1 Yohanis 2:2 - Suri Latin

² Na a hira bere ibhbhana :Tumu na sɛrɛa bhɛa na, na rɛsɛiy agge na kotonyo ridhingɛa ga na kagaratɔ. Nɔng bhee bere kìbhbhanɛ na kotonyoiy ridhingɛa ga sɔng ngayo. Bere kènno kotonyo chɔɔ ridhingɛa zuga bhakkɛa ba kumulɔng.

1 Yohanis 2:2 ပူးပေါင်းရင်းမြစ်များ

Yohanis 1:29

Na bhorre Yohanis aru Yesus hunde kun bhɛà nɛnɛye, na seu, “Ga gɔnyigiyɛ! Mɛdɛra Tumu senno kotonyo ridhinga zuga bhakkɛa ba kumulɔng, a nganda.

Yohanis 12:32

Na nɔng anye hunde ale kɔ̀dhɔnganany bayte, ale kalamman zugo kumulɔng na hony gɔra nanu na yɛbhbhanyɛ anye.”

Yohanis 4:42

Na yɔk seyɛsɛ tɛriyaa gina, “Mɛa agge ke bhɛa bare dhugunnogɛinyi lɔga gunyu sɔng, ngahirra ngakɛyɛbhbhoo. Agge wa kishiktao nyabha hunde nɔng dhaa a Hira Ibbayseo zuga bhakkɛa ba kumulɔngge na katakto dhere.”

1 Yohanis 1:7

Na nɔng hunde kɔ̀tɔ hɔldinɔ ngadamita ihɛ :Tumu hɔldinɔye, anda kàn dhɔnɛ na nyawaa Eriya Nɛnɛ Yesusi onynyoniyɛ ridhingɛte kumulɔng.

1 Yohanis 3:5

Nɔng Kirisos huna bere kunno ba ngaya, hunde bere kun na kiggarisi lɔga ga gɛrsaye, igge gaoyɔ. Nɔng bhɛa nɛnɛ chɔɔ lɔkte gɛrsi ku ridhing ninggɛ dhul.

1 Yohanis 4:10

Nɔng ngaya ibhbhagɛiy :Tumu hiniye, ke bhɛa bere kìbhɛsɛna :aggeu hinisi ngayo. A ngaya ibhbhagɛiy :nɛa hini na ittonnonɛ Eriya Nɛnɛ na sɛrɛɛ bhɛa lɔga ga gɛrsa na kàttiyɛ na rɛsɛiy aggeye.

1 Yohanis 4:14

Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.

1 Yohanis 5:19

Na chɔɔ hunde kan erroa Tumu na yɔk zuga marrɛa Tumu kumulɔng agga allinɛnɛa :Moldoyɔye, kàggayɔ.