1 Yohanis 3:2 - Suri Latin

² Ngazukta gany kibhbhagung hiniye, agge mɛa kan erroa Tumu. Na nɔng ale kingi hunde kan zukte ku ɛnɛngge, mɛa ngani kìmaktɔ, ke ngaya Tumu ngani kudhugunogɛiytoye. Na nɔng hunde ale Kirisos wokkono baye, ngakoleonu ale kòr na kàggayɔ hunde nɔng a hirre ku ɛnɛng na ko agge kɛ̀hɛt ko nɔngge.

1 Yohanis 3:2 ပူးပေါင်းရင်းမြစ်များ

Matiyos 5:8

Gee hinisichinne ɛsɛdhdhɛ lɔga challa hinno :Tumuye a tuhinɛ, ke ngaya ale orɛ nɔngge.

Yohanis 1:12

Na yɔk ga bere lammanɛa na yɛbhbhɛa nɔng, annaa aynɛa bhɛa anɛa erroa Tumu.

Yohanis 11:52

Na chɔɔ ale zuga Ayhudhi sɔng ngarɛssɛayo. Na ale rɛssɛa chɔɔ erroa Tumu bere bhasanyɛsɛnɛa ba na kumuga na koy ke dhɔnɛ.

Yohanis 17:24

“Na mɛa Babaye, ngazukta bere ajjanyde keni kɛ̀tɛldo ko anye kari bhɛa kihɛi na kargi dirama nanu bere ajjanyi :inyo ke ngaya bere ibhbhagɛany anye hini huna ba ko tumu ngani kètegenydoayoye.

2 Betiros 1:4

Nɔng huna bere messogiy ngalɔkta, annaa bhiigagiyɔ lɔga kìbhɛsɛna hinisi bo challa dhandala lɔmɛa diram ale messogiy :nɛa. Ngalɔkta a gee kèe jɔyay bhɛa hinisa nɛnɛ ko na nu anɛa dhɔnɛ, na messɛo lɔgɔ kariye. Na jara ngagɛrɛsimoa bu lɔmmɛ :zugu bay ngaya kun bhɛa chirkannɛa lɔga ku kuhuye.

1 Yohanis 2:28

Na mɛa ngaerroya ganyde, igge tɛldi ko Yesus tii ke dhɔnɛ na aynde ale kolea wokkonɛa :nɛa agge bho ngakɛ̀ngɛrsɛo na liya amɛiyshoye.

1 Yohanis 2:7

Ngazukta gany kibhbhagung hiniye, yɔk ngalɔkta kɔgɔdhdhagung :anyoye ga ngani ɛrrinyana ngayo. A lɔga bere kinginye ajjungu :Tumu bɛrgua bere ngani yɛbhbhanɛo Yesus. Na chɔɔ bere shikto na gaoyɔ.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 3:21

Na mɛa ngazukta gany kibhbhagung hiniye, hunde hinisiya ga lɔgɔ ngani ngaɛsɛdhdhɛo na rɛhi ngani ngakùjjukkanaoye, agge kàllinɛ ko Tumu liya ninggɛn hung.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.