1 Tɛsɛlongke 4:3 - Suri Latin

³ Tumu se te zuga kɛnginyano hɔla ridhing ningginɛna na dhɔyɔ lollumo

1 Tɛsɛlongke 4:3 ပူးပေါင်းရင်းမြစ်များ

Matiyos 12:50

ke ngaya inde shik lɔga Babaa nanu iho tumɔ na bhɛkte, anɛ gochonga nanu ko ngɔnaa nanu ko mama nanuye.”

Matiyos 15:19

Bhee anɛ ngangaye a ngaya lɔga bhonsanɛa hinisa hiriguny gena anɛ ga ɛsɛdhdha :hiriyɔ ku kuhu, ko zugo nisa, ko lollumoa assanɛa :hiriyɔ tɛriya hiriguny oo assanɛa :tɛriyɔ hira lɔmma tɛri, ko lollumoa messɛa :zugu ko ɔgɔrchamo ko butomoa kàmagɛsɛna zugo ko zugo kedhdhaye.

Matiyos 5:32

Na nɔng anye kesennagung, chɔɔ hirre chuk tɛriya nɛnɛ nganga hung hunde ko hir kona kari ngani kɛtɛlditoye, tis tɛri na hunde kesea kɔɛ :konnɔye, kùguny ke tɛriya ku lollu. Na ko nɔng hirre kɔɛ tɛriya kennɛna ko hiriye, me lollumo.

Matiyos 7:21

“Zukte sennaganyɛ, ‘Komoru, Komorue’ kumulɔng ga ale hɛa na lɔmma :Komoruya tumony ngayo. Na yɔk gee ale hɛ na lɔ :nɛaye, a gee messɛ lɔga hinno :Babaa nanu iho tumɔye.

Markos 3:35

Nɔng mamaye nande ko gochonginyaye ganyde ko ngɔnanyaye ganyde a gee shikkɛ lɔga Tumu na bhɛkkɛye.”

Yohanis 4:34

Na nɔng yagɛsɛ na sɛɛsɛ, “Anye hunde kigomɛsɛn hira bere ekkononyi na kurrugɛsɛn lɔga gɛnyɛ bere ajjanyiye, ngandonu a amissɛte nande.

Yohanis 7:17

Na hunde lɔ hirre se keme lɔga hinno :Tumu na kurrugɛsɛye, ale gayɔ hunde ngalɔkta kamadhɛsɛn zugoye agga bere ajjanyi :Tumu oo hunde agga sabbaa nanuye.

Zuga Kèkko 15:20

Na agge ga kɔ̀tɔgɔndɛsɛ dadab na kàmadhtɛsɛ na kèseyɛsɛ ɛnɛnggeo, ‘Amissɛa uddulɛsɛnɛa :zuga ibhbhɛa aha gen ke barari ngaammo. Lollumo ngamesso. Ayuga kɛginyaa nyawa bay ngani kataandao ngaammo na nyawa ngamatto.’

Zuga Kèkko 15:29

‘Amissɛa kùddulɛsɛna ahaa ibhbhɛa ꞉zugu ke barari ngaammo. Ayuga kɛginyaa nyawa bay ngani kataandao ngaammo na nyawa ngamatto. Lollumo ngamesso.’ Hunde bhɛkko ngalɔktaye, a challi. “Tɛldi shɛɛ.”

Zuga Kèkko 20:32

“Na mɛa anye kɔdhɔttagung Tumu ko lɔga gɛnyɛ challa chirbhisiuny. Na ko igge kutuhong ꞉lɔga gɛnyɛ na tɛhɛyɛ ko zuga bere yɛbhbhɛa Yesus ridhing ningginɛna na ale sɛrɛyɛa lɔga bere kìbhiigɛsɛna yɔk.

Zuga Kèkko 26:18

Na owo kawarɛ na kobhonda mugurɔ na kohoya gɔra hɔla na kɔdhɔyɔ ɔnneya Moldoyi na kawakta gɔra Tumu. Na hunde yɛbhtany anyeye, aynde ale kujjugɛ lɔga gɛ gɛrsa na jɔanɛ bhɛa ɛlɛa ko zuga yɛbhbhanyɛa anye ridhing ningginɛnaye.’

1 Tɛsɛlongke 4:2

Yɔk lɔga bere ajjiy :Komoru Yesusi buyna nɛnɛ na kàmadhdhagungu sabbɔ, gaoyɔ.

1 Tɛsɛlongke 4:4

na bhɛgɛ rɛhiya gu shɛɛ na te zuga ridhing ningginɛna lɔmmo diram.

1 Tɛsɛlongke 5:18

Eterrisana Tumu lɔkke kumulɔng. Yɔk ngagiya a lɔkte hinnogung :Tumuye ke ngaya yɛbhɛo Yesus Kirisose.

1 Tɛsɛlongke 5:23

Na mɛa Tumu Komoruya yakkana ba chaldin, any keme lɔkte hin :nɛaye kumulɔng bhɛa nu na te zuga ridhing ningginɛna. Na Komoru Yesus Kirisos hunde ale kunde, kɛbhɛk kulyaa gu ko basseya lɔmmo :iggeu ko rɛhiya gu na kete ga bo ɛlla hurr kumulɔng.

2 Tɛsɛlongke 2:13

Ngagochonginyaa yellung :Komoruyɔye, agge maya keterrisanno Tumu tii tii ke ngaya bere bɛrranɛung :nɛa sabbɔ na ibbaysiyɛung Kuloya nɛnɛ bere onyonɛungu ridhing ko ngaya yɛbhɛo lɔga Yesusi ku dhereye.

Tito 2:14

Nɔng anna bere rɛsɛiy agge na kibbayseiy lɔga gɛrsa kumulɔng na kète zuga gɛnyɛ ridhing ningginɛna na hinisiya ga kɔshɔya na kèmesigi lɔga challa hinno :nɛa.

1 Yohanis 2:17

Yɔk ngalɔkta ku kuhu messɛ :zugu bay ngayaye ko ga ku kuhu chirkannɛa :zugu, ale garsɛyɔ. Na yɔk zuga messɛa lɔga hinno :Tumu, ale kàjjɛ basseya iho dhul ko kingi.