1 Yohanis 2:18 - Suri Latin

¹⁸ Erroa ganyuye, nɔng mɛa toye nganda a kolea senno kuturoy ba. Nɔng mirogiya Kirisosi hunde ale kunde annaa bere shikto. Na chɔɔ mɛa toye mirɔga Kirisosi ga bo mɛra bɔɔ bandaa. Na ngalɔkta dhugunnogiyɛ bhɛa kàggayɛa hunde nganda a kolea uturronɛa baye.

1 Yohanis 2:18 ပူးပေါင်းရင်းမြစ်များ

Matiyos 24:11

Na butoga bo mɛra bhɔdhdhɛa rɛhi ke zuga yogɛsɛnɛa zugo lɔga dhugunono :Tumu ale bansanɛ na tabhbhɛ zugo ga mɛra.

Matiyos 24:24

ke ngaya butoga bhɔdhdhɛa rɛhi ke Kirisos ko butoga yogɛsɛnɛa zugo lɔga magganɛa huna naa dhugunɛsɛna :Tumu ale bansanɛ na messɛ lɔga bo barara ko ga bo kìwacheoye. Yɔk chɔɔ hunde ɔanɛye ale bhɔdhdhɛ zuga bere bɛrrana :Tumu hinisi na tabhbhɛyɔ.

Matiyos 24:5

Yɔk zuga bo mɛra ale hony na aminɛnɛ sara ganyu na sennɛ, ‘Kani Kirisos,’ na tabhbhɛ zugo ga mɛra.

Markos 13:6

Yɔk zuga bo mɛra ale hony na aminɛnɛ sara ganyu na sennɛ, ‘Kani nɔng,’ na tabhbhɛ zugo ga mɛra.

Yohanis 21:5

Na nɔng eliu yɔk na ghinu na sɛɛsɛ, “Lusa! Urgusite dhɔnɛ kàmi ihe oo ninggɛ?” Na yɔk yaktɛsɛ na seyɛsɛ, “Ninggɛ dhul.”

2 Betiros 2:1

Yɔk zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu, bhɛa zuga Isirayeli bere kinginye, ko yɔk bere ɛlla. Na chɔɔ mɛa toye bhɛa nu, ko yɔk zuga ku butoga bhɔdhdhɛa lɔgɔ nganga, ale bansanɛ na madhɛsɛnɛ zugo lɔga ku butomo huna naa anna lɔga Tumu dhere na ujjukkɛ zugo. Na chɔɔ ale mallɛ Komoruya bere ibbayseo yɔk ku yekkuya lɔga gɛ gɛrsa. Na ngaya messɛ ngangaye, ale tisɛsɛnɛ rɛhiya gɛ lɔga igarisiyɛa :Tumu ke tiri nga hung.

2 Betiros 3:3

Na yɔk bhɛa ngalɔkta kumulɔng, gee keni taga shɛɛye a ɛnɛnggeo, bɛrgua ale wurtune zuga kɔbhbhɛa lɔga ku kuhu hinnonɛa sabbiya gɛ sɔng na bhassɛa lɔga Tumu, ale hony ga bo bhassɛa lɔga Tumu,

1 Yohanis 2:22

Na nɔng inde mal lɔga Yesusi na se, “Yesus Hira Bere Bɛrrana :Tumu ku Kirisos ngayoye,” a inde ku butogiya bo dhogoyte. Nɔng ngandonu a mirogiya Kirisosi na chɔɔ imag Baba Na Tumu ko Eriya Nɛnɛ tɔllɔng.

1 Yohanis 4:1

Ngazukta gany kibhbhagung hiniye, zukte se yokkonɛ lɔga dhugunɛsɛna :Kuloya Tumuye kumulɔng nganga hung ngayɛbhbho. Maraga shɛɛ na tagatɔ hunde lɔga gɛ agga dhugunɛsɛna :Tumu dhereye. Bhee maya maragɛo ngangaye, a ngaya zuga ku butoga bhɔdhdhɛa lɔgɔ na yokkonɛa huna naa dhugunɛsɛna :Kuloya Tumu dha bɔɔ banda na asanydɛsɛ ba kumulɔngge.

1 Yohanis 4:3

Na yɔk gee yokkono :hir konnɔ kuloyɔ na sennɛ, “Yesus Kirisos huna bere kunno ba ngaya, bere ke hiri ngani kuhudhukkiayoye,” ga dhugunono :Kuloya Tumu ngayo. Nɔng kuloyte yokkono lɔkte ku ngangaye, anna mirogiya Kirisosi bere shikkano :iggeu kingi kènno ale kuni. Na chɔɔ bɔɔ kowa na mɛa ihe.

2 Yohanis 1:7

Nɔng anye bhee koyokkogɛung ngalɔktaye, a ngaya zuga bo mɛra itabhbhɛa zugo dhaa bɔɔ banday bay ngayaye. Yɔk ngazuktonu bhɛa bere hudhukkinyanɛa :Yesus Kirisosi ke hiri ngayɛbhbhɛo. Nɔng hirre me ngangaye anna tabhbha zugo ku mirogiya Kirisosi.

Yihudha 1:18

Yɔk annaa bere sennagungɛa, “Bɛrgua ale wurtune, zuga kɔbhbhɛa lɔga ku kuhu hinnonɛa sabbiya gɛ na bhɔsɔrrɛa Tumu ko zuga gɛnyɛ, ale bansanɛyɔ.”