1 Yohanis 2:13 - Suri Latin

¹³ Na ko igge ngazukta ku babachinaye, bhee kɔgɔdhdhagɛung ngalɔktaye, a ngaya gayɛo Yesus hunde a hira bere ihono kingi huna chɔɔ ba ko tumu ngani kètegenydoayoye. Na ko igge ngatɛgɛnda, bhee kɔgɔdhdhagɛung ngalɔktaye, a ngaya bere mɔggɛo Moldoyte. Na ko igge ngaerroya, bhee kɔgɔdhdhagɛung ngalɔktaye, a ngaya gayɛo Baba na Tumuye.

1 Yohanis 2:13 ပူးပေါင်းရင်းမြစ်များ

Matiyos 11:27

“Yɔk lɔgɔ kumulɔng bere ayanyɔ ꞉Babaa nanu. Na hira gaa Eriya Tumu, a Baba nɛnɛ sɔng. Kona ninggɛ. Na inde ga Baba nɛnɛ Tumuye, a Eriya nɛnɛ sɔng ko zukte hinɛsɛn :Eriya nɛnɛ na dhugunɛsɛnde. Gena ninggɛ.

Matiyos 13:19

Hunde zugo shikkɛ lɔga lɔmɛa :Tumu zugo na ngagayɛoye, nɔng Moldoy kun na kɔɛ lɔgaa lɔmmɛa hinisichinne wa ngani kàmadhɛsɛna. Na zukte ku ngangaye, hɛt ko ngaduguya ngɔsɛnɛ ganggu dheyte.

Matiyos 13:38

Na gu ɛlɛhɛn ba kumulɔng. Na ngaduguya chalde ɛlɛhɛnnɛ zuga lɔmma :Tumu. Na shuroy ɛlɛhɛn zuga allinɛnɛa :Moldoyɔ,

Matiyos 5:37

Na hunde yoktoo lɔgɔ na seyo, ‘Eeye,’ any kete, ‘Ee’ chi! Oo hunde seyo, ‘Ngayoye,’ any kete, ‘Ngayo’ chi! Nɔng hunde gamsiyo ba na tɔrtɛo genaye, ngangaye dhaa ngalɔktonu agga Moldoyny.

Yohanis 14:7

Nɔng hunde taktanyu anye dhere, anda ko nɔng Baba nanu bɔɔ takto. Na mɛa wa arto na takto. Na chɔɔ ale ngani gaoyɔ.”

Yohanis 14:9

Na Yesus yagɛsɛ na sɛɛsɛ, “Yee! Bhilibhos, kèe bere kɛllana ko igge kari kingi na ko mɛa toye imagganydɔ? Nɔng inde orrony anyeye, ngangaye aru :Baba nanu. Na mɛa inye sennagany, ‘Ga dhɔlagiy Baba nunu’ ɛnɛng?

Yohanis 16:3

Nɔng bhee ale messɛungɛ ngangaye, a ngaya imaggɛanyɛ anye oo Baba nanuye.

Yohanis 16:33

Na ngaya koyokkogɛung ngalɔktaye keni tɔlɔmɔ zany na tɛldi ke na bo challa ke ngaya yɛbhbhɛanyu anyeye. Nɔng hunde ngani bhakko ba ngayaye, ale chɔllanɛno goore. Na chɔyɛsɛ hinisi bɛna na te dhandali! Nɔng anye wa kɔmɔgga barartina bany kumulɔng.”

Yohanis 17:21

Na mɛa Babaye, lɔkte kogollɛinyde a ngaya keni yɔk kete dhɔnɛ ngadamita ko agge kɛ̀lɛ kari na kànɛ dhɔnɛye. Na ko yɔk kɛ̀tɛldi ko agge kari na kète dhɔnɛ na zuga marrinyɛa kɛyɛbhɛ bhɛa bere ekkonɛanyi :inyo.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 8:19

Na yɔk ghini na seyɛsɛ, “Na chogonuye nunde i ori?” Na nɔng yagɛsɛ na sɛɛsɛ, “Anye ko Baba nanu igge ngagayiyyo. Nɔng hunde bɔɔ taktanyu anye, ko nɔng Baba nanu anda bɔɔ takto.”

1 Timotiyos 5:1

Na hira bo, gɔny huna babaa nunu na lɔgɔ madhɛsɛ haalɛ. Goore ngaɛggɛyɛsɛni na wologi. Na tɛgɛn, gɔny huna gochonginyaa gunyu.

Tito 2:6

Na ko yɔk bara madhɛsɛ na kɛbhɛgɛ rɛhiya gɛ.

1 Yohanis 1:1

Ngalɔkta kenno kòyoktogung :aggeuye agga ajjɛa zugo bassey. Na ngalɔkta rɛ a hiri. Na ngahirra bere ihono kingi huna chɔɔ tumu ko ba ngani kètegenydoayo. Na agge chɔɔ bere karto kawarre, na hunde mɛzziye, kishikto na kamarakto shɛɛ na kugumbo chɔɔ sɛnɛ.

1 Yohanis 2:1

Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 2:12

Erroa ganyuye, anye kɔgɔdhdhagung ngalɔkta ke ngaya bere rɛssɛung :Yesusi na lɔga gu gɛrsa ujjugɛ :Tumu na sennagɛung, “Any kagarayɛye.”

1 Yohanis 2:14

Na ko igge babachina, bhee kɔgɔdhdhagɛung ngalɔktaye, a ngaya gayɛo Yesus hunde a hira bere ihono kingi huna chɔɔ ba ko tumu ngani kètegenydoayoye. Na ko igge ngatɛgɛnda, bhee kɔgɔdhdhagɛung ngalɔktaye, a ngaya anɛo dhandali na lɔga Tumu ɛlɛ hinisiya gu toye, na bere mɔggɛo Moldoyte.

1 Yohanis 3:12

Nɔng Kayel bere anna eriya Moldoyny na koo nisso gɔynɛ. Na igge maya damiya bere nɛnɛ ngamessoo. Na ngangaye gɔynɛ bere nisɛ lɔk giyong? Bere nisso ke ngaya nɔng anɛ hira messo kuhuyamo na gɔynɛ Abel anɛ hira messo lɔga challa ridhing ningginɛnaye.

1 Yohanis 4:4

Na mɛa ngaerroya ganyde, igge anno erroa Tumu. Na annaa bere tamarto lɔga ngazukta ku butogaye dhul na dhɔtto, ke ngaya Kuloya Tumu lɔmmo :iggeu anɛ na jorrono ɔnneya ngakuloyta allinɛnɛ zuga marrɛa Tumuye.

1 Yohanis 5:18

Yɔk zuga teya erroa Tumu kumulɔng hunde lɔga gɛrsa dirr ngani ngamessɛoye, agge kàggayɔ ke ngaya Eriya Tumu bhɛgɛ yɔk shɛɛ na Moldoy ngatiranyɛoye.

1 Yohanis 5:20

Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.