1 Yohanis 3:10 - Suri Latin

¹⁰ Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 3:10 ပူးပေါင်းရင်းမြစ်များ

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Yohanis 1:12

Na yɔk ga bere lammanɛa na yɛbhbhɛa nɔng, annaa aynɛa bhɛa anɛa erroa Tumu.

Yohanis 11:52

Na chɔɔ ale zuga Ayhudhi sɔng ngarɛssɛayo. Na ale rɛssɛa chɔɔ erroa Tumu bere bhasanyɛsɛnɛa ba na kumuga na koy ke dhɔnɛ.

Yohanis 8:44

Nɔng igge anno erroa babaa nu Moldoyny na senno mesigi lɔga hinnono :nɛa. Nɔng a hira bere nissono zugo kingi na marra lɔga ku dhere ke ngaya lɔga ku dhere bhɛa nɛnɛ ningginɛnɛye. Na chɔɔ hunde mɛzzi butomoye, yokkono kabiya nɛnɛ butomo ke ngaya anɛ butogi na butomo bere shigininyanɛ bhɛa nɛnɛye.

Yohanis 8:47

Nɔng inde ku eriya Tumuye, a inde shik lɔga Tumuye. Na nɔng igge bhee lɔga Tumu ngashigɛoyoye, a ngaya erroa gɛnyɛ ngaanɛoyoye.”

Zuga Kèkko 13:10

na sɛɛsɛ, “Inye ani eriya Moldoyny na ani mirogiya lɔga ku dhere kumulɔng. Na lɔmi kuhuyamo na tabi zugo goore. Na ngalɔkta liyɛ ganggua Komoruyny iho dibte ngadhɔyiyo kɛ ɔng?

1 Timotiyos 1:5

Yɔk lɔkte keni madhɛsɛ zugoye hologun a ɛnɛnggeo, kèe zugo kibhtɛsɛ lalugɛ hinisi dhere. Yɔk zuga ibhɛsɛnɛa lalugɛ hinisi dhere, agga hinisiya gɛ ɛlla hurr na ɛsɛdhdhɛa lɔga challa na yɛbhbhɛa kamannaa challa dhere.

1 Yohanis 2:29

Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 3:1

Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 3:2

Ngazukta gany kibhbhagung hiniye, agge mɛa kan erroa Tumu. Na nɔng ale kingi hunde kan zukte ku ɛnɛngge, mɛa ngani kìmaktɔ, ke ngaya Tumu ngani kudhugunogɛiytoye. Na nɔng hunde ale Kirisos wokkono baye, ngakoleonu ale kòr na kàggayɔ hunde nɔng a hirre ku ɛnɛng na ko agge kɛ̀hɛt ko nɔngge.

1 Yohanis 4:21

Nɔng annaa bere ayiyɔ lɔga gɛnyɛ sennɛa, “Inde ibhɛsɛn Tumu hiniye, ko nɔng maya ibhɛsɛn zuga yɛbhbhɛa Yesus hini.”

1 Yohanis 4:6

Nɔng agge kanno zuga Tumu. Na zukte gaɛ Tumuye, lɔga gayo shikkɛyɔ. Na yɔk gee zuga Tumu ngayoye, agge ngashikkeyɛo. Ngaya a bhee kàggaɛ lɔgɔ hunde agga kuloya ku dhere oo hunde agga kuloya ku butogiye.

1 Yohanis 4:8

Na nɔng inde zugo hini ngaibhɛsɛnnoye, a hira Tumu ngagaayo ke ngaya Tumu anɛ na ibhɛsɛna zugo hini kali kaliye.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.

1 Yohanis 5:2

Na ko agge hunde kìbhɛsɛn Tumu hinisi na kème lɔga bere ajjiy :nɛaye, ngangaye kàggayɔ hunde dhaa kan zuga kìbhɛsɛna erroa gɛnyɛ hinisiye.

3 Yohanis 1:11

Na mɛa dehunya nanu, inye me lɔga challa sɔng na gee ku kuhuye ngaorroni na mesi. Yɔk zukte messɛ lɔga challaye kumulɔng a erroa Tumu. Na yɔk gee messɛ lɔga ku kuhuye agga imaggɛa Tumu.