Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




1 Yohanis 1:2 - Suri Latin

2 Nɔng ngahirra ku basseyte annaa bere ɛlla ko Baba Na Tumu na koo kowa ba na dhɔlagiyɔ rɛ na karto. Na mɛa agge kɔ̀ɔbhbhagung lɔga gɛnyɛ bere korrono kawarre na kùdhugunnogung bhɛa nɔng anɛa basseya iho dhul.

အခန်းကိုကြည့်ပါ။ ကော်ပီ




1 Yohanis 1:2
37 ပူးပေါင်းရင်းမြစ်များ  

Chɔɔ hirre dhɔnɛ bere or Tumu, ninggɛ dhul. Na nɔng eriya nɛnɛ dhɔnɛna ibhinɛna ko nɔng hinisi annaa bere dhugunogiyɔ agge hunde Tumu a hirre ku ɛnɛngge na kàtakta.


Na Lɔgɔ a ɛnaa basseyny dhɔnɛnɛ. Na basseya nɛnɛ a hɔldina zugony.


Na kajjɛ basseya iho dhul na ngagarsɛ. Na chɔɔ inde ale mayichchonony bhɛa ɛlɛa siya nanu, ninggɛ dhul.


Na nɔng Yesus yagɛsɛ na sɛɛsɛ, “Ganggu ko lɔga ku dhere ko bassey kani :anyo. Na hirre se kok gɔra ihɛa :Babaa nanuye, maya dhoony anye. Ganggu kona ninggɛ dhul.


Na ko igge maya kɔbhɛsɛno zugo lɔga ganyu ke ngaya bɛrgua bere kɔgɔdhdhanɛi madha kɛlɛ kariye.


Nɔng anye annaa bere kabansani bhɛa ihɛa Babaa nanu na kuguni chɔɔ ba. Na mɛa ale kɔdhɔyi ba na kowogi bhɛa Babaa nanu sɛgɛn.”


Nɔng basseya iho dhul hunde a bhɛa kèsenɛa ɛnɛngge, dhuguninya hunde zugo gainyɛ inye, Tumu Komoruya ku dhere dhɔnɛna, ko anye, Yesus Kirisos hira bere ekkononyi :inyoye.


Na mɛa Babaye, hunde ngani kɛ̀l kari ngayaye, dhɔngany na any diram damiya bere kɔlɔmɛi sabbɔ huna ba ko tumu ngani kètegenydoayo.


Nɔng hira bere orrono ngalɔkta kawarre annaa bere kɔbhagungɔ dib na dhugunogungɔ hunde ngalɔkta a dhereye. Na chɔɔ ngalɔkta bere dhugunnonoye hunde agga ku dhereye nɔng gayɔ. Na kɔbhbhagung igge na ko igge yɛbhɛtɔ.


Nɔng Yesus huna bere bansana rɛsɛyɔ na dhɔlɛsɛna zuga kɔbhbhɛa nɔng rɛ, mɛa hunde kɔ̀tɔrɛ ngandaye, te jagarɛ kɛngi sizzi.


Hirre bere kɔ tumɔ na ga lɔga ɛlla ngonu, kona ninggɛ dhul. Ga :Hiriyɔ Hoynɛ sɔng, naa bere kunno ngonu.


Anye nɔng kaggayɔ, ke ngaya kɛlɛo kari na ekkonɛany na kugunɛye.”


Yɔk ngalɔkta koyokkogungge agga bere korroni huna kɛllo ko Baba nanu. Na ko igge messo lɔga bere shikkano bhɛa babaa nu.”


Na huna bere dhɔllana rɛ, zugo kumulɔng ngani kargito. Bere korro ꞉aggeu sɔng, zuga bere bɛrraniy ꞉Tumu sabbɔ. Na chɔɔ huna Yesus bansana rɛsɛyɔ, agge kanno zuga bere kɛllo ko nɔng na kumulnɛno kari.


Na Tumu nɔng bɔɔ ibbanisiyoa Yesus rɛsɛyɔ. Na agge kumulɔng kanno zuga bɔɔ korrono ngalɔkta kawarre.


Na ibhtao hira ajjiy bassey na indo. Na Tumu nɔng dhɔnga rɛsɛyɔ. Nɔng agge kanno zuga bɔɔ korrono ngalɔkta kawarre.


Na Tumu bɔɔ aynɛa zuga igomɛsɛnɛa nɔng Kuloya nɛnɛ. Na agge ko Kuloya Tumu kanno ga bɔɔ korrono ngalɔkta bansanɛ ꞉Yesusi rɛsɛyɔye kawarre na koyogɛsɛno zugo.”


Yɔk lɔga bere dhugunnogiy :Tumu ajjiyɛa bhɛa kɔ̀ɔbhɛa lɔga gɛnyɛ dhere, agga kìwacheo goore dhogoy na chɔɔ ko hinisi ngakàraginɛnɛayo. Na ngalɔktonu a ɛnɛnggeo, Nɔng bere dhɔlagiyɔ rɛ ke hiri, na dhugunoa :Kuloya Tumu, bhɛa anɛa Eriya Tumu dhere, na arta :zuga ekko :Tumu, na lɔga gɛnyɛ kàmadhtɛsɛa bhorinya kumulɔng, na zuga bhakkɛa ba yɛbhta nɔng, na kàytɛa tumɔ na bo lɔmma diram.


Na yɔk mɛa ngalɔkta bɔɔ dhugundiyaa tok ke bhɛa bere kunɛa :Kirisos Yesusi, Komoruya Na Ibbayseiy agge. Nɔng anna bere igariseo rɛsɛ na dhugunnogiy bhɛa kɔ̀jɔanɛa basseya iho dhul hunde kɛ̀yɛbh kamannaa challaye.


Na hunde yɛbhɛ ngakamannaya ku dhere na bhɛgɛ shɛɛye, ibhɛsɛnɛ lɔga ale jɔanɛa basseya iho dhul hinisi damiya bere ɛsɛdhdhanɛa :Tumu sabbaa nɛnɛ huna chɔɔ ba ngani kètegenyoayo. Yɔk ngalɔkta hunde a dhereye, kàggayɔ ke ngaya Tumu butomo ngameziyɛoye.


Ngalɔkta kenno kòyoktogung :aggeuye agga ajjɛa zugo bassey. Na ngalɔkta rɛ a hiri. Na ngahirra bere ihono kingi huna chɔɔ tumu ko ba ngani kètegenydoayo. Na agge chɔɔ bere karto kawarre, na hunde mɛzziye, kishikto na kamarakto shɛɛ na kugumbo chɔɔ sɛnɛ.


Na hunde kɛ̀l kari ke dhɔnɛye, kɔ̀lɔ basseya iho dhul bere bhiikkagiy :Kirisosi.


Nɔng Kirisos huna bere kunno ba ngaya, hunde bere kun na kiggarisi lɔga ga gɛrsaye, igge gaoyɔ. Nɔng bhɛa nɛnɛ chɔɔ lɔkte gɛrsi ku ridhing ninggɛ dhul.


Na nɔng inde me lɔga gɛrsaye a eriya Moldoyny ke ngaya Moldoy bere messonɛ lɔga gɛrsa kingi bɛrgua bere ngani kèghendonɛa baye. Na bhee bere kunɛ Eriya Tumu ba ngayaye, a ngaya se kusurranɛ lɔga messo :Moldoyɔye.


Na chɔɔ nɔng huna bere ibhbhana Eriya Nɛnɛ na ittonnono ba na kibbaysi zugo kumulɔng, agge bere kàrto kawarre na aynde kɔɔbhɛsɛno zugo ngalɔktaye.


Nɔng gangguye maya maragɛo lɔgɔ na gayɛo bhɛa anɛa ga dhugunono :Kuloya Tumuye a ɛnɛnggeo, hunde shikto lɔkte yokkono :hiriyɔ kuloyɔ na sennɛ, “Yesus Kirisos huna bere kunno ba, bere hudhukkinyana ke hiriye,” ngangaye ngalɔktonu dhaa agga dhugunono :Kuloya Tumu dhere.


Yɔk ngalɔkta a ɛnɛnggeo, Tumu bere ayiyɔ basseya iho dhul ko kingi. Na ngabasseyta lɔ :Eriya Nɛnɛ.


Ngazukta yɛbhbho sara Eriya Tumuye, anye bhee kɔgɔdhdhagɛung ngalɔktaye a ngaya kèni taktɛ bhɛa lɔmɛo basseya iho dhulde.


Na Eriya Tumu hunde dha bere ko ba na aiy bho gaanaa kàggayɛa bhɛa Tumu anɛa Komoruya ku dhereye, kàggayɔ. Na mɛa kɛ̀l ko ngakomoruyta ku dhereye ke ngaya kɛ̀lɛ ko Eriya Nɛnɛ Yesus Kirisos kari ke dhɔnɛye. Nɔng Yesus a Tumu Komoruya ku dhere ko basseya iho dhul.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ