1 Yohanis 5:1 - Suri Latin

¹ Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:1 ပူးပေါင်းရင်းမြစ်များ

Matiyos 16:16

Na yagɛsɛ :Simon Betirosi na sɛɛsɛ, “Inye ani Kirisos, Eriya Tumu, Komoruya iho basseyɔ.”

Yohanis 1:3

Na kala bere Tumu ghendonɛa aha kumulɔng, dha bere ghendono Lɔkke. Na chɔɔ ahite dhɔnɛ dha bere Lɔkke ngani ketegenyoo, ninggɛ dhul.

Yohanis 15:23

Hirre marrany anyeye, ngangaye dhaa mar chɔɔ Baba nanu chi.

Yohanis 3:3

Na Yesus yagɛsɛ na sɛɛsɛ, “A challi. Ga shiktɔ! Hunde hiri sɛgɛn ngani kùhudhukkiyaayoye, bhee lɔmɛ :Tumu, ninggɛ.”

Yohanis 6:69

Na chɔɔ hunde ani Hira Kullɛna Bere Bɛrraninyi :Tumuye wa kàtaktinyɔ na kɛ̀yɛbhtinyɔ.”

Yohanis 8:42

Na sɛɛsɛ :Yesusi, “Hunde Tumu kete Baba nu, anda ibhbhaganyu hinisi, ke ngaya bere kugunɛ bhɛa nɛnɛ na mɛa kihɛ ngayaye. Anye bere ekkononyi :nɛa. Sabbaa nanu ngani kèseayo na kùgoo.

Zuga Kèkko 8:36

Na hunaa ngani hɛaye, dakta bhee lɔ ma. Na gulsa seu, “Yɔk ma a ngagiya ni. Na hunde kùchurrɛ, ahite kanyɛanyi ihe?”

Zuga Kèkko 8:37

Na nɔng Bhilibhos yagɛsɛ na sɛɛsɛ, “Hunde yɛbhi hinisɔ dhereye, churnɛndɔ.” Na gulsa seu, “Yesus hunde a eriya Tumu bere kɛ̀bɛrrana ku Kirisose, kɛyɛbhiyɔ.”

Yaykob 1:18

Nɔng anna bere bɛrraniy na yokkogiy lɔga gɛnyɛ ku dhere na kàbayɛyɔ. Na agge bhɛa ahaa bere ghendono kumulɔng kète ga ku sabba.

1 Yohanis 2:10

Na nɔng inde ibhɛsɛn zuga yɛbhbhɛa kamannaa Yesusi hiniye, ɛl ko Tumu na bhak ba hɔldinɔ na lɔkte gɛrsi bhɔdhɛ nɔng sabba na kɛddɛ lɔgɔ ninggɛ.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 3:14

Nɔng agge kan zuga kìbhɛsɛna zuga kɛ̀yɛbhbha Yesus kari hinisi. Na ngaya kèmesɛ ngangaye, dhugunnogiy bhɛa kèteyɛa zuga bere kàjarta rɛsɛ na kàyta gɔra basseya iho dhul. Na nɔng inde hira yɛbhbha Yesus hini ngaibhɛsɛnnoye, ngani a hira ɛlla ko rɛsɛ kari ke dhɔnɛ.

1 Yohanis 3:17

Mɛa hir kona hunde kɔtɔlɔ ahaa kachchana bay ngaya na kar hira yɛbhbhɛa Yesus kari kona hunde chɔllanɛye na ngawonyɛsɛni na ɛana, anda bhee senɛ, “Anye kani hira kibhɛsɛni Tumu hini” ihe? Ninggɛ.

1 Yohanis 3:9

Nɔng hira yɛbhbha Tumu na tewa eriya nɛnɛ, lɔga gɛrsa dirr ngamesso ke ngaya lɔmɛ hinisa Tumuye. Na bhee mesɛ lɔga gɛrsa dirr ninggɛ, ke ngaya anɛ eriya Tumuye.

1 Yohanis 4:2

Nɔng gangguye maya maragɛo lɔgɔ na gayɛo bhɛa anɛa ga dhugunono :Kuloya Tumuye a ɛnɛnggeo, hunde shikto lɔkte yokkono :hiriyɔ kuloyɔ na sennɛ, “Yesus Kirisos huna bere kunno ba, bere hudhukkinyana ke hiriye,” ngangaye ngalɔktonu dhaa agga dhugunono :Kuloya Tumu dhere.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?

1 Yohanis 4:7

Na mɛa ngazukta gany kibhbhagung hiniye, ga kìbhtɛ hinisi kɛngɔ ke ngaya bhɛa kìbhinɛnɛa hinisi ajjɛiy :Tumuye. Nɔng inde ibhɛsɛn zugo hiniye, ngandonu a eriya Tumu na ngangaye dhaa a hira gaa Tumu.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:4

ke ngaya erroa gɛnyɛ kumulɔng anɛ ɔnnɛ na marɛ lɔga ku kuhu messɛa :zugu bay ngaya na dhɔyɛye. Nɔng agge bhee kàmarɛ ngalɔkta ku kuhu na kɔ̀dhɔyɛye a ngaya kɛ̀yɛbhɛ Yesuse.

1 Yohanis 5:5

Na hirre mar ngalɔkta ku kuhu na dhɔtte a nɛng? Ngayo hirre yɛbh bhɛa Yesus anɛa Eriya Tumuye sɔng!