1 Yohanis 2:27 - Suri Latin

²⁷ Nɔng igge anno zuga bere kùhudhtongngɔ Kuloya Hira Kullɛna na ngani ɛllo ko nɔng kari ke dhɔnɛ na bhee madhdhɛung :hir konnɔ ninggɛ. Nɔng ngakuloytonu madhdhagung lɔgɔ kumulɔng. Na lɔkte madhdhagungge agga ku dhere, ga ku butomo ngayo. Na mɛa igge tɛldi ko Kirisos kari ke dhɔnɛ damiya bere dhugunnogɛungu :Kuloya Tumu.

1 Yohanis 2:27 ပူးပေါင်းရင်းမြစ်များ

Matiyos 13:11

Na nɔng yagɛsɛ na sɛɛsɛ,“Yɔk bhee kɛ̀lɛhɛnɛsɛn lɔgɔye, a ngaya igge bhɛa gayɛo lɔga munnɛna lɔmɛa :Komoruya tumony zugo, bere kàungɔ, na yɔk ngani kàyɛoye.

Yohanis 14:16

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi.

Yohanis 14:17

Nɔng ngandonu a Kuloya Tumu dhugunnono lɔga ku dhere. Na yɔk zuga marrɛa Tumu ale marrɛ nɔng ke ngaya ngaorɛo na imagɛye. Na nɔng igge gaoyɔ ke ngaya ɛlɛo ko nɔng kari na anɛo dhɔnɛye.

Yohanis 14:26

Nɔng Baba nanu ale ittonnogung Kuloya Nɛnɛ sara ganyu. Na ngakuloytonu anna Irishshongngu igge. Na ale madhdhagung lɔgɔ kumulɔng na chɔɔ bhɛsseung sabbi na kadhdhano lɔga bere koyokkogungu kumulɔng.

Yohanis 16:13

Nɔng Kuloya Tumu madhɛsɛna zugo lɔga ku dhere hunde ale kunde, dhugunnogung bhɛa lɔga Tumu anɛa dhere na gao kumulɔng. Na nɔng ale yokkono lɔga shikkana bhɛa nanu sɔng. Ga sabbaa nɛnɛ ngayokkonoo dhul. Na chɔɔ ale yokkogung lɔkte ale ngani ɛrrinyaye.

Yohanis 4:14

Na nɔng inde ma maye kajjɛ :anyoye, ale huny sɛgɛn ngani ngadhakko dhul. Chɔɔ maye kajjɛ nɔngge ale heo maa ku kawari na dhudhuttanɛ kɛnga nɛnɛ toye ke basseya iho dhul.”

Yohanis 6:45

Yɔk lɔga bere kɔdhdhɛsɛnɛa :zuga yogɛsɛnɛa zugo lɔga dhugunono :Tumu dadab annaa sennɛa, ‘Zugo kumulɔng ale madh :Tumu.’ Na ga kàmadhɛsɛna na shikkɛa lɔga Babaa Nanu kumulɔng ale hony gɔra nanu.

1 Tɛsɛlongke 2:13

Na ko agge keterrisanno Tumu kali kali ke ngaya bere shigɛo lɔga gɛnyɛ bhɛa nayo na yɛbhɛoye. Na igge ngani yɛbhɛto huna lɔga yokkono :hiriyɔ. Na annaa bere kàmadhtagungɔ na yɛbhto ke ngaya anɛ lɔga ajjiy :Tumu ku dhereye. Na a ngagiya ko mɛa toye ɛyanungɛ ga yɛbhbho na kɔbhɔ shɛɛye.

1 Tɛsɛlongke 4:9

Na yɔk ngalɔkta yelnɛnɛo kɛngɔ kɛngɔye bhee kɔ̀gɔdhdhagɛung dadab na kàmadhdhagɛungu ninggɛ. Annaa bere madhungɔ :Tumu kɛr.

1 Timotiyos 2:7

Na ngagiya a lɔkte bere kìbhbhanɛany anye na kàjjɛany buyna koyogɛsɛni zugo kamannaa challa na kòjjɛany ke hira ekonyi :Yesusi, kamadhɛsɛni bhorinyaa anaa bhɛa kɛ̀yɛbhɛa kamannaa challa ku dhere dibte. Nɔng anye koyokkon lɔga ku dhere, butomo ngakɛmɛzziiyo.

1 Yohanis 2:28

Na mɛa ngaerroya ganyde, igge tɛldi ko Yesus tii ke dhɔnɛ na aynde ale kolea wokkonɛa :nɛa agge bho ngakɛ̀ngɛrsɛo na liya amɛiyshoye.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

2 Yohanis 1:2

ke ngaya lɔga ku dhere ɛlɛ hinisiya ga toye na chɔɔ ale ngani ɛlɛ dhul ko kingiye.