1 Yohanis 4:10 - Suri Latin

¹⁰ Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 4:10 ပူးပေါင်းရင်းမြစ်များ

Yohanis 13:34

Na mɛa kajjung lɔga bere sabbɔ ngani shiktao. Na ngalɔktonu a ɛnɛnggeo, ibhtɛ hinisi! Na ngadamita kibhbhagɛung :anyo hiniye, ko igge maya ibhinɛno hinisi.

Yohanis 15:16

Nɔng igge annaa ngani bɛrtaganyuo. Na nɔng anye annaa bere kɛbɛraungɔ na ago na dhungga kawara bo mɛra ɛlla dhul ko kingi. Hunde messo ngangaye, lɔkte hinnono na ogollo Baba nanu sara ganyuye, kumulɔng ajjunggɔ.

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

Yohanis 6:51

Tilaa basseyny bere kuguni tumɔ kani :anyo. Na inde am ngatilayaye kàjjɛ basseya iho dhul. Nɔng ngatilaya a ngaayukta nan ale kajjɛ zuga bhakkɛa ba kumulɔng na kɔtɔlɔmɔ basseyte.”

1 Yohanis 2:2

Na a hira bere ibhbhana :Tumu na sɛrɛa bhɛa na, na rɛsɛiy agge na kotonyo ridhingɛa ga na kagaratɔ. Nɔng bhee bere kìbhbhanɛ na kotonyoiy ridhingɛa ga sɔng ngayo. Bere kènno kotonyo chɔɔ ridhingɛa zuga bhakkɛa ba kumulɔng.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 4:19

Nɔng Tumu annaa bere ibhagiyɔ hini sabbɔ, na aynde mɛa ko agge kìbhɛsɛn nɔng ko zugo hinisiye.

1 Yohanis 5:11

Yɔk ngalɔkta a ɛnɛnggeo, Tumu bere ayiyɔ basseya iho dhul ko kingi. Na ngabasseyta lɔ :Eriya Nɛnɛ.