1 Yohanis 3:12 - Suri Latin

¹² Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 3:12 ပူးပေါင်းရင်းမြစ်များ

Lɔgɔ Sabba 4:25

Na Adam tunggi ko tɛriya nɛnɛ Ngahɛwan sɛgɛn na hudhugo erite may. Na nɔng Ngahɛwan seu, “Aany ꞉Tumu erite may na sɛrɛu bhɛa gɔynɛa bere kɔdhdha :Kayeli na garsa kɛr gɛɛ!” Na tɔgɔdhɛsɛ sarre kèe Barseti.

Matiyos 13:19

Hunde zugo shikkɛ lɔga lɔmɛa :Tumu zugo na ngagayɛoye, nɔng Moldoy kun na kɔɛ lɔgaa lɔmmɛa hinisichinne wa ngani kàmadhɛsɛna. Na zukte ku ngangaye, hɛt ko ngaduguya ngɔsɛnɛ ganggu dheyte.

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Matiyos 23:35

Na mɛa kɔdhdhanɛ bhɛa nyawaa hira bere ridhing ningginɛna kèe Abel kìnisso ko bhee dogɛ nyawaa eriya Burakiyu kèe Zakariyas bere nisso :iggeu doraa Tumu barara ko ngawugiye kɛrghɛnɔ, na igge lɔmmo gigaa nyawaa ngazukta ko ga zuga ridhing ningginɛna bere kìnisso bay ngaya kumulɔng.

Matiyos 27:23

Na ghinu :Bhilatosi na sɛɛsɛ, “Senno kìlak kɛ ɔng? Wa ɛddɛu lɔk giyong?” Na yɔk kalda ara wuy goore na se, “Ilaga so!”

Matiyos 5:37

Na hunde yoktoo lɔgɔ na seyo, ‘Eeye,’ any kete, ‘Ee’ chi! Oo hunde seyo, ‘Ngayoye,’ any kete, ‘Ngayo’ chi! Nɔng hunde gamsiyo ba na tɔrtɛo genaye, ngangaye dhaa ngalɔktonu agga Moldoyny.

Yohanis 10:32

Na nɔng Yesus dhugunɛsɛ lɔgɔ dib na sɛɛsɛ, “Anye annaa bere kɔdhɔlagungɔ lɔga bo mɛra dhandala ajjanyi :Babaa nanu Tumu. Na mɛa bhɛa ngalɔkta, gee gɛrɛ senno chɔyɛanyu :iggeu bɛnneye, a giyong?”

Yohanis 8:40

Na nɔng igge anno ngagiya hinnogonyu rɛsɛ na senno indonyu hira koyokkogungu lɔga ku dhere bere kishikkani bhɛa Tumuye! Nɔng Awuraham annaa bere nganga ngani kemessao.

Yohanis 8:41

Nɔng igge anno ngagiya messo lɔga messo :babaa nuye chi.” Na yɔk tamara na seyɛsɛ, “Ay, agge nɔng irrichchaga ngakannoo! Baba nayo a :Tumu dhɔnɛnɛ!”

Zuga Kèkko 7:52

Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.

1 Tɛsɛlongke 2:14

Gochonginyaa gayoye, igge dha bere artao lɔga zuga bhakkɛa baa Yudha yɛbhbhɛa lɔga Yesus Kirisosi. Na ngaya yɛbhɛo lɔga gɛnyɛye, a bhɛa bere chɔllanɛnɛo bhɛa zuga bhora nu damiya bere chɔllanɛnɛa :zuga yɛbhbhɛa lɔga Tumu ɛlla baa Yudha bhɛa bhora nɛ Ayhudhi.

1 Yohanis 3:8

Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.

Yihudha 1:11

Na chɔɔ ale ruɛ rɛhi! Yɔk wa kɔbhta ganggua bere Kayeli, na messa damiya bere Balami na teyelda birinya goore na ɛddɛya lɔgɔ, na kìggarisiya damiya bere kìggarisiyɛa :hira irranɛa Tumu kèe Kore.