1 Tɛsɛlongke 2:14 - Suri Latin

¹⁴ Gochonginyaa gayoye, igge dha bere artao lɔga zuga bhakkɛa baa Yudha yɛbhbhɛa lɔga Yesus Kirisosi. Na ngaya yɛbhɛo lɔga gɛnyɛye, a bhɛa bere chɔllanɛnɛo bhɛa zuga bhora nu damiya bere chɔllanɛnɛa :zuga yɛbhbhɛa lɔga Tumu ɛlla baa Yudha bhɛa bhora nɛ Ayhudhi.

1 Tɛsɛlongke 2:14 ပူးပေါင်းရင်းမြစ်များ

Zuga Kèkko 11:19

Na kala bere kùjjɛa ꞉Istibhanos na rɛsɛa, zuga yɛbhbhɛa Yesus dha bere kɔ̀gɔrrana na hangnɛ na bhassanɛ na gena hɛ Bhinkegiye ko Kobhorosɔ ko Ansokiyagiye. Na hunde hɛye, dha bere madhɛsɛnɛ kamannaa Yesusi zuga Ayhudhi sɔng.

Zuga Kèkko 13:50

Na yɔk gulsachina Ayhudhi kɔnkɔnɔ tɛrroa ngaɔrronu lɔmmɛa aha yɛbhbhɛa damiya Ayhudhi ko gulsachina ngaɔrronu na katamara Bhaulos ko Barnabas, na kɔlda.

Zuga Kèkko 14:19

Na zuga Ayhudhi gen hoya Ansokiyagiye ko Ikoniyomɔ na kɔnkɔnɔ zugo na kɔchɔ Bhaulos bɛnne. Na chɔ na tugurtɛsɛ ɔr dhey. Yɔk sennɛ wa ere.

Zuga Kèkko 14:2

Na yɔk zuga Ayhudhi marrɛa ngalɔkta gen kɔnkɔnɔ bhorinyaa anaa ngani kamannaa Yesusi kɛyɛbhtao na kowoloktɛ ko zuga yɛbhbhɛa Yesus.

Zuga Kèkko 14:4

Na yɔk zuga orony kendiyaa gaminya ramman. Na gam kona tɔrɔ zuga Ayhudhi. Gam kona tɔrɔ zuga ekko ꞉Yesusi.

Zuga Kèkko 14:5

Na zuga Ayhudhi ko bhorinya gen ko gulsachina gɛ daga go na kitiranydɛ Bhaulos ko Barnabas na kɔchɔ bɛnne na kinditɔ.

Zuga Kèkko 17:13

Na zugaa gina ku Ayhudh bhakkɛa Tɛsɛlongke hunaa takta hunde Bhaulos madhinɛnɛ lɔga Tumu Beriyagiyeye, ago ngonu na kɔnkɔnɔ zugo na bhori ba sɛgɛn.

Zuga Kèkko 18:12

Na bɛrgua anɛa Galiyo gulsa Akayagiye, zuga Ayhudhi muktiyaa na bandɛsɛ Bhaulos na aytɛ doraa kègedhdhɛa lɔgɔ.

Zuga Kèkko 8:1

Na ko nɔng Saol dha bere hinɛsɛn Istibhanos rɛsɛ. Na kala rɛsɛa ꞉Istibhanosi lɔgɔ te dhandali goore. Na zuga yɛbhbhɛa Yesus ɛlla Yerusalemɔ kumulɔng kɔ̀gɔrta na bhassayɛ. Na gena hanggɛ oriya ɛlla baa Samariya, gen hanggɛ oriya ɛlla baa Yudha. Na Yerusalemɔ dhɔttɛ ꞉zuga bere ekko ꞉Yesusi sɔng.

Zuga Kèkko 8:3

Nɔng dha bere Saol se kuhuga zuga yɛbhbhɛa Yesus. Na tunnugɛsɛn doriyo doriyo kumulɔng na ghurtono zuga maya ko ga ngaha kari na kɔɛ doraa chibinuny.

Zuga Kèkko 9:1

Na nɔng Saol dha bere dɛbiny na ngani hinɛsɛn zuga yɛbhbhɛa Komoru Tumu rɛsɛ. Na ogo bhɛa gɔldanga bo doraa Tumu barara.

Zuga Kèkko 9:13

Na nɔng Hananiya sɛɛsɛ, “Komorue! Ngahirra bare kishikka hunde se tiranyɛ zuga gunyu ridhing ningginɛna ɛlla Yerusalemɔ gooreye.

Zuga Kèkko 9:31

Na koo zuga yɛbhbhɛa Yesus ɛlla baa Yudha ko baa Gelila ko baa Samariya hinisi tɛlda bay na bhaga ba shɛɛ. Na iriyu ꞉Kuloya Tumu na te dhandali. Na yɔk ago na te mɛri na ayɛ Komoru Tumu diram na dhɔngɔyɛ.

1 Tɛsɛlongke 1:1

Ngadadabta kɔ̀gɔdhdhagung :aggeu, Bhaulosi ko Silasi ko Timotiyosi. Na kìttonnogung igge, zuga bhakko Tɛsɛlongke yɛbhbho Baba Na Tumu ko Komoru Yesus Kirisos. Any kichirbhiseong :Tumu na bhaga ba ke na bo challa.

1 Tɛsɛlongke 1:6

Na chɔɔ huna bere dokkono chɔllaa bo goore, igge annaa tɛhɛndo kamannaa challa hinisiya bo hɔla ajjungu :Kuloya Tumu na yɛbhto na artao lɔga bere kemesso :aggeu ko ga bere messo :Komoru Yesusi.

1 Tɛsɛlongke 3:4

Chɔɔ kolea bere kɛ̀lɛa kari annaa kòyokkogungu kali kali hunde anda ale kòdokkono chɔllaye. Na ngachɔllaonu te nganda mɛa dokkonoye.

2 Tɛsɛlongke 1:1

Ngadadabta kɔ̀gɔdhdhagung :aggeu, Bhaulosi ko Silasi ko Timotiyosi. Na kìttonnogung igge, zuga bhakko Tɛsɛlongke yɛbhbho Baba na Tumu ko Komoru Yesus Kirisos.

2 Tɛsɛlongke 1:4

Na ngaya messɛo ngangaye, agge kɛdɛllo goore na chɔɔ koyogɛsɛno zuga yɛbhbhɛa Yesus ɛlla ba konnɔ ke ngaya dokkonɛo lɔgɔ na chɔllanɛnɛo goore na ngani nyimɛo na yɛbhɛo lɔga Yesusi na mɛdhdhanɛoye.