1 Yohanis 2:5 - Suri Latin

^5-6 Nɔng inde bhɛk lɔga ajjɛa :Tumuye, a hira ibhɛsɛna Tumu hini dhere na urrugɛsɛna lɔga hinnono :Tumu dib. Na hunde lɔ hirre se, “Anye kɛllo ko Tumu kari ke dhɔnɛye,” maya bhak ba damiya bere bhagɛa :Yesusi. Nganda a bhee kàggaɛ bhɛa kànɛa zuga kɛ̀lla ko Tumu kariye.

1 Yohanis 2:5 ပူးပေါင်းရင်းမြစ်များ

Yohanis 14:21

Inde ibhbhagany anye hini dhereye, aynde shik lɔga kajjɛi :anyo na me na urrugɛsɛnde. Na inde ibhbhagany hiniye, ko nɔng ale ibhɛsɛn :Babaa nanu hini. Na ko anye ale kibhɛsɛn hini sɛgɛn na chɔɔ kudhugunɛsɛn rɛa nanu hunde kani hir inongge.”

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 15:5

“Nɔng anye kani woyn bhɛa ku banggurra na igge anno hana ku lɛwanya. Na hirre kɛllo ko anye kari na ngakegenɛnooye, nɔng ale dhungngana kawarte mɛri. Na ko igge hunde dhɔttanyu na kari ngani ngakɛlloye, lɔkte messo bhichang ninggɛ dhul.

Yohanis 6:56

Nɔng inde am ayuga rɛa nanu na ma nyawaa ganyuye, anye ko nɔng ngakegennɛnoo dhul. Kɛllo kari tii na kanno dhɔnɛ.

Yaykob 2:22

Nɔng a nganda bere yɛbh lɔga yogɛsɛna :Tumu na messe. Na hunaa messoye, yɛbhu Tumu goore. Na bhɛa yɛbhɛa Tumu ko bhɛa mesɛa lɔgɔ, bere anna dhɔnɛ.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

1 Yohanis 4:17

Na hunde kɛ̀l ko Tumu kariye, nɔng ajjiy bhɛa kìbhɛsɛna zugo hinisi goore dhogoy hunde nɛnde. Na kala ale kedhdhɛa lɔga zugony, agge bho ngakɛ̀ngɛrɛso ke ngaya hunde ngani kɛ̀l bay ngayaye, kɛ̀lɛ ko nɔng kari ke dhɔnɛ damiya bere Yesusiye.

1 Yohanis 4:18

Yɔk zukte ibhɛsɛn :Tumu hiniye, bho ngaɛngɛrsɛo. Na ko agge hunde kìbhɛsɛn zugo hinisi damiya ibhbhagɛiy :Tumuye, bhee kɛ̀ngɛrsɛ bho ninggɛ dhul. Na yɔk zugo hunde ɛngɛrsɛ bhoye, ngangaye dhaa ɛngɛrsɛ lɔga ale attiyɛa :Tumu. Na mɛa inde ɛngɛrɛ bhoye, nɔng ngangaye dhaa huna :Tumu, zugo hini dhere ngaibhɛsɛnno.

1 Yohanis 5:2

Na ko agge hunde kìbhɛsɛn Tumu hinisi na kème lɔga bere ajjiy :nɛaye, ngangaye kàggayɔ hunde dhaa kan zuga kìbhɛsɛna erroa gɛnyɛ hinisiye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.

2 Yohanis 1:6

Nɔng agge hunde kɛ̀bhɛk lɔga ajjiy :Tumu na kème kali kaliye, ngangaye kìbhɛsɛn Tumu hinisi dhere. Na mɛa igge ibhtɛ hinisi kɛngɔ kali kali damiya ngalɔkta bere ajjiy :Tumu na shikkano :iggeu bɛrgua bere ngani yɛbhbhanɛo Yesuse.