1 Yohanis 4:7 - Suri Latin

⁷ Na mɛa ngazukta gany kibhbhagung hiniye, ga kìbhtɛ hinisi kɛngɔ ke ngaya bhɛa kìbhinɛnɛa hinisi ajjɛiy :Tumuye. Nɔng inde ibhɛsɛn zugo hiniye, ngandonu a eriya Tumu na ngangaye dhaa a hira gaa Tumu.

1 Yohanis 4:7 ပူးပေါင်းရင်းမြစ်များ

Yohanis 13:34

Na mɛa kajjung lɔga bere sabbɔ ngani shiktao. Na ngalɔktonu a ɛnɛnggeo, ibhtɛ hinisi! Na ngadamita kibhbhagɛung :anyo hiniye, ko igge maya ibhinɛno hinisi.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

2 Timotiyos 1:7

Bhee keni mesɛ ngangaye, a ngaya Tumu, kuloyte kɛ̀ngɛrsɛ bho, ngani kayiycho na kuloya bere ajjiy :nɛa anɛ na ajjiy barartin ko bhɛa kìbhɛsɛna zugo hinisi ko bhɛa kɛ̀tɛlɛa lɔgɔye.

1 Yohanis 2:10

Na nɔng inde ibhɛsɛn zuga yɛbhbhɛa kamannaa Yesusi hiniye, ɛl ko Tumu na bhak ba hɔldinɔ na lɔkte gɛrsi bhɔdhɛ nɔng sabba na kɛddɛ lɔgɔ ninggɛ.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 2:3

Nɔng agge hunde kɛ̀bhɛgɛ lɔga ajjiy :Tumu, anda kàggayɔ hunde kàn zuga kàggaa nɔng dhereye.

1 Yohanis 2:4

Nɔng inde se, “Anye Tumu kaggayɔ,” na lɔga ajjɛa :Tumu ngamessoye, a butogi na lɔga Tumu ku dhere bhɛa nɛnɛ ninggɛ.

1 Yohanis 2:7

Ngazukta gany kibhbhagung hiniye, yɔk ngalɔkta kɔgɔdhdhagung :anyoye ga ngani ɛrrinyana ngayo. A lɔga bere kinginye ajjungu :Tumu bɛrgua bere ngani yɛbhbhanɛo Yesus. Na chɔɔ bere shikto na gaoyɔ.

1 Yohanis 3:9

Nɔng hira yɛbhbha Tumu na tewa eriya nɛnɛ, lɔga gɛrsa dirr ngamesso ke ngaya lɔmɛ hinisa Tumuye. Na bhee mesɛ lɔga gɛrsa dirr ninggɛ, ke ngaya anɛ eriya Tumuye.

1 Yohanis 4:11

Na mɛa ngazukta gany kibhbhagung hiniye, Tumu hunde a nganda ibhbhagiy hini goore ngangaye, ko agge maya kìbhinɛ hinisi kɛngɔ.

1 Yohanis 4:12

Nɔng hirre bere or Tumu chɔɔ dhɔnɛ ninggɛ dhul. Na nɔng agge hunde kìbhtɛ hinisi kɛngɔ, anda kɛ̀l ko Tumu kari ke dhɔnɛ na ajjiy bhɛa kìbhɛsɛna zugo hinisi goore dhogoy hunde nɛnde.

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?

1 Yohanis 4:8

Na nɔng inde zugo hini ngaibhɛsɛnnoye, a hira Tumu ngagaayo ke ngaya Tumu anɛ na ibhɛsɛna zugo hini kali kaliye.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

2 Yohanis 1:5

Na mɛa ngakarbayta nganda, yɔk ngalɔkta kɔgɔdhdhaginy :anyoye, ga ngani kàjjiy ngayo. Agga bere kàgaana :aggeu kingi bɛrgua bere ngani kɛ̀yɛbhbhanɛa Yesus. Na mɛa anye kɔtɔllɔhaginydɔ. Agge zuga kɛ̀yɛbhbha Yesus, ga kìbhtɛ hinisi kɛngɔ.