1 Yohanis 3:19 - Suri Latin

¹⁹ Hunde kème ngangaye, kàggayɔ hunde kàn zuga kèmesso lɔga ku dhere na kɛ̀lla ko Tumu na hinisiya ga ɛllanɛa bayte.

1 Yohanis 3:19 ပူးပေါင်းရင်းမြစ်များ

Yohanis 13:35

Na hunde ibhinɛno hinisi ngangaye, zugo kumulɔng ale gaungɛ hunde anno zuga kɔbhbhanyu anyeye.”

Yohanis 18:37

Na nɔng Bhilatos sɛɛsɛ, “Yee! Noo, dhaa ani Komoru!” Na nɔng yagɛsɛ na sɛɛsɛ, “Ee! Nɔng ngaya sennagɛany Komoruye, seni shɛɛ chi. Nɔng anye bhee bere kìrrittonɛany na kugunɛ baye, kèe kɔ̀ɔbhɛsɛ zugo kumulɔng lɔga ku dhere. Na gee hinnɛ lɔga ku dhereye kumulɔng, lɔga koyokkoni :anyo shikkɛyɔ.”

2 Timotiyos 1:12

Yɔk ngalɔkta a gee mɛa kɔchɔllanɛnɛ :anyo gooreye. Na nɔng ko hunde kète nganda kɔchɔllanɛn ngangaye, anye liya ngaamɛanynyo dhul, ke ngaya kaggaɛ hira kɛyɛbhiye. Na chɔɔ lɔga ganyu bere kɛyɛbhɛsɛni nɔng, hunde bhɛk ko bhee ale wokkonɛ :nɛaye, anye kagga shɛɛ.

1 Yohanis 1:8

Na ko hunde kèse, “Agge ridhing ninggɛnniyɔ,” nɔng kìtabh rɛhiya ga na chɔɔ lɔga ku dhere bhɛa na dhaa ninggɛ dhul.

1 Yohanis 2:21

Nɔng anye bhee kɔgɔdhdhagɛung ngalɔktaye, ke bhɛa imagɛo lɔga ku dhere ngayo. Kɔgɔdhdhagung ke ngaya gayɛo lɔga ku dhere ko bhɛa lɔga ku dhere ko ga ku butomo anɛ ga imaginɛnɛaye.

1 Yohanis 3:14

Nɔng agge kan zuga kìbhɛsɛna zuga kɛ̀yɛbhbha Yesus kari hinisi. Na ngaya kèmesɛ ngangaye, dhugunnogiy bhɛa kèteyɛa zuga bere kàjarta rɛsɛ na kàyta gɔra basseya iho dhul. Na nɔng inde hira yɛbhbha Yesus hini ngaibhɛsɛnnoye, ngani a hira ɛlla ko rɛsɛ kari ke dhɔnɛ.

1 Yohanis 3:20

Na chɔɔ ko hunde hinisiya ga kɛsɛdhɛ lɔgɔ na kùjjukta rɛhi, agge kàggayɔ hunde bhɛa hinisiya ga bu :Tumuye. Na chɔɔ nɔng anna gaa lɔgɔ kumulɔng.

1 Yohanis 3:21

Na mɛa ngazukta gany kibhbhagung hiniye, hunde hinisiya ga lɔgɔ ngani ngaɛsɛdhdhɛo na rɛhi ngani ngakùjjukkanaoye, agge kàllinɛ ko Tumu liya ninggɛn hung.