1 Yohanis 2:24 - Suri Latin

²⁴ Na mɛa igge lɔga bere shikkano sabbɔ bɛrgua bere ngani yɛbhbhanɛo Yesus tɔlɔmɔ hinisichinne dhul! Hunde lɔmmo ngangaye anno zuga ɛllo ko Baba Na Tumu ko Eriya Nɛnɛ kari ke dhɔnɛ.

1 Yohanis 2:24 ပူးပေါင်းရင်းမြစ်များ

Yohanis 14:23

Na yagɛsɛ :Yesusi na sɛɛsɛ, “Nɔng hirre ibhbhagany hini dhereye, a inde bhɛk lɔga ganyuye. Na ko nɔng Baba nanu ale ibhɛsɛn nɔng hini. Na anye ko Baba nanu ale kasano nɔng na kabhakko kari.

Yohanis 15:7

Na nɔng igge hunde kɛ̀tɛldi ko anye kari na tɔlɔmɔ lɔga ganyu hinisichinne, anda lɔkte hinnono na ogollo Tumuye kumulɔng, ajjunggɔ.

Yohanis 6:56

Nɔng inde am ayuga rɛa nanu na ma nyawaa ganyuye, anye ko nɔng ngakegennɛnoo dhul. Kɛllo kari tii na kanno dhɔnɛ.

Yohanis 8:25

Na yɔk ghini na seyɛsɛ, “Na ngangaye, inye ani hir inong?” Na nɔng yagɛsɛ na sɛɛsɛ, “Na kèe kani hira bɔɔ taa kudhugunnogungu rɛa nanu hunde kani hir inongge chi.

1 Yohanis 1:3

Na ngalɔkta bere korrono kawarre na kishikkano nyabhaye kɔ̀ɔbhbhagung na ko igge yɛbhɛ na kète zuga dhɔnɛna ke ngaya kɛ̀lɛ ko Baba Na Tumu ko Eriya Nɛnɛ Yesus Kirisos kariye.

1 Yohanis 1:7

Na nɔng hunde kɔ̀tɔ hɔldinɔ ngadamita ihɛ :Tumu hɔldinɔye, anda kàn dhɔnɛ na nyawaa Eriya Nɛnɛ Yesusi onynyoniyɛ ridhingɛte kumulɔng.

1 Yohanis 2:7

Ngazukta gany kibhbhagung hiniye, yɔk ngalɔkta kɔgɔdhdhagung :anyoye ga ngani ɛrrinyana ngayo. A lɔga bere kinginye ajjungu :Tumu bɛrgua bere ngani yɛbhbhanɛo Yesus. Na chɔɔ bere shikto na gaoyɔ.

1 Yohanis 3:24

Yɔk zukte bhɛkkɛ lɔga ajjiy :nɛaye, ɛl ko nɔng kari ke dhɔnɛ. Na inde dhugunnogiy agge bhɛa kɛ̀lɛa ko nɔng kari ke dhɔnɛye, a Kuloya Nɛnɛ bere ajjiy.

1 Yohanis 4:13

Nɔng bhee kàggaɛ bhɛa kɛ̀lɛa ko nɔng kari ke dhɔnɛye, a ngaya bere ajjɛiy Kuloya Nɛnɛye.

1 Yohanis 4:15

Yɔk gee yɛbhbhɛ bhɛa Yesus anɛa Eriya Tumuye kumulɔng, a zuga ɛlla ko Tumu kari ke dhɔnɛ.

1 Yohanis 4:16

Na agge kàggayɔ hunde kan zuga ibhbhagiy :Tumu hiniye. Na ngaya ibhbhagɛiy hiniye kɛ̀yɛbh na kibhagiy tii. Nɔng Tumu anna ibhɛsɛna zugo kumulɔng hini. Na ko nɔng hirre ibhɛsɛn Tumu ko zugo hiniye, ɛl ko Tumu kari ke dhɔnɛ.

2 Yohanis 1:2

ke ngaya lɔga ku dhere ɛlɛ hinisiya ga toye na chɔɔ ale ngani ɛlɛ dhul ko kingiye.

2 Yohanis 1:9

Yɔk zukte sɛchchɛ lɔga Yesusi na tɔrɛ ga sabbiya gɛ na lɔga bere madhinɛnɛa :nɛa ngamessɛo na mɛdhdhanɛoye kumulɔng, bhee ɛlɛ ko Tumu kari ke dhɔnɛ ninggɛ. Na yɔk gee ngani messɛ lɔga gɛnyɛ na mɛdhdhanɛye, ɛl ko Baba Na Tumu ko Eriya Nɛnɛ Yesus kari ke dhɔnɛ.

3 Yohanis 1:3

Yɔk zuga kɛ̀yɛbhbha Yesus kari gena bɔɔ honynyo na yokkogonyɛa lɔga gunyu. Na se kee ibhɛsɛn lɔga ku dhere hini na mɛdhdhan na kɔbhi ganggua ngalɔkta ku dhereye shɛɛ. Na anye kɛdɛlla goore dhogoy.