1 Yohanis 3:15 - Suri Latin

¹⁵ Nɔng hirre mar hira yɛbhbha Yesus konaye, a hira kɔdhdha hiri. Na chɔɔ igge gaoyɔ hunde hira kɔdhdha hiri anna basseya iho dhul ngani kɔtɔlɔmaoye.

1 Yohanis 3:15 ပူးပေါင်းရင်းမြစ်များ

Lɔgɔ Sabba 27:41

Na Esau tɔlɔmɛsɛ Yaykob lɔgɔ hinisɔ ke ngaya wa kùtuhɛ sabbɔye. Na ɛsɛdhu lɔgɔ na seu, “Nɔng baba kolea senno kerɛ, mɛa te ja. Na ale hunde rɛsse, Yaykob kɔgɔdhdhiyɔ.”

Matiyos 5:28

Na nɔng anye kesennagung, chɔɔ inde guny hira ngaha na chirkande, nɔng ngangaye dhaa ɛsɛdhu lɔgɔ hinisɔ na mesu lollumo.

Markos 6:19

Na hunaa tewa ngangaye, nɔng Ngaherodha dha bere lɔmɛsɛn Yohanis lɔgɔ hinisɔ. Na chɔɔ dha bere hinɛsɛn rɛsɛ na ɛsɛdh bhɛa senno koyogɛsɛ zugo lɔgɔ na kɔgɔdhɔtɔ na ngani ngaɔanao,

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Zuga Kèkko 23:12

Na hunaa bho arsaye yɔk zuga Ayhudhi gena muktɛ na daga go na bhiigi lɔgɔ na se, “Ko bhee kɔgɔdhdhɛ Bhaulos, amissɛ ngakammo. Ma ngakamatto.”

Zuga Kèkko 23:14

Na yɔk ago bhɛa gɔldangɛa bibiyo doraa Tumu barara ko zuga Ayhudhi bibiyo na seyɛsɛ, “Agge wa kibhiikto lɔgɔ na ko bhee kɔgɔdhdhɛo Bhaulos amissɛ ngakammo.

Yaykob 1:15

Na ngalɔktonu gɛrɛ kìhinnono :aggeuye hɛ na mesiyɛ na kɔ̀lɔ ridhing. Na ngaridhinggonu hunde idhigisɛɛ na te buye, ujjukkey na kɛ̀rɛsɔ.

1 Yohanis 2:11

Nɔng inde mar zuga yɛbhbhɛa kamannaa Yesusi konaye, bhak ba kɔrrɔynɔ na dhaa ngani yiri ngonu. Na chɔɔ gɔrre kɔɛye imag ke ngaya kawarɛ dhiyɛ :kɔrrɔynɔye.

1 Yohanis 2:9

Nɔng inde se, “Anye kemesi lɔga hinno :Tumu na kihi hɔldinɔ,” na mar zuga yɛbhbhɛa kamannaa Yesusi konaye, nɔng dhaa ngani i kɔrrɔynɔ.