1 Yohanis 4:6 - Suri Latin

⁶ Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 4:6 ပူးပေါင်းရင်းမြစ်များ

Yohanis 10:16

Yɔk mɛdɛrniya ganyu ngatenyda ningginɛna, bhokkonnɔ ɛllɛ. Na maya kɔgɔ na kɔtɔkkandɔ. Na ko yɔk ale gaɛ tuga nanu na idhoynɛ ke dhɔnɛ na iwo :hira dhɔnɛna.

Yohanis 10:27

Yɔk mɛdɛrniya ganyu kaggayɔ. Na ko yɔk gaɛ tuga nanu na kɔbhbhanyɛyɔ.

Yohanis 10:3

Na hira ungusɛa mɛdɛrni osɛn ɛnaa mɛdɛrniuny waran. Na ɛna ubhbhurisi sara gɛ bhiy bhiy na yɔk gaɛ tuga nɛnɛ na itton bhɔ.

Yohanis 13:20

A challi, ga shigitɔ! Inde lammana hira kegi :anyoye ko nɔng ngangaye lammanany anye. Na ko nɔng inde lammanany anyeye, ngangaye lammana hira bere ekkononyi.”

Yohanis 14:17

Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Yohanis 15:26

“Nɔng anye ale kekkogung Hira ɛlla ko Baba nanu Irishshongngu igge. Nɔng ngandonu a Kuloya kunno bhɛa Babaa nanu na dhugunɛsɛna zugo lɔga ku dhere. Na nɔng hunde ale kunde, kɔbhɛsɛn zugo lɔga ganyu.

Yohanis 16:13

Nɔng Kuloya Tumu madhɛsɛna zugo lɔga ku dhere hunde ale kunde, dhugunnogung bhɛa lɔga Tumu anɛa dhere na gao kumulɔng. Na nɔng ale yokkono lɔga shikkana bhɛa nanu sɔng. Ga sabbaa nɛnɛ ngayokkonoo dhul. Na chɔɔ ale yokkogung lɔkte ale ngani ɛrrinyaye.

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

Yohanis 20:21

Na koo tɔrɛ sɛgɛn na sɛɛsɛ, “Tɔlɔmɔ zany na tɛldi ke na bo challa! Na mɛa ko anye kekkung damiya bere ekkonɛanyi :Babaa nanu.”

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

Yohanis 8:23

Na Yesus tɔrɛ sɛgɛn na sɛɛsɛ, “Igge anno zuga bhakko ba bay. Nɔng anye kani hira tumony tundune. Na igge anno zuga ngabaya. Na nɔng anye hira ngabaya ngakaniyo.

2 Tɛsɛlongke 1:8

Na ngakaldonu Komoruya na Yesus ale atti zukte marrɛ kamannaa nɛnɛ challa na imaggɛ Tumuye.

1 Timotiyos 4:1

Nɔng Kuloya Tumu, dhugunnono lɔgɔ dib na se kee bɛrgunyaye ale wurtuneye, zug gena ale dhɔttɛ bhɛa yɛbhɛa kamannaa Yesusi. Na kɔbhbhɛ lɔga tabhɛa :nyamanɛɛnu ko lɔga madhɛsɛnɛa :mɛnɛngu.

2 Betiros 3:2

Yɔk ngalɔkta keni kadhtaye, a lɔga bere yokkonɛa :zuga bere kɛ̀ɛngana na katagaya Tumu na koyoktɛsɛ zugo lɔga dhugunɛsɛna :nɛa. Na gena a lɔga Komoruya na Ibbayseiy agge bere kòyogɛsɛna zuga gu bere ekko :nɛa na koo madhdhagungɛa.

1 Yohanis 4:1

Ngazukta gany kibhbhagung hiniye, zukte se yokkonɛ lɔga dhugunɛsɛna :Kuloya Tumuye kumulɔng nganga hung ngayɛbhbho. Maraga shɛɛ na tagatɔ hunde lɔga gɛ agga dhugunɛsɛna :Tumu dhereye. Bhee maya maragɛo ngangaye, a ngaya zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu dha bɔɔ banda na asanydɛsɛ ba kumulɔngge.

1 Yohanis 4:4

Na mɛa ngaerroya ganyde, igge anno erroa Tumu. Na annaa bere tamarto lɔga ngazukta ku butogaye dhul na dhɔtto, ke ngaya Kuloya Tumu lɔmmo :iggeu anɛ na jorrono ɔnneya ngakuloyta allinɛnɛ zuga marrɛa Tumuye.

1 Yohanis 4:8

Na nɔng inde zugo hini ngaibhɛsɛnnoye, a hira Tumu ngagaayo ke ngaya Tumu anɛ na ibhɛsɛna zugo hini kali kaliye.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

Yihudha 1:17

Na nɔng igge ngazukta gany kibhbhagung hiniye, ga kàtta lɔga bere yokkonɛa :zuga bere ekko :Komoruya Na Yesus Kirisosi sabbɔ.