1 Yohanis 2:29 - Suri Latin

²⁹ Nɔng igge hunde takto bhɛa Yesus anɛa hira ridhing ningginɛnaye, ngangaye takto hunde zuga messɛa lɔga ridhing ngaannao dhaa a erroa gɛnyɛ kumulɔngge.

1 Yohanis 2:29 ပူးပေါင်းရင်းမြစ်များ

Yohanis 1:13

Na yɔk a erroa bhɛllana :Tumu damiya bere sennanɛa :nɛa. Erroa hudhukkonɛa :zugu damiya ɛsɛdhdhanɛa na hinnonɛa :yɔkku ngayo.

Yohanis 7:18

Nɔng inde yokkono lɔga sabbaa nɛnɛye, lami bhɛa senno kɔdhɔnggɛ :zugu na kayɛ diram. Na nɔng inde hin bhɛa senno zugo kɔdhɔnggɛ hira bere ekkonoye, a hirre mɛzzi lɔga ku dhereye. Na chɔɔ bhɛa nɛnɛ butomo ninggɛ dhul.

Zuga Kèkko 22:14

“Na seagany, ‘Inye wa bɛrayinyɔ ꞉Komoruya kokonginyaa ga na tak lɔga sennana ꞉nɛa na ar Hira Ridhing Ningginɛna na shik lɔga yokkono ꞉tuga nɛnɛ.

Zuga Kèkko 3:14

Na tamarto chɔɔ Hira Kullɛna Barara Ridhing Ningginɛna na tɛhɛndo hira kɔdhdha zugo na kɔ̀ktagunggɔ.

Yaykob 1:18

Nɔng anna bere bɛrraniy na yokkogiy lɔga gɛnyɛ ku dhere na kàbayɛyɔ. Na agge bhɛa ahaa bere ghendono kumulɔng kète ga ku sabba.

2 Betiros 1:4

Nɔng huna bere messogiy ngalɔkta, annaa bhiigagiyɔ lɔga kìbhɛsɛna hinisi bo challa dhandala lɔmɛa diram ale messogiy :nɛa. Ngalɔkta a gee kèe jɔyay bhɛa hinisa nɛnɛ ko na nu anɛa dhɔnɛ, na messɛo lɔgɔ kariye. Na jara ngagɛrɛsimoa bu lɔmmɛ :zugu bay ngaya kun bhɛa chirkannɛa lɔga ku kuhuye.

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 3:5

Nɔng Kirisos huna bere kunno ba ngaya, hunde bere kun na kiggarisi lɔga ga gɛrsaye, igge gaoyɔ. Nɔng bhɛa nɛnɛ chɔɔ lɔkte gɛrsi ku ridhing ninggɛ dhul.

1 Yohanis 3:7

Erroa ganyuye, ngakitabhtung :genne go! Nɔng hirre me lɔga ridhing ngaannaoye, a hira hɔla ridhing ningginɛna ngadamita Kirisosiye.

1 Yohanis 4:7

Na mɛa ngazukta gany kibhbhagung hiniye, ga kìbhtɛ hinisi kɛngɔ ke ngaya bhɛa kìbhinɛnɛa hinisi ajjɛiy :Tumuye. Nɔng inde ibhɛsɛn zugo hiniye, ngandonu a eriya Tumu na ngangaye dhaa a hira gaa Tumu.

1 Yohanis 5:1

Zukte yɛbhbhɛ Yesus bhɛa anɛa Kirisose kumulɔng a erroa Tumu. Nɔng inde ibhɛsɛn hira lɔmma eri hiniye, ngangaye dhaa ibhɛsɛn chɔɔ eriya ngahirronu hini sɛgɛn.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:4

ke ngaya erroa gɛnyɛ kumulɔng anɛ ɔnnɛ na marɛ lɔga ku kuhu messɛa :zugu bay ngaya na dhɔyɛye. Nɔng agge bhee kàmarɛ ngalɔkta ku kuhu na kɔ̀dhɔyɛye a ngaya kɛ̀yɛbhɛ Yesuse.

3 Yohanis 1:11

Na mɛa dehunya nanu, inye me lɔga challa sɔng na gee ku kuhuye ngaorroni na mesi. Yɔk zukte messɛ lɔga challaye kumulɔng a erroa Tumu. Na yɔk gee messɛ lɔga ku kuhuye agga imaggɛa Tumu.