1 Yohanis 4:12 - Suri Latin

¹² Nɔng hirre bere or Tumu chɔɔ dhɔnɛ ninggɛ dhul. Na nɔng agge hunde kìbhtɛ hinisi kɛngɔ, anda kɛ̀l ko Tumu kari ke dhɔnɛ na ajjiy bhɛa kìbhɛsɛna zugo hinisi goore dhogoy hunde nɛnde.

1 Yohanis 4:12 ပူးပေါင်းရင်းမြစ်များ

Lɔgɔ Sabba 32:30

Na Yaykob seu, “Anye dhaa wa karra Tumu na chɔɔ ngani kihi basseyɔ gɛɛ!” Na ngaya orɛ ngalɔktaye ngabaonu eliu sarre kèe, “Bhɛnɛl.”

Yohanis 1:18

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.

1 Timotiyos 1:17

Na mɛa Tumu Komoruya dhɔnɛna, ngakorroo iho dhul ko kingi, na ngarɛssao, any kɔdhɔngɛ na kɔtɔlɔ diram kali kali! Amen.

1 Timotiyos 6:16

Nɔng dhɔnɛnɛ anna ngarɛssao dhul ko kingi na bhakka hɔldina bo hɔla chɔɔ hirre dhɔnɛ jaa ngakɔayo. Na chɔɔ hirre dhɔnɛ bere or nɔng oo ale ori, ninggɛ dhul. Na diram ko ɔnney any kete ga gɛnyɛ dhul ko kingi. Amen!

1 Yohanis 2:5

Nɔng inde bhɛk lɔga ajjɛa :Tumuye, a hira ibhɛsɛna Tumu hini dhere na urrugɛsɛna lɔga hinnono :Tumu dib. Na hunde lɔ hirre se, “Anye kɛllo ko Tumu kari ke dhɔnɛye,” maya bhak ba damiya bere bhagɛa :Yesusi. Nganda a bhee kàggaɛ bhɛa kànɛa zuga kɛ̀lla ko Tumu kariye.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.