1 Yohanis 5:11 - Suri Latin

¹¹ Yɔk ngalɔkta a ɛnɛnggeo, Tumu bere ayiyɔ basseya iho dhul ko kingi. Na ngabasseyta lɔ :Eriya Nɛnɛ.

1 Yohanis 5:11 ပူးပေါင်းရင်းမြစ်များ

Matiyos 25:46

Na ngazukta gɛrɛ ku ngangaye yɔk ale hɛ bhɛa attiya iho dhul ko kingi. Na yɔk ga ridhing ningginɛna ale hɛ bhɛa basseya iho dhul.”

Yohanis 1:19

Mɛa te lɔga bere kɔbhbhana :Yohanisa Churro Zugo. Dha bere gulsachina Ayhudhi ɛlla Yerusalemɔ ekkɛ gɔldangɛa doraa Tumu ko zuga gettoa Lewiy gena na kighini Yohanis hunde a hiri inongge.

Yohanis 1:4

Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.

Yohanis 10:28

Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.

Yohanis 12:50

Yɔk ngalɔkta gɛnyde hunde agga ajjiyɛa basseya iho dhulde, anye kaggayɔ. Na aynde koyokkonɛ dib damiya bere yokkogɛanyi :Babaa nanuye.”

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 19:35

Nɔng hira bere orrono ngalɔkta kawarre annaa bere kɔbhagungɔ dib na dhugunogungɔ hunde ngalɔkta a dhereye. Na chɔɔ ngalɔkta bere dhugunnonoye hunde agga ku dhereye nɔng gayɔ. Na kɔbhbhagung igge na ko igge yɛbhɛtɔ.

Yohanis 3:36

Na hirre yɛbh Eriya nɛnɛye, lɔ basseya iho dhul. Nɔng inde Eriya nɛnɛ ngayɛbhbhoye, bassey ngajɔanao ke ngaya ngani lɔmɛɛn :Tumu lɔgɔye.”

Yohanis 4:36

Nɔng chɔɔ mɛa toye hira suninɛna a nganda bu kàgadhi bhɛa dhergisɛa na suneono liwa na kɔtɔlɔmɔ basseya iho dhul, na hira bere duginɛna ko ngahirra suninɛye, hinisiya gɛ keteyɛ hɔli kariye.

Yohanis 4:4

Na hunaa kɔaye, nɔng bere kìhinɛsɛna bhɛa kènno kadhaɛ baa Samariya.

Yohanis 5:21

Na ngadamita Baba Tumu dhɔngnganɛ zuga rɛsɛa na ajjɛ basseyte ko nɔng Eriya Nɛnɛ zukte hinnonoye, ajjɛ basseya iho dhul.

Yohanis 5:26

Nɔng Baba Tumu, a ɛnaa basseyny. Na chɔɔ annaa bere ibhaa Eriya Nɛnɛ na ojja na tewa hira ku ɛnaa basseyny hunde nɛnde.

Yohanis 6:40

Na sɛgɛn lɔkte hin :Babaa Nanuye gena, a ngaya kèe inde orrony anye Eriya Tumu, na yɛbhbhanyde, kɔjɔa basseya iho dhul na kala ale wurtune kɔ̀dhɔngnga :anyo rɛsɛɔye.”

Yohanis 6:47

Na mɛa ga shigi shɛɛ! Inde yɛbhbhany anyeye nɔng lɔ basseya iho dhul.

Yohanis 6:68

Na Simon Betiros yagɛsɛ na sɛɛsɛ, “Komorue, anda ale kɛhɛo bhɛa nini? Lɔga ajjiyɛa basseya iho dhul lɔmi :inyo.

1 Timotiyos 1:16

Na ngaya kanɛ na kemesi gɛrrɛng na chɔɔ kojorroni zuga mesɛa lɔga gɛrsa kumulɔngge, nɔng Kirisos Yesus chirbhiseony anye, na ibhagany na ojjony ke hira senno kɛlɛhɛnɛsɛ zugo lɔgɔ na kɔdhɔlɛsɛ zuga ale yɛbhbhɛa nɔng na jɔanɛa basseya iho dhul bhɛa nɔng hinisa nɛnɛ anɛa bu na nyimmɛa lɔgɔ goore.

Tito 1:2

Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.

1 Yohanis 2:25

Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.

1 Yohanis 4:10

Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 4:9

Nɔng bhee bere dhugunnogɛiy :Tumu bhɛa ibhbhagɛiy hiniye, a ngaya bere ibhbhanɛ Eriya Nɛnɛ dhɔnɛna na ittonnonɛ ba na kɔ̀jɔyayɛy :aggeu basseya iho dhul bhɛa nɛnɛye.

1 Yohanis 5:10

Nɔng inde yɛbh bhɛa Yesus anɛa Eriya Tumuye, ngalɔkta bere dhugunɛsɛn :Tumuye gayɔ hunde a dhereye, na lɔ hinisɔ. Na nɔng inde Tumu ngayɛbhbhoye, a hira ojjo Tumu ke butogi ke ngaya lɔga Yesusi dhugunnono :Tumu ngayɛbhɛoye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

1 Yohanis 5:7

Nɔng bhɛa kàggayɛa lɔga Yesusi bhɛa anɛa dhere, a gaminya sizzi,

3 Yohanis 1:12

Nɔng Dimitiro a hira hini challa gayɛa :zugu kumulɔng na yokkɛa. Na hunde bhak baye, me lɔga ku dhere hinnogiy :Tumu. Na chɔɔ ko agge ngalɔkta gɛnyde kaggao na koyokkoyɔ. Na chɔɔ ko igge ngalɔkta gɛny kòyokkogung :aggeuye hunde a dhereye, gaoyɔ.

Yihudha 1:21

Na hunde ngani reo kolea ale chirbhisiyɛungu :Komoruya Na Yesus Kirisosi na ajɛungu basseya iho dhulde, tɛldi ko Tumu kari ke dhɔnɛ tii na tagatɔ hunde ibhbhagung hiniye.