1 Yohanis 4:14 - Suri Latin

¹⁴ Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.

1 Yohanis 4:14 ပူးပေါင်းရင်းမြစ်များ

Yohanis 1:14

Na Lɔgɔ annaa bere bhɔttɛa ke hiri na kàbhakta ko agge kari. Na agge bere kàrta dirama eriya Tumu dhɔnɛna bere kunno bhɛa nɛnɛ na ɛdhdhɛttanniy agge goore na madhdhagiy bhɛa lɔga Tumu anɛa dhere.

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 12:47

“Na nɔng inde shik lɔga ganyu na ngabhɛkkoye, anyo ngakujjukkanno. Anye nɔng bere kuguni ba ngaya na kìbbaysi zugo kumulɔng. Bhɛa kèni kègedhdhɛ lɔga gɛ ngani kùgoo.

Yohanis 3:11

A challi. Ga shiktɔ! Lɔga kaggao :aggeu, a gee koyogɛsɛno zugoye. Na ga korrono kawarre, a gee kɔɔbhɛsɛno zugo dibte. Na yɔk lɔga korrono :aggeu kawarre, igge ngahinnoo.

Yohanis 3:32

Nɔng yokkono lɔga orrono kawarre ko ga shikkana nyabha na yɔk zukte hinnɛ lɔga gɛnyɛ ninggɛ.

Yohanis 3:34

Nɔng hira bere bɛrrana :Tumu na ekkono, yogɛsɛn zugo lɔga Tumu, ke ngaya Tumu ajjɛ nɔng Kuloya nɛnɛ na ngaɛmɛgɛsɛnnoye.

Yohanis 4:42

Na yɔk seyɛsɛ tɛriyaa gina, “Mɛa agge ke bhɛa bare dhugunnogɛinyi lɔga gunyu sɔng, ngahirra ngakɛyɛbhbhoo. Agge wa kishiktao nyabha hunde nɔng dhaa a Hira Ibbayseo zuga bhakkɛa ba kumulɔngge na katakto dhere.”

Yohanis 5:39

Nɔng igge toyeo dadabinyaa Lɔga Tumu goore na marakko ke ngaya senno ale jɔanɛo ganggua basseya iho dhulde. Yɔk ngadadabinyaonu agga yokkɛa lɔga ganyu

Zuga Kèkko 18:5

Na hunaa Silasi ko Timotiyos honynyo Mekedoniyagiyeye, Bhaulos dhɔyu zinggoa gɛnyɛ, na madhu zugo sɔng. Nɔng dha madh zuga Ayhudhi na kɔbhɛsɛn lɔga Yesusi na senɛsɛn, “Hira bere Bɛrrana ꞉Tumu a ꞉Yesusi.”

1 Yohanis 4:10

Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 5:9

Nɔng agge kan ngagiya kìshik lɔga kɔbhbhagiyɛa :zuguye. Na yɔk lɔga kɔbhbhagiy :Tumu agga jorronɛa ga zugony ke ngaya anɛ ga yokkono :nɛa na dhugunnonɛa lɔga Eriya Nɛnɛye.