1 Yohanis 3:5 - Suri Latin

⁵ Nɔng Kirisos huna bere kunno ba ngaya, hunde bere kun na kiggarisi lɔga ga gɛrsaye, igge gaoyɔ. Nɔng bhɛa nɛnɛ chɔɔ lɔkte gɛrsi ku ridhing ninggɛ dhul.

1 Yohanis 3:5 ပူးပေါင်းရင်းမြစ်များ

Matiyos 1:21

Na ale hudhukkono ke may na inye kɔdhdhɛsɛn sarre kèe Yesus ke ngaya ale ibbaysɛɛ zuga gɛnyɛ bhɛa lɔga gɛ gɛrsaye.”

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 1:31

Nɔng chɔɔ bere anye kimagiyɔ. Na nɔng bhee bere kugunɛ na kuchurɛ zugo maye, a ngaya kèe zuga Isirayeli kataktɛ nɔngge.”

Yohanis 14:30

Na mɛa lɔkte kɛ̀mɛzzɛɛ ko igge dirr ninggɛ, ke ngaya komoruya allinɛnɛa ngabaya se kugoye. Na chɔɔ nɔng anye ngaallinɛnɛanyo.

Yohanis 8:46

Na mɛa bhɛa nu inde kesea bere orrogony hunde kemesi lɔga gɛrsa na se kichillɛanyde, a nɛng? Ninggɛ. Na anye hunde kani nganda koyokkon lɔga ku dhereye, lɔ ɔng ngayɛbhbhanyuoye?

1 Timotiyos 1:15

Yɔk ngalɔkta sennɛ, “Nɔng Kirisos Yesus annaa bere kowa ba, na kibbaysi zuga lɔmmɛa ridhingge,” a dhere na maya kɛ̀yɛbh kumulɔng. Nɔng bhɛa zuga lɔmmɛa ridhing kumulɔng, inde kɛddɛi lɔga gɛrsa gooreye, kani anye.

1 Timotiyos 3:16

Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

1 Yohanis 1:2

Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

1 Yohanis 1:7

Na nɔng hunde kɔ̀tɔ hɔldinɔ ngadamita ihɛ :Tumu hɔldinɔye, anda kàn dhɔnɛ na nyawaa Eriya Nɛnɛ Yesusi onynyoniyɛ ridhingɛte kumulɔng.

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 2:2

Na a hira bere ibhbhana :Tumu na sɛrɛa bhɛa na, na rɛsɛiy agge na kotonyo ridhingɛa ga na kagaratɔ. Nɔng bhee bere kìbhbhanɛ na kotonyoiy ridhingɛa ga sɔng ngayo. Bere kènno kotonyo chɔɔ ridhingɛa zuga bhakkɛa ba kumulɔng.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.