye. Ee! Nɔng ngahirra basɛ ngaya yɛbhɛ Yesuse. Na mɛa a nganda i ke na bo iho shɛɛ na orro ꞉iggeu kumulɔngge.

Zuga Kèkko 4:12

“Hira bere ekkono ꞉Tumu na kabayɛ ꞉zugu a Yesusi dhɔnɛnɛ. Sarre bassɛ ꞉zugu lɔga gɛ gɛrsa bay ngaya, gena ninggɛ dhul.”

1 Yohanis 1:4

Na bhee kɔ̀gɔdhdhagɛung ngalɔktaye, a ngaya kenno hinisiya ga keteyɛ hɔli goore dhogoniye.

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 2:21

Nɔng anye bhee kɔgɔdhdhagɛung ngalɔktaye, ke bhɛa imagɛo lɔga ku dhere ngayo. Kɔgɔdhdhagung ke ngaya gayɛo lɔga ku dhere ko bhɛa lɔga ku dhere ko ga ku butomo anɛ ga imaginɛnɛaye.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 2:26

Anye bhee kɔgɔdhdhagɛung ngalɔktaye, keni taga lɔga ngazukta madhdhagungɛ lɔga ku butomo na se kitabhtungge.

1 Yohanis 3:23

Na agge maya kɛ̀yɛbh Eriya Tumu Yesus Kirisos na kìbhinɛ hinisi kɛngɔ damiya bere madhdhagɛiy :nɛa. Ngagiya a lɔkte bere ajjiy :Tumuye.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.

1 Yohanis 5:11

Yɔk ngalɔkta a ɛnɛnggeo, Tumu bere ayiyɔ basseya iho dhul ko kingi. Na ngabasseyta lɔ :Eriya Nɛnɛ.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.