1 Tɛsɛlongke 3:6 - Suri Latin

⁶ Na nɔng mɛa hunaa Timotiyos wokkono baa nu na assaniyye, yogogiy sabhana nu bo challa ngani yɛbhɛo Yesus na yelɛo zugo. Na yogogiy hunde chɔɔ dhaa kadhdhaniy hinisiya bo challa na ɛsɛdhdho damiya kɛsɛdhɛo :aggeu na senno kìtinyandɛ sɛgɛnde.

1 Tɛsɛlongke 3:6 ပူးပေါင်းရင်းမြစ်များ

Zuga Kèkko 16:1

Na Bhaulos dhau Derbe na koo dhau Litira. Na Litiragiye dha bere lɔ hirre yɛbh Yesus kèe Timotiyos. Nɔng jɔnɛ a tɛriya ku Ayhudhi yɛbhbha lɔga Yesusi. Chɔgɔnɛ nɔng a hira Girikuny.

Zuga Kèkko 18:1

Na koo Bhaulos bana Atenagiye na ogo Korontosɔ.

Zuga Kèkko 18:5

Na hunaa Silasi ko Timotiyos honynyo Mekedoniyagiyeye, Bhaulos dhɔyu zinggoa gɛnyɛ, na madhu zugo sɔng. Nɔng dha madh zuga Ayhudhi na kɔbhɛsɛn lɔga Yesusi na senɛsɛn, “Hira bere Bɛrrana ꞉Tumu a ꞉Yesusi.”

1 Tɛsɛlongke 1:3

Na kali kali hunde kògollogung Baba na Tumuye, kagadhdhano bhɛa bere yɛbhɛo Yesus na messɛo zinggo shɛɛ, ko bhɛa bere hinisi annɛungu bibi na yelɛo zugo na ɛanɛo, ko ngaya yɛbhɛo bhɛa ale kunɛa :Komoru Yesus Kirisosi na mɛdhdhanɛo lɔga gɛnyɛye.

1 Tɛsɛlongke 2:17

Na nɔng mɛa gochonginyaye, huna bere kegenɛna ko igge, kegennɛ rɛhichinne sɔng. Na annaa bɔɔ killobto bhɛa kenno kìtinyandɛy na kɛ̀tɛldɛ kari sɛgɛn ke ngaya kagadhɛung igge gooreye.

1 Tɛsɛlongke 2:9

Gochonginyaye, huna bere kemesso zinggo goore na kaargareo igge gaoyɔ. Annaa bere kemesinɛno bar ko kali ke ngaya kenno ngakàmargiyɛo hir konaye na kàmadhdhagungu kamannaa Tumu challa sɔng.

1 Tɛsɛlongke 3:7

Na mɛa gochonginyaye, ko hunde chɔɔ kùshurtɛo na kɔ̀chɔllayɛo goore, hinisiya gayo ɛllanɛ bay ke ngaya ngani yɛbhɛo Yesuse.

2 Tɛsɛlongke 1:3

Gochonginyaye! Agge maya keterrisanno Tumu tii tii ke ngaya yɛbhɛo Yesus na yelnɛnɛo kɛngɔ goore na chɔɔ mɛdhdhanɛo na jorronɛo lɔga bere messo sabbɔye. Na nɔng hunde keterrisanno Tumu ngalɔktaye, a challi.

1 Timotiyos 1:5

Yɔk lɔkte keni madhɛsɛ zugoye hologun a ɛnɛnggeo, kèe zugo kibhtɛsɛ lalugɛ hinisi dhere. Yɔk zuga ibhɛsɛnɛa lalugɛ hinisi dhere, agga hinisiya gɛ ɛlla hurr na ɛsɛdhdhɛa lɔga challa na yɛbhbhɛa kamannaa challa dhere.

2 Timotiyos 1:3

Nɔng anye kutuhi Tumu, Komoruya kagayi hinisa bo challa, damiya bere kayɛa :kokonginyaa ganyu, na tii kogolloginy Tumu bar ko kali hunde kallinɛno ko nɔngge.

Silimona 1:5

ke ngaya bɔɔ kishigɛ bhɛa yɛbhɛi Komoru Yesus ko bhɛa ibhɛsɛni zuga yɛbhbhɛa Yesus kumulɔng hinisiye.

1 Yohanis 3:23

Na agge maya kɛ̀yɛbh Eriya Tumu Yesus Kirisos na kìbhinɛ hinisi kɛngɔ damiya bere madhdhagɛiy :nɛa. Ngagiya a lɔkte bere ajjiy :Tumuye.