1 Yohanis 2:1 - Suri Latin

¹ Erroa ganyuye, bhee kɔgɔdhdhagɛung ngalɔktaye, keni ngamesigi lɔga gɛrsa. Na nɔng hunde hir kona keme lɔga gɛrsa, nɔng hira tɔrriy agge na tɔllɔhɛsɛna Baba Na Tumu ihe. Nɔng a Hira Ridhing Ningginɛna kènno Yesus Kirisos.

1 Yohanis 2:1 ပူးပေါင်းရင်းမြစ်များ

Yohanis 10:15

damiya kagganɛnɛo ko Baba nanu Tumu. Na kɛbhɛgi shɛɛ na chɔɔ kɛrɛsɛ yɔk.

Yohanis 13:33

“Na mɛa erroa ganyuye, anye bhee kɛlɛ ko igge dirr ninggɛ. Nɔng igge ale lameonyuyɔ. Na damiya bere kesenɛsɛni gulsachina Ayhudhi, mɛa ko igge kesennagung ɛnɛnggeo, ‘Gɔrre ale kɔgɔɛ :anyoye, bhee hɛyɛo :iggeu, ninggɛ.’

Yohanis 14:16

Nɔng anye ale kighini Baba nanu na kittonogung Hira Irishshongngu na tɛldi ko igge kari dhul ko kingi.

Yohanis 14:6

Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.

Yohanis 21:5

Na nɔng eliu yɔk na ghinu na sɛɛsɛ, “Lusa! Urgusite dhɔnɛ kàmi ihe oo ninggɛ?” Na yɔk yaktɛsɛ na seyɛsɛ, “Ninggɛ dhul.”

Yohanis 5:14

Na koo Yesus itinynyandɛ ko hiraa gina doraa Tumu barara na sɛɛsɛ, “Ani nganda wa bauye. Mɛa lɔga gɛrsa sɛgɛn ngamesi! Hunde mesiye, ale kalda kesea dokkon lɔkte gɛrɛ jorronɛ ilagaya bɔɔ sabbune.”

Yohanis 5:36

“Na nɔng anye kɔlɔmi lɔga bere korroni na keni kɔ̀ɔbhɛsɛ zugo jorronɛa lɔga bere kɔbhɛsɛna :Yohanisi zugo. Yɔk a lɔga bere ajjanyi :Babaa nanu Tumu na kùrrugɛsɛyɔ. Na ngalɔkta kemesi :anyo mɛa toyeye, dhɔllanɛ bhɛa bere ekkononyɛanyi :Babaa nanu Tumu.

Yohanis 6:27

Na mɛa igge zinggoa jɔanɛo amissɛa ale mujjusso na garsa ngamesso. Mesigi zinggoa jɔanɛo amissɛa lɔmma basseya iho dhul ale ɛdhdhɛttannɛungu :Hiriyɔ Hoynɛ. Nɔng a hira bere sennana :Babaa Nɛnɛ Tumu na ajjɛa buyn bhɛa ngalɔkta.”

Yohanis 8:11

Na nɔng seu, “Ee, chɔɔ dhɔnɛ ninggɛ dhul, Komoru.” Na sɛɛsɛ :Yesusi, “A challi. Hunde a ngangaye, ko anye lɔkte kujjukkanɛinyi ninggɛ. Na mɛa bana ogo na wurtɔ lɔga gɛrsa sɛgɛn ngamesi!”

Zuga Kèkko 7:52

Na bhɛa kokonginyaa gu inde zuga yogɛsɛnɛa zugo lɔga dhugunono ꞉Tumu ngani kɔgɔraoye a nɛng? Yɔk chɔɔ bere kɔdhdhɛa zuga yokkonɛa lɔga ale kunɛa ꞉Hira Ridhing Ningginɛna. Na ko igge ibhtao nɔng na ayɛo mirɔga na tɔgɔdhɔyɛ.

1 Timotiyos 2:5

Bhee anɛ ngangaye, a ngaya Tumu anɛ dhɔnɛ sɔng, na gɔldanga itinynyanna Tumu ko zugo na idhochcho, anɛ dhɔnɛ sɔngge. Nɔng ngagɔldangga rɛ, a hira kèleo Kirisos Yesus,

1 Timotiyos 3:14

Nɔng anye keni kòk ngonu nunde ke tiri na kɔ̀gɔnyinydɔ. Na chɔɔ ko hunde kete nganga, anye kɔɔbhbhaginy ngalɔkta dadabɔ shɛɛ,

Yaykob 1:27

Yɔk lɔkte chal hinnogiy :Babaa na Tumu na kɛ̀bhɛgɛ na ridhing ngakɔ̀lɔmiye a ɛnɛnggeo, kèe kɛ̀ya erroa ku bhoyoga ko tɛrroa ku bhoyoga chɔllanɛna na kɛ̀bhɛgɛ rɛhiya ga bhɛa lɔga gɛrsa lɔmmɛa ridhing messɛa :zugu.

Yaykob 3:9

Nɔng kayɔ kèterrisanɛ Baba na Tumu, na tanda kɔ̀chɔrɛ zuga gɛnyɛ bere ghendono :nɛa na ɛlɛhɛnɛsɛna ɛya nɛnɛ sɛgɛn.

1 Yohanis 3:18

Na mɛa ngaerroya ganyde, hunde kìbhinɛ hinisiye, ga kìbhtɛ dhere na lɔkte kèmese kùrruktɛsɛyɔ. Na tugichinne sɔng, ga ngakàllii.

1 Yohanis 3:5

Nɔng Kirisos huna bere kunno ba ngaya, hunde bere kun na kiggarisi lɔga ga gɛrsaye, igge gaoyɔ. Nɔng bhɛa nɛnɛ chɔɔ lɔkte gɛrsi ku ridhing ninggɛ dhul.

1 Yohanis 3:7

Erroa ganyuye, ngakitabhtung :genne go! Nɔng hirre me lɔga ridhing ngaannaoye, a hira hɔla ridhing ningginɛna ngadamita Kirisosiye.

1 Yohanis 4:4

Na mɛa ngaerroya ganyde, igge anno erroa Tumu. Na annaa bere tamarto lɔga ngazukta ku butogaye dhul na dhɔtto, ke ngaya Kuloya Tumu lɔmmo :iggeu anɛ na jorrono ɔnneya ngakuloyta allinɛnɛ zuga marrɛa Tumuye.

1 Yohanis 5:17

Yɔk lɔga ku kuhu kumulɔng a ridhing. Na nɔng ridhinga zugo dhul ngaujjukkoo na rɛssɛayo ihe.

1 Yohanis 5:21

Na mɛa ngaerroya ganyde, bhɛa ngaahaya ibhbhɛ :zugu ke barariye, rɛhiya gu bhɛgɛtɔ!

3 Yohanis 1:4

Nɔng anye hunde kishigi bhɛa mɛdhdhanɛa :erroa ganyu na kɔbhɛa ganggua lɔga ku dhereye, hinisa nanu hɔl goore na chɔɔ hini hɔldinde jorrono nganda ninggɛ dhul.