1 Yohanis 2:11 - Suri Latin

¹¹ Nɔng inde mar zuga yɛbhbhɛa kamannaa Yesusi konaye, bhak ba kɔrrɔynɔ na dhaa ngani yiri ngonu. Na chɔɔ gɔrre kɔɛye imag ke ngaya kawarɛ dhiyɛ :kɔrrɔynɔye.

1 Yohanis 2:11 ပူးပေါင်းရင်းမြစ်များ

Yohanis 12:35

Na koo sɛɛsɛ :Yesusi, “Mɛa hɔldin ngani ɛllano ko igge kari bhe chinyi. Na ga dhi ko nɔng hunde ngani ɛllo kariye na mugur ngauturbhannungu. Nɔng hirre wo mugurɔye imag gɔrre kɔɛye.

Tito 3:3

Nɔng agge bere sabbɔ kànna dalnɛ na kàmarra lɔga Tumu na itabhbhagiyɛa :zugu lɔga gɛrsa na kèmessoyɔ. Na kɛ̀hɛtta ko gaymanyaa chibbeyɛa :lɔga bo mɛra gɛrsa kìhinnono :aggeu na bhɛa kɔ̀dhɔyɛa ningginɛna. Na kànna ga bo kɔ̀chɔlɔssa ahaa zugony na kèmesso zugo gɛrrɛng gɛrrɛng na chɔɔ kàmarnɛna kɛngɔ na marriyɛa :zugu.

2 Betiros 1:9

Na nɔng hirre ngalɔkta ngamessoye, ngangaye a hira bho shɛɛ ngaorroo oo dhaa a hira kawarɛ chaga. Na chɔɔ lɔga gɛnyɛ gɛrsa hunde dha bere kòtonydo na mɛa i hurrte, dha bere dhinyɛsɛ sabba.

1 Yohanis 1:6

Na agge ko hunde kèse, “Kɛ̀yɛbh Tumu na kàn dhɔnɛ,” na kɔ̀tɔ kɔrrɔynɔ, kàn butoga na lɔga gɛnyɛ ku dhere ngangaye dhaa ngakèmesso.

1 Yohanis 2:10

Na nɔng inde ibhɛsɛn zuga yɛbhbhɛa kamannaa Yesusi hiniye, ɛl ko Tumu na bhak ba hɔldinɔ na lɔkte gɛrsi bhɔdhɛ nɔng sabba na kɛddɛ lɔgɔ ninggɛ.

1 Yohanis 2:9

Nɔng inde se, “Anye kemesi lɔga hinno :Tumu na kihi hɔldinɔ,” na mar zuga yɛbhbhɛa kamannaa Yesusi konaye, nɔng dhaa ngani i kɔrrɔynɔ.

1 Yohanis 3:15

Nɔng hirre mar hira yɛbhbha Yesus konaye, a hira kɔdhdha hiri. Na chɔɔ igge gaoyɔ hunde hira kɔdhdha hiri anna basseya iho dhul ngani kɔtɔlɔmaoye.

1 Yohanis 4:20

Nɔng inde se, “Anye kibhɛsɛn Tumu hini” na mar hira yɛbhbhɛa Yesus kariye, a butogi. Nɔng hunde a nganda mar ngahirra or kawariyɔ yɛbhbhɛ Yesus kariye, na anda chɔɔ Tumu, hira kawariyɔ ngani karrao, hini ibhɛsɛn ɛnɛng?