1 Yohanis 4:3 - Suri Latin

³ Na yɔk gee yokkono :hir konnɔ kuloyɔ na sennɛ, “Yesus Kirisos huna bere kunno ba ngaya, bere ke hiri ngani kuhudhukkiayoye,” ga dhugunono :Kuloya Tumu ngayo. Nɔng kuloyte yokkono lɔkte ku ngangaye, anna mirogiya Kirisosi bere shikkano :iggeu kingi kènno ale kuni. Na chɔɔ bɔɔ kowa na mɛa ihe.

1 Yohanis 4:3 ပူးပေါင်းရင်းမြစ်များ

Matiyos 24:5

Yɔk zuga bo mɛra ale hony na aminɛnɛ sara ganyu na sennɛ, ‘Kani Kirisos,’ na tabhbhɛ zugo ga mɛra.

1 Yohanis 2:18

Erroa ganyuye, nɔng mɛa toye nganda a kolea senno kuturoy ba. Nɔng mirogiya Kirisosi hunde ale kunde annaa bere shikto. Na chɔɔ mɛa toye mirɔga Kirisosi ga bo mɛra bɔɔ bandaa. Na ngalɔkta dhugunnogiyɛ bhɛa kàggayɛa hunde nganda a kolea uturronɛa baye.

1 Yohanis 2:22

Na nɔng inde mal lɔga Yesusi na se, “Yesus Hira Bere Bɛrrana :Tumu ku Kirisos ngayoye,” a inde ku butogiya bo dhogoyte. Nɔng ngandonu a mirogiya Kirisosi na chɔɔ imag Baba Na Tumu ko Eriya Nɛnɛ tɔllɔng.

2 Yohanis 1:7

Nɔng anye bhee koyokkogɛung ngalɔktaye, a ngaya zuga bo mɛra itabhbhɛa zugo dhaa bɔɔ banday bay ngayaye. Yɔk ngazuktonu bhɛa bere hudhukkinyanɛa :Yesus Kirisosi ke hiri ngayɛbhbhɛo. Nɔng hirre me ngangaye anna tabhbha zugo ku mirogiya Kirisosi.