1 Yohanis 2:16 - Suri Latin

¹⁶ Anye bhee kesennagɛung ngangaye, a ngaya lɔga ku kuhu ɛlla bay ngaya messɛa :zugu kumulɔng ga bere ajjiy :Babaa Na Tumu ngaanɛo na anɛ ga tissanɛa :yɔkkuye. Yɔk ngalɔkta tissanɛ :yɔkkuye agga ku kuhu messɛa damite hinnonɛye ko ga chirkanɛa ahaa zugony na yɛbhɛa ahaa gɛ na dhɔngɛa rɛhi.

1 Yohanis 2:16 ပူးပေါင်းရင်းမြစ်များ

Lɔgɔ Sabba 3:6

Na tɛri hunaa jɔana kɛyɔ kawarɛ bhɔlbhɔldin, ko bhɛa anda kàmmɛa na kàggayɛa bhoye, dhuya na ussu. Na koo aynɛ hira nɛnɛ na ko nɔng ussu.

Lɔgɔ Sabba 6:2

Na zuga honynyo tumɔ argi dhɔgɔlyaa zugony hunde a challiye na bɛrta gee hinnɛye na gamayɛ.

Matiyos 4:8

Na koo ibha :Moldoyɔ sɛgɛn na ɔgɛ kutula bo rammaya tundɔ. Na dhɔlɛsɛ ba hana allinɛnɛa :komortɛnnu kumulɔng ko bhɛa anɛa na bo challa kìwacheo dhogoy.

Matiyos 5:28

Na nɔng anye kesennagung, chɔɔ inde guny hira ngaha na chirkande, nɔng ngangaye dhaa ɛsɛdhu lɔgɔ hinisɔ na mesu lollumo.

Tito 2:12

Na ngalɔkta kìchirbhisiyɛiyte, madhdhagiyɛ bhɛa kàmarɛa lɔga gɛrsa ko ga kìchirkanna ɛlla bay ngaya marra :Tumu. Na lammaniyɛ na kɛ̀bhɛgɛ rɛhi na kɛ̀tɛldi hurr. Na hunde ngani kàbhak baye, kèmesigi lɔga hinno :Tumu sɔng.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

Yaykob 3:15

Nɔng bho gaanaye ku ngangaye anna ɛsɛdhdhanɛa :zugu bany ngaya ko na imaginɛna ko Kuloya Tumu ko na ajjɛa :Moldoyɔ. Na ajjiy :Tumu ngayo.

Yaykob 4:16

Na nɔng igge anno ngagiya marro ngalɔkta na dhunggurro na dhɔngngo rɛhiye. Yɔk ngalɔkta messo ngangaye kumulɔng a kuhuyamo.

2 Betiros 2:10

Na yɔk zukte ale atti :nɛa goore dhogoyte, a zuga chirkannɛa lɔga gɛrsa ku lollumo na irranɛa Tumu na lɔga gɛnyɛ ngabhɛkkɛayo. Yɔk ngazukta agga liya ngaamɛayo dhul bo dhunggurrɛa. Na chɔɔ bhɛa senno kɔdhɔmbɛ zuga ɛlla tumɔ lɔmmɛa buyn bho ngaɛngɛrsɛayo dhul.

2 Betiros 2:18

ke ngaya lɔga yokkonɛa :yɔkku anɛ ga dhɔngɛa rɛhi, hologun ningginɛnaye. Na chɔɔ hunde zuga ɛddɛyɛa lɔgɔ gena dhɔttɛ lɔga ɛddɛyɛa na jorrɛye, yɔk ngazukta kɔnkɔnnɛ ngagiya jorrɛ lɔgɔye na dhɔlɛsɛnɛ lɔga lollumo chirkannɛa :zugu bay ngaya na tabhbhanɛyɔ.