1 Tɛsɛlongke 5:6 - Suri Latin

⁶ Na mɛa any kɛ̀bhɛgɛ rɛhi na kɛ̀tɛldi tunɔ. Ngakɛ̀tɛhɛyɛ ko ga ungussɛa.

1 Tɛsɛlongke 5:6 ပူးပေါင်းရင်းမြစ်များ

Dadaba Yonasi 1:6

Na gulsaa gongguluny koo assa nɔng bhɛa ungusɛa na ibbanisiu na sɛɛsɛ, “Ay! Nganga ngaungusi! Bana na ogol Tumua nunu. Kako karriy na kibbaysieytɔ.”

Matiyos 13:25

Na hunde zugo ungussɛa bhoyte, nɔng mirogiya nɛnɛ kunno na sayɛsɛna shuroy gosso toye na kɔa.

Matiyos 24:42

Na mɛa igge mɛdhta na tɛldi tunɔ ke ngaya imagɛo kala ale kunɛa :Komoruya nuye.

Matiyos 25:13

Na mɛa ko igge mɛdhta na bhɛktɛ shodhdhik ke ngaya imagɛo ngakoleonu oo ngaunggonu dibte.

Matiyos 25:5

Na nɔng roriyaa dureo wololo dha bere i dhul na shaw ngakunno. Na yɔk sedhdheaa gina kumulɔng bhiikta :ungu na tunggi lush.

Matiyos 26:38

Na sɛɛsɛ, “Anye hinisa nanu wa ɛsɛdhdha lɔgɔ na kushurɛu goore na chɔɔ rɛa nanu ngani ngakoriyo. Na mɛa igge ga tɛldi ngaya, na tɛldi tunɔ hunde nande!”

Markos 13:37

Yɔk ngalɔkta koyokkogung iggeye, koyogɛsɛn chɔɔ zugo kumulɔng. Na a ɛnɛnggeo, ‘Mɛdhta kali kali na tɛldi tunɔ!’”

Zuga Kèkko 20:31

Na mɛa igge bhɛgɛ rɛhi! Na katta lɔga bere kibbashɛungu na kamadhɛungu oynya sizzi kari bar ko kali kedherre.

1 Tɛsɛlongke 4:13

Gochonginyaye, agge kenno taga lɔga zuga bere rɛssɛa sabbɔ hunde a ɛnɛngge, na ngamunyu huna zuga ngani Yesus kɛyɛbhtao na kedhdhɛa hinisi.

1 Tɛsɛlongke 5:10

Nɔng Kirisos annaa bere rɛsɛiy agge. Na ko hunde kɛtɛldi basseyɔ oo bere kergiyɛ, se kɛ̀tɛldi kari ko nɔng.

1 Tɛsɛlongke 5:8

Nɔng agge kan zuga hɔldinuny. Na ga kɛ̀bhɛgɛ rɛhi na kɛ̀yɛbhɛ Yesus na kèteyele zugo. Na ngalɔkta kèmesɛ ngangaye, kɛɛnggiy rɛhi huna ahaa kìchibɛa banggurachin saginɛgiye. Na kìbhtɛsɛ lɔga ale ibbaysiyɛiy :Yesusi hinisi na aynde kɛngiyɛ sabbi huna kuguriya chibbɛa :zuguye.

1 Timotiyos 2:15

Na chɔɔ ko hunde kete nganga, nɔng hira ngaha ale basɛ bhɛa hudhukkonɛa erro, hunde yɛbh Tumu goore na ibhɛsɛn zugo hini na me lɔga challa ridhing ningginɛna kali kaliye.

1 Timotiyos 2:9

Na ko yɔk zuga ngaha any kamalugu ruminyaa gɛ na kɛchɛbtɛ shɛɛ na zugo liya ngaajjɛ. Na yɔk maya shɛɛ shɛɛ ngayisinɛo na chibinɛo worginyaye oo chalanyaa bo gaw dhandala oo ruminyaa bo gaw dhandala ke bhɛa ganɛna ko rɛhiya gɛ.

1 Timotiyos 3:11

Na ko yɔk tɛrro, maya agga ɛngɛrsɛa :zugu na zugo ngakedhdhɛayo na ojjɛsɛnɛa rɛhi hirimo, na lɔga messɛa :yɔkku kumulɔng yɛbhbhɛa :zugu.

1 Timotiyos 3:2

Nɔng gulsaa bo allinɛnɛa zuga yɛbhbhɛa Yesus, maya anna messo lɔga ku dhere gayɛa :zugu kumulɔng, na lɔmma tɛri dhɔnɛ sɔng, na ojjɛsɛna rɛ hirimo, na bhɛkka rɛa nɛnɛ shɛɛ, na lɔmma diram bhɛa zugony, na lammana kɔmɔn, na gaa bhɛa madhɛa zugo,

2 Timotiyos 4:5

Na nɔng inye bhɛk rɛa nunu tii na te dhandali na lɔgɔ tungɛsɛ haalɛ. Na hunde dokkon lɔga chɔllanɛnɛiye, nyimbɔ. Na zukte kamannaa Yesusi ngani kishigitoye madhɛsɛ na kɛyɛbhɛtɔ. Na lɔga kayɛy Tumu, me na urrugɛsɛ kumulɔng.

Tito 2:12

Na ngalɔkta kìchirbhisiyɛiyte, madhdhagiyɛ bhɛa kàmarɛa lɔga gɛrsa ko ga kìchirkanna ɛlla bay ngaya marra :Tumu. Na lammaniyɛ na kɛ̀bhɛgɛ rɛhi na kɛ̀tɛldi hurr. Na hunde ngani kàbhak baye, kèmesigi lɔga hinno :Tumu sɔng.

Tito 2:6

Na ko yɔk bara madhɛsɛ na kɛbhɛgɛ rɛhiya gɛ.