1 Yohanis 1:3 - Suri Latin

³ Na ngalɔkta bere korrono kawarre na kishikkano nyabhaye kɔ̀ɔbhbhagung na ko igge yɛbhɛ na kète zuga dhɔnɛna ke ngaya kɛ̀lɛ ko Baba Na Tumu ko Eriya Nɛnɛ Yesus Kirisos kariye.

1 Yohanis 1:3 ပူးပေါင်းရင်းမြစ်များ

Yohanis 17:11

Nɔng mɛa anye ale kokka na kassainyɔ inye. Bay gɔrra dirr ale ngani ngakihiyo. Na yɔk zuga ganyu ale ngani bhakkɛ ba gɔrra. Na mɛa Baba Nanu Kullɛna Ridhing Ninggɛninyiye, bhɛk yɔk shɛɛ barartina sara gunyu bere ajjanyi anye, na ko yɔk kete dhɔnɛ ngadamita naye.

Yohanis 17:21

Na mɛa Babaye, lɔkte kogollɛinyde a ngaya keni yɔk kete dhɔnɛ ngadamita ko agge kɛ̀lɛ kari na kànɛ dhɔnɛye. Na ko yɔk kɛ̀tɛldi ko agge kari na kète dhɔnɛ na zuga marrinyɛa kɛyɛbhɛ bhɛa bere ekkonɛanyi :inyo.

Yohanis 17:25

“Baba nanu Ridhing Ninggɛninyiye, nɔng inye ko hunde zuga bhakkɛa ba kumulɔng ngagainyɛ, anye kaggainydɔ. Na chɔɔ ko yɔk ngazukta bere ajjanyde, gaɛyɔ hunde bere ekkonony :inyoye.

Yohanis 17:3

Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.

Yohanis 19:35

Nɔng hira bere orrono ngalɔkta kawarre annaa bere kɔbhagungɔ dib na dhugunogungɔ hunde ngalɔkta a dhereye. Na chɔɔ ngalɔkta bere dhugunnonoye hunde agga ku dhereye nɔng gayɔ. Na kɔbhbhagung igge na ko igge yɛbhɛtɔ.

Zuga Kèkko 13:32

“Na yɔk lɔga bere bhiigɛsɛna ꞉Tumu kokonginyaa ga mɛa bhunyogiy agge ashaa gɛ, ke ngaya dhɔngnganɛ Yesus rɛsɛyɔye. Na kamannaye chal kamadhdhagung ꞉aggeuye a nganda. Yɔk ngalɔkta agga bere kɔ̀gɔdhdhɛsɛna Dadaba Yelloa Dawiy bhɛa kòtoyeonɛa rammanɔ na sennɛa, “ ‘Inye ani eriya nanu. Ngakalda wa ketewa chogonu.’

Zuga Kèkko 13:41

“ ‘Ngazukta bhasso lɔgɔye, ga shigitɔ na iwachi na garayɛ! Anye ale ngabɛrguya nuye kemesi lɔga bu dhandala hunde chɔɔ koyogogung ꞉hir konnɔ, ngayɛbhbhoo.’”

Zuga Kèkko 2:42

Na yɔk muktiyaa na muldɛ na alliyɛ ko Tumu hinise dhɔnɛ na chirara lɔga madhɛsɛnɛa ꞉zuga ekko ꞉Yesusi na mɛdhta kali kali.

Zuga Kèkko 20:27

Anna bere kudhugunogungɔ lɔga hinnogungu ꞉Tumu kumulɔng na lɔkte kɛmɛsɛung igge na kɔdhɔyi ninggɛ dhul.

Zuga Kèkko 4:20

Nɔng agge lɔga bere kishikkano na korrono kawarre bhee kumunɛo ninggɛ, koyogɛsɛno zugo dhɛ dhɛ.”

1 Tɛsɛlongke 1:10

Yɔk dha bere yogɛsɛnɛ zugo bhɛa reyɛo Yesus, eriya Tumu, bere dhɔngngana :chɔgɔnɛ rɛsɛyɔ na mɛa iho basseyɔ tumɔ. Na nɔng anna ibbayseiy agge hunde ale Tumu ken lɔga zugony na atti gee ɛddɛɛ lɔga gɛnyɛye.

1 Timotiyos 6:2

Na gaymanyaye kachchɛ gulsachina yɛbhbhɛa Yesuse, ngakatamaya gulsachina gɛ ke bhɛa anɛa zuga yɛbhbhɛa Yesus kari. Yɔk chɔɔ maya mɛdhdhanɛ na kachchɛ gulsachina gɛ goore, na jorronɛ bhɛa bɔɔ kaynɛnɛa sabbɔ, ke ngaya anɛ zuga yɛbhbhɛa Yesus kari na ibhɛsɛnɛ chɔɔ hinisi na gulsachina gɛ ɛsɛdhɛ lɔga gɛ shɛɛye. Ngagiya a lɔkte maya madhɛsɛn zuga yɛbhbhɛa Yesus na iriyɛ gooreye.

2 Betiros 1:16

Nɔng agge bhee kòyokkogɛung lɔga ɔnneya Komoruya Na Yesus Kirisosi ko lɔga ale wokkonɛa :nɛaye, a ngaya bere korɛo dirama nɛnɛ kawarreye. Na ngalɔkta bhee anɛ ga magganɛa :zugu nganga hung ku butomoa dhagɛa :zugu kali ngayo.

1 Yohanis 1:1

Ngalɔkta kenno kòyoktogung :aggeuye agga ajjɛa zugo bassey. Na ngalɔkta rɛ a hiri. Na ngahirra bere ihono kingi huna chɔɔ tumu ko ba ngani kètegenydoayo. Na agge chɔɔ bere karto kawarre, na hunde mɛzziye, kishikto na kamarakto shɛɛ na kugumbo chɔɔ sɛnɛ.

1 Yohanis 1:5

Nɔng kamannaye bere kishikkano bhɛa nɛnɛ na mɛa kòyokkogung iggeye a ɛnɛnggeo, “Tumu i hurr huna hɔldinuny. Na bhɛa nɛnɛ kɔrrɔyn ninggɛ dhul.”

1 Yohanis 1:7

Na nɔng hunde kɔ̀tɔ hɔldinɔ ngadamita ihɛ :Tumu hɔldinɔye, anda kàn dhɔnɛ na nyawaa Eriya Nɛnɛ Yesusi onynyoniyɛ ridhingɛte kumulɔng.