1 Yohanis 3:1 - Suri Latin

¹ Ga gɔnyigi ngaya ibhbhagɛiy :Babaa Na hini na yellɛiy goore na ojjiy na kèliyey erroa Tumuye! Nɔng ngadamita bere ojjɛiy :nɛaye, agge kan erroa gɛnyɛ dhere! Na nɔng bhee imaggɛiyɛ :zuga marrɛa Tumuye, a ngaya imagɛ Baba Na Tumuye.

1 Yohanis 3:1 ပူးပေါင်းရင်းမြစ်များ

Yohanis 1:12

Na yɔk ga bere lammanɛa na yɛbhbhɛa nɔng, annaa aynɛa bhɛa anɛa erroa Tumu.

Yohanis 11:52

Na chɔɔ ale zuga Ayhudhi sɔng ngarɛssɛayo. Na ale rɛssɛa chɔɔ erroa Tumu bere bhasanyɛsɛnɛa ba na kumuga na koy ke dhɔnɛ.

Yohanis 15:21

Na bhee ale tiranynyɛungɛ ngangaye, a ngaya anɛo zuga kɔbhbhanyu anye na chɔɔ imagɛ hira bere ekkononyiye.

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 3:16

“Nɔng Tumu annaa bere ibhɛsɛa zugo kumulɔng hini goore na chɔɔ ibhaa Eriya Nɛnɛ dhɔnɛna na aynɛa. Na gee yɛbhbhɛ Eriya Nɛnɛye kumulɔng ale kɔjɔya basseya iho dhul na ngagarsɛ.

1 Yohanis 3:10

Yɔk zukte lɔga challa ngamessɛo na zuga yɛbhbhɛa kamannaa Yesusi kari hinisi ngaibhɛsɛnɛoye kumulɔng, erroa Tumu ngayo. Nganda a bhee kàggaɛ erroa Tumu ko ga Moldoyny bhɛa ɛlɛa bhiy bhiyye.

1 Yohanis 3:2

Ngazukta gany kibhbhagung hiniye, agge mɛa kan erroa Tumu. Na nɔng ale kingi hunde kan zukte ku ɛnɛngge, mɛa ngani kìmaktɔ, ke ngaya Tumu ngani kudhugunogɛiytoye. Na nɔng hunde ale Kirisos wokkono baye, ngakoleonu ale kòr na kàggayɔ hunde nɔng a hirre ku ɛnɛng na ko agge kɛ̀hɛt ko nɔngge.

1 Yohanis 4:17

Na hunde kɛ̀l ko Tumu kariye, nɔng ajjiy bhɛa kìbhɛsɛna zugo hinisi goore dhogoy hunde nɛnde. Na kala ale kedhdhɛa lɔga zugony, agge bho ngakɛ̀ngɛrɛso ke ngaya hunde ngani kɛ̀l bay ngayaye, kɛ̀lɛ ko nɔng kari ke dhɔnɛ damiya bere Yesusiye.